الي تتزوج سعودي لها الأجــر!!

[شيطونه]

معلومه أفتتح فيها رسالتي



أنا أؤمن أن الأرض الطيبة ... تعطيها ... تعطيك ..
وكثر ما تهتم فيها ... يكون الثمر أطيب .....




السلام عليكم ورحمة الله وبركاته ...



لقد اثار إهتمامي رسالة


تتناقلها زوجات سعوديات


عن اللي تبي الدلع والكلام الحلو ... و وين تلاقيه ..... !! ؟؟؟



فحوى الرساله : -


إن اللي تبي الدلع تاخذ لبناني
واللي تبي الكلام الحلو تاخذ سوري
واللي تبي مدري إيش تآخذ .....
واللي تبي مدري إيش تآخذ .....



واللي تبي الأجر تاخذ سعودي.



عاد الأخيره هي الشاهد ....


::


::





::
::
::


إلى كل إمرأه سعودية تعتقد أنها مأجوره لأنها ماخذه زوج سعودي.....


إلى كل إمرأه سعودية تعتقد أنها فاقدة الدلع مع زوج سعودي.....


إلى كل إمرأه سعودية تعتقد أنها فاقدة الرومنسية مع زوج سعودي.....


إلى كل إمرأه سعودية تعتقد أنها فاقدة الكلام الحلو مع زوج سعودي.....


إلى كل إمرأه سعودية تعتقد أنها مظلومه عاطفيا لأنها مع زوج سعودي.....


إلى كل إمرأة سعودية تبحث عن زوج حق دلع ولا كلام حلو.....


::



أختي الفاضله:


إجلسي مع نفسك صباح يوم من الأيام
بعد أن يغادر زوجك السعودي إلى العمل.
راجعي يوم الأمس الذي مضى لحظة بلحظة،
وأجيبي عن الأسئلة التاليه:


صباح الأمس الباكر؛ من أيقظ زوجك للعمل؟ أنت أم الساعة المنبهه؟


إذا كانت الساعة؛ أين كنتي؟



إذا كنتي أنتي؛
كيف أيقظتيه؟
وبأي صوت نبهتيه؟
وفي أي صورة كنتي عندما تفتحت عينيه؟


بعد أن استيقظ، ودخل الحمام للدش؛
هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟


(ولا كوب قهوه وكيكه على المكتب)


قبل أن يخرج للعمل؛ من أين أخذ ملابسه؟
(من بين يديك ولا من الدولاب)


هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛
هل من مودع؟


ولا أحسن إختاري أجابه واحدة مما يلي:


1- خرج وأنا نايمه.


2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.


3- كنت جالسه بالصاله، وهو خارج قلت له لاتنسى الأغراض اللي وصيتك عليها.


4- رافقته للباب، وكان وداع حار.


( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)



لما وصل المكتب
(طبعا إذا قام يفطر الشباب بالمكتب عرفوا وش أنتي من حرمه)؛
هل أتصلتي فيه تتطمنين إنه وصل بالسلامه؟


تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسسه إن له وحشه)؛
هل أستقبلتيه؟ وشلون؟


بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟
(ولا منطوله بطرف السرير)


يبي يدخل الحمام وياخذ دش؛
(كرري السؤال حق دش الصباح).


بعد الدش يبي أسترخاء،
رجليه تألمه من الوقفه طول النهار والمشي،
جسمه هلكان؛ هل ريحتيه؟
(طشت مويه وملح وهاتك يا تدليك)


الآن يبي غفوه قبل الغدا، هل ساعدتي على توفير الجو الهادئ؟


لما صحي؛ هل وجد الغدا جاهز ولا هو اللي جابه معه من المطعم؟


بعد الغدا أكيد يبي شاي،
هل قدمتي له الشاي،
وجلستي معه سواليف،
وكيف كان يومك؟


الآن فتره مستقطعه إلى الليل،
وشلون قضيتوها؟


بالليل وقبل النوم على الأقل ساعتين
(إذا فيه عيال أكيد ناموا)؛
وش كنت لابسه؟
كيف رائحتك؟
وشلون صورتك وهيئتك أمامه؟


خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟


وقت النوم، وأنتي رايحه السرير؛ وش كنت لابسه؟


كيف وضعية النوم مع زوجك؟
(وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)



بإختصار لكل الأسئله السابقه:


هل كنتي أنثى مع زوجك السعودي وعيشتيه جو زوج وزوجه؟



طبعاًَ
هذى مو كل الأسئله المطلوبه من زوجه أنثى،
لكن المهم منها والمطلوب حتماًَ
وحق الزوج فيها.



إلى كل إمرأة سعودية
تبحث عن زوج حق دلع ولا كلام حلو:


ضعي درجه من 100 على كل سؤال،
ووزعيها بحسب الأهميه،
ثم أجيبي الإجابه الصحيحه،
ومن ثم اجمعي الدرجات التي حصلتي عليها.


كم مجوع الدرجات اللتي حصلتي عليها؟
0%
ولا 10%
ولا 50% ؟



طبقي النتيجه على المعلومه الزراعيه التي أعطيتها أول الرساله عن الأرض.
إعتبري النتيجه هي نسبة إهتمامك بالأرض.
والأرض زوجك كيف بتكون الثمره اللي تحصدينها؟



(الثمره أكيد الدلع والكلام الحلو و... و....)
اسألي مزارع إذا احتجتي مساعدة.



في النهايه: أتمني من المرأه السعوديه اللي تبي الدلع ما تاخذ لبناني،



واللي تبي الكلام الحلو ما تاخذ سوري


واللي تبي...واللي تبي....واللي تبي....


كفايه يكون في العالم العربي كله بس السعوديين محرومين من أنثى.



معلومة أختتم فيها رسالتي:


تعرفون ليه الزوج السعودي تولع عيونه
لما يشوف امرأه متبرجه وتطيح سعابيله.


تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله
بالشاشه.



تعرفون ليه الزوج السعودي لما يتزوج من سوريه
ولا مغربيه
ولا...
ولا...


يحس ان فعلاًَ
فيه جنس آخر بالكون غير الذكور.


لأنه في الأصل عايش مع واحد من ربعه.





صحيح اني بنت لكن انبسطت من كاتب الموضوع من زمان نفسي اقول هذا الكلام بس ما اعرف اكتب واعبر زي كذا ..بس االحين جاء بوقته ^-^

<<-- لاتقعدون تهاوشوني.وتعصبون علي.....عجبني الموضوع وشفت انه صح بنظري ونقلته لكم من بريدي ^-^
بالنهايه كل واحد ووجة نظره



هذي اعترافات أمرآه فماذا لديك ايها الرجل؟؟؟!!!!!




تحياتي

[غزال الرافدين]

شيطونه بتتعبوووووووووووووووون لأنه مأتوقع يغير طبعه

بصراحه أنا جنت أسمع عن قساوة الرجل السعودي بس لمست هالواقع من رفيجاتي فاتقول لو حبيت أزين مفاجأه له يحرقها بعجلته ويحرق المفاجأه ولو زعلت منه عشان أقول له أني غرت لما شفت نظرة فلانه لك قال بطقاقه وأحسن أنج زعلتي

أنا أقول لو يصبر الرجل السعودي ويعدي كان يكون أسعد رجل ولو أن البنت السعوديه تحاول تاخذ من الرجل ماتريده عناد وتفقد حقيقة أنها بنت وأنثى تقدر تاخذ اللي نفسها في بليل بدل النهار وأقوى رجل ماراح يرفض لأنه رجل والرجل راح يستسلم أنثى بس البنت تركد شوي تعاند وتلين شوي مع على طول عناد تسوي مشكله عشان تثيره وتقولو له أنها موجوده وتطفي هالمشكله وأذا زوجها عجول تنسى شي أسمه مفاجأه لأنه بتصير مشكله فأحسن شي تبعد عنه المفجأة

والشباب حاولو تراعون البنت صراحه أن كم ماتحسسون البنت بأنوثتها يعني البنت ماتعيش أنثى غير لما تدلعها وأذا مادلعتها تصير رجل مو بنت عني أنا نصف مصدومه وبصراحه كان عادي أتزوج سعودي على أن تعليقات صدقاتي يحذروني ويقولن فقر رومانسي ولا مليونير عربجي فكنت أظن أنه عيب في تعامل البنت مع زوجها بس أكتشفت أن البيئه الصحراويه مأثره على شباب وبنات الجزيره في قساوتهم مع الطرف الأخر

بنات مهما دلعلك زوجك أو مادلعك دلعي نفسك لأنك راح تكبرين أكبر من عمرك وربي الدلع يصغرك أكثر من عمرك وهذا حقج ولاتسمحين لأحد يكبرج فوك عمرج ‏

[ރالزيــاديރ]

رسائل عابرة تتناقلها المراهقات اللاتي يصدقن المسلسلات والأفلام الهندية

لكن يكبرن يعقلن

واللي تبي سوري ومصري وهندي بتلقاهم واجد العمال بالسعودية تسوي معه علاقة حب وتتزوجه وتصرف عليه وتربيه


تحياتي لك

[همس الهيلا.!]

السعودي تاج رأسي ..
السعودي هو أبوي و أخوي و أهلي و لابتي ..
ها الرسالة مؤلمة قرأتها و لازلت أسمع صداها و ما يعادلها في المعنى من المجتمع ..
الحقيقة التامة أن يغلب على السعوديين مبدأ النخوة , و في الشدة ما لها إلا رجالها ..
مهما كانت جفواتهم يبقى أن البيئة الصحراوية غالبا تختلف عن غيرها من البيئات و لها تأثيرها ..
هناك من هو سعودي ويسوى آسيا بكبرها بأخلاقه ..
مو شرط السعودي يا يعبر عن مشاعره أو ما يكون كفوا ..
مو شرط تقرن رجولة السعودي برومانسيته و دلعه و ...
تكفي نخوتهم و غيرتهم اللي تساوي الكثير ..
ومن الظلم التعميم فهناك الكثير فيهم كل خير .. > أتكلم من واقع من حولي ..
من جلس يقارن نفسه بغيره بيموت حسرة و هم و هو ما حصل مراده ..
و يبقى السعودي ما له مثيل و لا يهون الخليج ..

[دمي عتيبي]

واللي تتزوج سعودي لها الفخر

ماسمعتو >> سعودي سعودي مابخذ غير سعودي

واللي مايطول العنب حامضن عنهم يقول

شكرا شط شط ولكن الموضوع لايعمم

[رايـق]

شيطونه

جدا قرأة الموضوع من طق طق الى السلام عليكم

موضوع يحكي ماهو عليه مجتمعنا ,, ولا في كامل الا وجهه ..

والزوج سواء سعودي او غير سعودي هو بالدرجه الاولى رجل , ويملك كل الاحاسيس سواء لزوجه الام الاخت الخ .

وفي مثل قديم ( الرجال مخابر مو مناظر )

تخيلو رجل مضهره حلو وهو لا دين له ولا مله ولا حتى ذرة رجوله ولا غيره

هل هو الذي يبحثن عنه ,,!!

شكرا لك يالغاليه

وننتظر مزيد من المواضيع الهادفه

[شيطونه]

الموضوع ياجماعة الخير ان الكلام الفاضي الي يقولون ان الي تبي الدلع تاخذ سوري مادري لبناني مادري شنو والي تبي سعودي تبي الاجر نقول للبنات المتزوجات ومقتنعات ان الدلع بس عند الاجانب نقول لهم قبل ماتطالبين بالدلع شوفي انتي وش قدمتي لزوجك السعودي هل انتي فعلا قمتي بواجباتك تجاه زوجك وماقصرتي بواجباته؟؟؟ هل انتي دلعتي زوجك عشان بالمقابل يدلعك؟؟؟وهنا حنا مانعممممممممم نقول للي يقولون هالكلام

الزوج مثل ماتعطيه يعطيكي بصرف النظر عن جنسيته يعني مافي سوري يضرب زوجته؟؟؟؟


مافي لبناني يخون زوجته؟؟؟؟؟ مافيه ومافيه


كلن فيه حقه لكن لا نقلل من قيمة الزوج السعودي بس لانه سعودي


الزوج السعودي كاي زوج يبغا الي تهتم فيه وتدلعه وبالمقابل بيهتم في بيته وبيدلعهم


هذي وجهة نظري


كل الود لكل من اعطانا رأيه


تحياتي

[شيخ الشيوخـ]

والله انك تستاهلين وسام ياشيطونه ياشطشط على هالموضوع

وش جاب السعوديين الشيوخ عند العمال والميكانيكيه

[شيطونه]

المشاركة الأصلية كتبت بواسطة شيخ الشيوخـ والله انك تستاهلين وسام ياشيطونه ياشطشط على هالموضوع وش جاب السعوديين الشيوخ عند العمال والميكانيكيه

الوسام طال عمرك بتشريفك موظوعي وردك عليه اكبر وسام


والله السعوديين مافي مثلهم بكل شي بس نعطيهم فرصه وهم قدها والله


تحياتي لمرورك شيخنا

[الأمير الفارس]

شيطونه السعودي مفخره للي تتزوجه

شكراْ لك

تحياتي