[align=center]بسم الله الرحمن الرحيم
السلام عليكم ورحمة الله وبركاته
أحتفل ذوي سعد من قبيلة السلسة من ذوي عطية من المزاحمه من الروقة من عتيبة بأبناء عمومتهم القادمون لهم من مملكة البحرين الشقيقة وهم أبناء حاضر بن مضيان بن سعد السليس
وهذه صور الضيوف القادمون من مملكة البحرين [/align]
[align=center]وقد حضر الحفل عدداً من الشيوخ والاعيان وهم :
العقيد المتقاعد الامير بدر بن سلطان بن ربيعان
سعادة اللواء الامير عبد الرحمن بن مسلط بن ربيعان
الامير مناحي بن عمر بن ربيعان
الامير عبد الرحمن بن ماجد بن عمر بن ربيعان
الامير تركي بن ماجد بن عمر بن ربيعان
المهندس الامير عمر بن بدر بن سلطان بن ربيعان
الشيخ بدر بن قاعد بن سلطان بن عميرة
الشيخ نواف بن عبد العزيز بن رازن
الشيخ سلطان بن قاعد بن سلطان بن عميرة
الشيخ مسلط بن قاعد بن سلطان بن عميرة
الشيخ فيحان بن سلطان الشغار
الشيخ منصور بن وديد بن نجم
الشيخ ماجد بن منصور بن وديد بن نجم
الشيخ محمد بن منصور بن وديد بن نجم
الشيخ مدوخ بن هزاع السليح
الشيخ ذعار بن هزاع السليح
الشيخ نايف بن هزاع السليح
والأستاذ نايف مفرح فيحان المغيري مدير إدارة موقع شبكة قبيلة عتيبة
[/align]
[align=center]وقد بدي الحفل بآيات من الذكر الحكيم وتلا ذلك كلمة ذوي سعد ألقاها الإعلامي والشاعر الكبير والمتميز متعب بن قعيد بن مضيان السليس العطاوي
أصالتاً عن نفسه ونيابتاً عن القبيلة وقد جاء فيها : ـ[/align]
[align=center]أبناء عمومتنا الكرام بالأمس القريب دعوتمونا وتشرفنا بزيارتكم في مملكة البحرين الشقيقة ووجدنا منكم كل الترحيب والتوجيب والتقدير وهذا إن دل على شيء فإنما يدل على طيب معدنكم وأصالتكم والتزامكم بصلة القرابة بيننا وبينكم ويدل كذلك على حفظ العادات والتقاليد الحميدة وسلوم الرجال النبيلة الأصيلة .
فلم تعاملوننا كضيوف بل اعتبرتمونا أهلاً وهذا هو واقعنا وبه نعاملكم فأنتم سلاله حاضر بن مضيان بن سعد بن معتاد بن محسن بن عايد بن سفر بن حمود بن عطية هذا هو نسبنا ونسبكم .
فنحن ذوي مضيان وذوي ماضي وذي عامر أبناء عمومتكم جميعاً نلتقي معكم في مضيان وفي سعد وفي معتاد وفي محسن . نسبنا واحد وصلتنا قوية وقلوبنا مجتمعة وإن إفترقت الأماكن والديار ، وبقدومكم أبناء عمنا نقول لكم أهلاً وسهلاً ومرحباً فأنتم لستم ضيوفاً بل أنتم منا ونحن منكم الدار داركم والأهل أهلكم بيوتنا بيوتكم فإن لم تسعكم بيوتنا وسعتكم قلوبنا .
أبناء عمنا من الأعماق نحييكم وأعذب الكلمات وراق المشاعر نهديكم فأهلاً بكم أبناء عمومتنا الكرام وحياكم الله بين أبناء عمكم وإخوانكم وأهليكم يستقبلونكم فرحين وبلقاؤكم سعيدين ومسرورين فما أجمل لحظات اللقاء بين الأقارب والأحباب إنه لشعورٍ صادقاً وليس كذاب . والسلام عليكم .
وبعد ذلك ألقا عشق بن قعيد بن مضيان كبير ومعرف القبيلة كلمة ترحيبيه بهذه المناسبة :ـ
بسم الله والصلاة والسلام على من بعثه الله بالحق المبين وجعله نوراً ورحمةٍ للعالمين اما بعد .
فليسا لدي اكثر مما أتو به شيباننا في كلمتهم السابقة فهم قدوتنا ومرجعنا في أمور كثيرة إنما اود أن احيي جميع من شرفنا بحضوره حفلنا هذا إبتداءً بشيوخنا الأفاضل وكل الموجودين لهم مني فائق الأحترام واكن لهم كل محبه وتقدير شاملاً بذلك أبناء عمومتنا سلالة حاضر بن مضيان حياهم الله بين أخوانهم واهليهم معززين مكرمين وكل من أتا لنا ملبياً لدعوتنا من أي مكان ومن أيّاً كان فأهلاً وسهلاً بالجميع لكل منكم قدره وأحترامه ولا ينقص مقامه والسلام عليكم ورحمة الله وبركاته .
وقد شارك الشاعر الكبير المبدع ناصر بن نهار بن ضيف الله القاضي بقصيدتين رائعتين وها نحن نورها لكم
القصيده الأولى لـ ناصر بن نهار القاضي[/align]
[poem=font="Simplified Arabic,5,black,bold,normal" bkcolor="transparent" bkimage="../backgrounds/16.gif" border="ridge,6,orange" type=2 line=0 align=center use=ex num="0,black"]
دعوني ربعي الروقه وجيت الهم بلاتكليف=مافيه امر ٍ بعد دعوة هل الدعوه يكلفني
البي دعوة الروقه لوأني في ديارجنيف=هذا هوديدني واهل الوفاوالدين تعرفني
تطيع النفس لرضاهم واعسفها لهم تعسيف=ولوقلبي قسا نفسيي لواجبهم تعسفني
سلالة من علي صعيب لواحاول التصنيف=عسا الله يرحمه وانا بذنبي لايناكفني
حمود اللي نزل خلف الركايب والنهارمخيف=وقال الذل عيب ومنه موتي ماينظفني
نزل يوم الردي فالكوركنك كاتفه تكتيف=ونجاّء ربعه الضفران وافعاله تشرفني
بعد هذا نرحب بالضيوف ولاعتبرني ضيف =مقامي مع مقام الربع يوم الحض حالفني
عضياني عطاوي كلهم واحد بكم وكيف=ومنهوحاضر ٍ بالحفل للكلمه يناصفني
فرح ربعي يفرحني واثورليالحقهم حيف=لحاف ٍ مايلحفهم لاوالله مايلحفني
بعدها ياقبائل روق زان العيد بأهل السيف=بعد غيبة سنين اطوال بين البحر والسفني
بغربتهم وغيبتهم عن الاوطان قرن ونيف=بعد حاضر تعرض للخطا واصل الخطا يفني
وبعد عادوا نقول اهلا ً بهم عدة بروق الصيف=نيابه عن قبائل روق واللي فات يوسفني
من الغربه لربع ٍ حازوالنوماس والتشريف=بدار ٍ دونهاالامواج تقذفهم وتقذفني
هذا قولي وقول اهل الشكاله موردين العيف= حمول الخيل لادارت رحات الموقف العفني
حمول الخيل قوم ٍ ماتريد من العرب تعريف=قبائل نجد تعرفهم وانا ماحد ٍ موظفني
وصفهم قبلي الشاعر واجاد القول والتوصيف=بيوم ٍ تنثرالعين الدموع ويسهرالجفني
نهارالانصراللي موقف العضيا ن وصطه شيف=وانا ماجيت اعيد اللي مضا والبحث يصلفني
لكن يحتم الموقف واسولف والبلاد مريف=سواليف ٍ لياسولفتها ماهيب تكسفني
واعود لربعنااللافين واكمل كلمتي واضيف=اقول الشيخ ضيف الله بدعوتكم مكلفني
نيابه عن رجال ٍ يعرفون الصدق والتزييف=مصادرحق يوم البطل سايد والحجج دفني
قضاة عتيبة اللي مادخل بسلومهم تحريف=وانا مندوبهم والوقت يسعفكم ويسعفني
لكم واجيب عليناياحرار ٍ ماتبي تعليف=بعد جيتووجيناتركت الواجب تحسفني
واختمهابذكرمطلع العرجون وسط الليف=عسا الخلاق يكنفكم بتوفيقه ويكنفني[/poem]
[align=center]القصيده الثانيه لـ ناصر بن نهار القاضي[/align]
[poem=font="Simplified Arabic,5,black,bold,normal" bkcolor="transparent" bkimage="../backgrounds/16.gif" border="ridge,6,orange" type=2 line=0 align=center use=ex num="0,black"]
جزيل القول من بالي نضمته=على طرق الهلاليه رسمته
نقينا الجزل واهملناركيكه=على مادارفي بالي حكمته
اطرد شرده واحكم بيوته=وميزانه ووزنه ماضلمته
احذف بيوت واسخربدلها=على الطاروق هذا مارحمته
واطاع القاف الي واصبح مقاود=بعدسلّم عنانه واستلمته
وقدته للمواضيع الجزيله=ولولا الله علمي ماحسمته
لكن الله ميسركل صعبه=ويسر عمرتي والشهرصمته
وبعد عيدت جيت لمن دعاني=ابارك له بربعه واحترمته
ولدعمي ذراعي تاج راسي=صدوق الوعد لامني زهمته
رفيق ٍ صادق ٍ معيه ووافي=على طول الدهرمايوم لمته
عشق عشاق جزلات المعاني=فهمت الاسم والامافهمته
ياسامع كلمتي عبرالقصيده=هذاه اهوه رفيقي لاعدمته
حفيد اللي ثنا خلف الركايب=نهاريضيع الممرورصمته
حمود بن مضيان العطاوي=ماهمه بارد اليمنا وشمته
نزل بوجيه قوم ٍ طالبينه=ونجّا اللي مداويره زحمته
وخلّف له حرار ٍفي مكانه=بوصف حمود لامنك نهمته
بعيد ٍ طلعهايفرح هددها=بنت صرح المعالي ماهدمته
سلسة ٍ ياخذون الحق وافي=اهل راي ٍ صعيب لياحزمته
اقول الصدق ماقوله مجامل=وانا اللي صادق المنطوق رمته
كمن العلم لاردوه عني=يقنع من بدا هرجه وسمته
اقص الدرب واثبت ارجولي= وسيف الحق عندي ماثلمته
اعرف الناس والتاريخ اعرفه=ومن حاول يخاصمني خصمته
مثل ماصارقبل اسنين مدري =متى لكن بالواقع كتمته
هذاهوديدني والعلم واضح=وابه موضوع ثاني ماخدمته
ابا بيتين فيه اوهن ثلاثه=لياكملتهاقافي ختمته
اقدم دعوتي للي لفونا=من البحرين والماضي علمته
من الغربه ومن بعد القبيله=وبعد جوفالوطن ديني قسمته
ماروح الابعد تحديد موعد=هذا علمني ورفضه ماهضمته
ماشوف مبرر ٍ يرفض كلامي=ويابا الحربين الناس غمته[/poem]
[align=center]وقد ألقيت قصيدة ترحيبيه بالضيوف للشاعر مضحي بن خليل بن محمد السليس العطاوي [/align]
[poem=font="Simplified Arabic,5,black,bold,normal" bkcolor="transparent" bkimage="../backgrounds/16.gif" border="ridge,6,orange" type=2 line=0 align=center use=ex num="0,black"]
أول القول ذكر الله رب الانام = مجري السفن فا الغبه على حيلها
مرحبا بالضيوف ومرحبا بالعمام = عد ما هلت الندرا هما ليليها
عيدنا اليوم فيه أنسام ورد وغمام = غيمة أفراح بالانفس درج سيلها
وأشرق النور وأصبحنا على يرام = شعشع العز والطالات نمشيلها
أحمد اللي جمعنا بعد تسعين عام = والحقيقة مثل شمسٍ فضت ليلها
عم أبويه وأخو جدي ما فيه أنقسام = جود السادس وأكد يوم ترحيلها
عقب الحر الأشقر والتزمها التزام = التزم بالوصيه قبل تبديلها
وأقتفاهم حرارٍ ما سكين الخطام = ساقها على وورد هامدا هيلها
عيلماً من وردها ما يصدر حيام = من وردها يصدر مع مرحيلها
الحبال الجو يده فوق هدف المقام = تعطي الكيل حقه ممكاييلها
منورد بالاد له ما يهمه كلام = والجمل يرفع الاثقال ويشيلها
المراجل شجاعه مثل طعن السهام = مثل شلفا أبن غانم يوم أفاعيلها
والمواقف تبا رجلٍ يشد الحزام = والنوايب تقوم أبها حلا حيلها
والردي للردي ماله علينا وسام = أحمد الله عزاتي ما نقص كيلها
الردا نقص ما يبني على أهله سنام = لحيةٍ تترك الما جوب عز يلها
وأخر القول ذكر الله مسك الختام = جامع الخلق يوم البعث ومسيلها[/poem]
[align=center]وقد القا الإعلامي والشاعر الكبير المعروف متعب بن قعيد بن مضيان السليس العطاوي قصيده رائعه رحب فيها بالشيوخ والضيوف وكل الحضور وكانت على النحو التالي :ـ[/align]
[poem=font="Simplified Arabic,5,black,bold,normal" bkcolor="transparent" bkimage="../backgrounds/16.gif" border="ridge,6,orange" type=2 line=0 align=center use=ex num="0,black"]
أبا انصب راية المعنى وأسيّر خطته بمهال = وابا ارفع هامته واسنده ووفي بمعايره
يقولون العوارف يلزم الرجّال بالاقوال = وانا عندي تجارب واطيب الاقوال ابا اختاره
علوم رجال من روس الرجال موجهه لرجال = على سلم الرجال مسنده مهيب منهاره
علوم الطيب والتوجيب والترحيب والفنجال = وريح العود الازرق والوفا والكار واطواره
نقدمها من اجل ضوفنا كار وقدر واجلال = سلومٍ سايده بين العرب ما تنحسب تاره
وانا شاعر قبيلة وانتبه للكيل والمكيال = اعدل في بيوت الشعر مثل معدل الطاره
واحيي بالشيوخ اجمل تحيه قبل قيل وقال = اقدم فايق الترحيب قبل الجمع لكباره
اثنّي بالتحايا في قدوم شيوخنا الابطال = مقر العرف والحكمه مرد الراي مصداره
هل الوقفات والطالات والقالات والافعال = مقادم روق في يومٍ تهاب الناس محضاره
احييهم نيابه عن كبار القوم والانجال = مخص احد عن احد كلٍ على كاره ومقداره
واحيي كل رجّالٍ حضر بالعد والاجمال = من شرق وغرب واللي من يمين والدار ويساره
وباسم شيوخنا وربوعنا نبد التحايا فال = نحيي بالضيوف اللي من البحرين زواره
نحييهم ضيوف بحال ومن اهل الوطن في حال = رجالٍ شرفونا واصلهم منا على كاره
الا يا مرحبا ترحيبةٍ مجد فخر تنقال = نكررها تراحيبٍ من الاعماق مختاره
بعد ما زفت الدنيا لنا فرحة لقا واقبال = ينور دارنا بقدومهم ويزيد بانواره
لفينا عندهم واليوم جونا والفرح لا زال = فرحنا عندهم في دارهم واليوم تكراره
لهم بقلوبنا قبل النزول بدارنا منزال = عيال العود حاضر عمنا والعلم بقراره
على سلم القبيله كلهم ما منهم اللي عال = نسبهم هو نسبنا حافظين الاصل وشعاره
يعود الفرع لاصله مثل ما قد قيل بالامثال = تدور الدايرات ويرجع النادر لميكاره
نحييهم ونغليهم وفي عين الحسود خلال = ترى ما همنا هرج الخطأ واهله وسمساره
يقولون العرب ما مات من خلّف وراه اعيال = وحاضر يوم مات الياوراه ارجال وتجاره
يا طيبه يوم غاب عن القبيله ماخلف المنوال = على عز ومعزه تستعز الروس باذكاره
حفظ جده وعده واعتلا شانه وطال ونال = فداه اللي اليامنه تغيّب غابة اخباره
يغيب الرجل باسباب الغياب ولا عليه اشكال = حيث ان الرجل يعرف بالنسب لو غاب عن داره
وكم من واحدٍ ميّل براسه للطمان ومال = يضيّع سلم جدانه وهو لا زال بدياره
على راي العوارف يعرف الطيب من البطال = هنا ولا هناك وكل دارن تعرف اخياره
وحاضر قبله مضيان رجلٍ بالمكارم طال = ابو حاضر على درب الفخر ما ضاع تعباره
هو ابو حمود ومحمد رجالٍ دورهم فعّال = هل الشرفا عوارف للقبيله رمز وقطاره
اباهي في عزاتي صدق لا ماكر ولا دجال = واغيض ابليس وامثاله ومن غنى على اوتاره
وقفنا فالزوم ومن قعد يضفا عليه اجلال = تعلينا فخر واللي حدر يكفيه محداره
اليا جات النوايب للحمول الكايدات اجمال = ورجلٍ ما حضر وقت النوايب تنطفي ناره
وفسلوم الرجال النقص يرفا والضعيف ايشال = كبار القوم فا لازمات للخلات ستاره
واختمها بمبداها تحية قبل قيل وقال = تخص اشيوخنا اللي هم خيار الجمع وكباره
[/poem]
[align=center]وقد أقيمت على ضوء هذه المناسبة أمسية شعرية وفرسانها كلاً من الشاعرالكبير العلم محماس بن شميسان العضياني والشاعر الكبير عبدالله بن علي السيحاني والشاعر الكبير والباحث المتميز سعدون بن فهد بن عقاب الهرس المرشدي وكذلك الشاعر الشاب المتألق علي بن عبيد الكذابه المرشدي والشاعرالكبير الإعلامي المعروف متعب بن قعيد بن مضيان السليس العطاوي وقام بإدارة الأمسية الشاعر والباحث سعدون بن فهد الهرس المرشدي وكانت أمسية بمنتهى الروعه .[/align]
[align=center]جانباً من الحضور[/align]
[align=center]صور جماعية [/align]
[align=center]وهذه التغيطه خاصه بشبكة ومنتديات قبيلة عتيبة[/align]
| 
|
11-08-2006, 12:12 PM
المواضيع المتشابهه
العرض المتطور
