اجمل قصائد الشاعر عبدالكريم الجباري((طعنتن بضلوعي))**

[فوفو الطنايا]

بسم الله الرحمن الرحيم


طعنتن بضلوعي



~~~~
^
طعنتن بضلوعي
الحبيب الي غرامي صار بين ضلوعه
ليه وجّه في يدينه طعنتن بضلوعي
ماهقيت انها تغيّر نيته و طبوعه
اما انا هذي محاسن نيتي وطبوعي
والله انه من غلاته كلمته مسموعه
لو تدخل في خصايص روحتي ورجوعي
حتى انا عندي خبر في روحته ورجوعه
من قبل تطفي جميع معلقات شموعي
لين حدتني فعوله ديرتن منزوعه
ماقدرت ادوج فيها واخترب مشروعي
لو نقول انه غشيم وما نصحوه ربوعه
الخطا ماهو خطاي اني سمعت ربوعي
دام ماصان الغلا خله يذوق اللوعه
يكفي اني من عذابه جد شبعت بلوعي
يعني اتكون العلاقه بيننا مقطوعه
من سببه ومن يلومن لو مشيت بطوعي
لو عرف لعب العيال ولويعرف هجوعه
ليه انا ناقص ذراع......؟الا اعرف هجوعي
من غصبه انه يسفّح بالخطا بطلوعه
بس انا مانيب مثله والصحيح طلوعي
مو غرور ولااظنه منفتح موضوعه
بس من حد الخطايا يبتدي موضوعي
والله انه فعلته هذي مهي مشروعه
كن دستوره مسوى في يدين شيوعي
يالله انك من سواته لاتكثر نوعه
ويالله انك من سواتي انك تكثّر نوعي
ذيك حزة ماعرفته ليلتن مسبوعه
ليت والله ماعرفته واكتنزت قنوعي
اشهد ان حبه تكاثر في حشاي فروعه
وانصدم لامن نظرت .....!الله ياكثر فروعي
الله اكبر ياحبيبن صورته مطبوعه
داخلي واقول عمري هذا هو دلوعي
والله اني لو تركتك قيمتك مرفوعه
وش بسوي مو بديني جد حصدت زروعي
لاتحاول لاتحاول ردّتك ممنوعه
والغلا باقي مكانه لو فتشت ضلوعي
************************************************** ***************

^

^
قصيده رائعه تحسب لشاعر جزل كعبدالكريم الجباري...

[اصايل]

صح اختيارك ..

[نظره خجوله]

الله اكبر ياحبيبن صورته مطبوعه
داخلي واقول عمري هذا هو دلوعي


صح لسانك يا عبد الكريم الشمري .. شاعر جزل ,, ولاهنتي على نقلك ..

وله ايضا العديد من القصايد الجميله ومنها :

لا قلت خلني تكفى تخليني ..


شكرا لك ..

[فوفو الطنايا]

اصايل 7 نظره خجوله

نورتن هالصفحه تسلمن يارب

نظره خجوله صادقه والله قصايد عبدالكريم فعلآحلوه يسلموووو