السلام عليكم .
هذي قصتي من اكثر من سنة والي انتهت بتاريخ 15/4/1428 القصة من قبل اكثر من سنة صدمني واحد متهور من الخلف وهرب المهم انا مصاب وجاء المرور سيارتين واحد يقول دق على الاسعاف وخلهم يجونك او اركب ليموزين ورح للمستشفى والثاني طلع ارحم منه وقال لا بكتب فيه تقرير وحطه بالمستشفى المهم ورجال يكتب التقرير ونامن جد تعبان لاحظت لوحة السيارة الهارب ملتصقة في صدام سيارتي من قوةالضربة وقلت للعسكري شف لوحة الرجال في صدام السيارة وراح جابها وتاكد من الوحةونوع السيارةوقالي راعي الحق ميضيع حقة رجعنا بعدين في مرور الشرق وبعدهاوداني للمستشفى والمستشفى حدث ولاحرج ودقيت على واحد من الزملاء وجاء وخذني وتعالجت في مستشفى على حساب العمل المهم بعدها رحت اراجع في موضوع الحادث العجب العجاب في مرور الشرق طبعا اول يوم ماوصل التقرير ثاني يوم رح قدر السيارة ثالث يوم تعال لنا بكرة رابع يوم رح للحاسب خامس يوم رجع مكتب 8 ومكتب 8راجعنا بكرة وسادس يوم مكتب8الي امس قالو تعال بكرة مخليني اجي عشان يعطوني ورقة صغيرة وطالبين مني اجيب برنت عن غريمي الهارب من المكتب الي بينهم وبينه كم متر وبعد ماجبت البرنت قالو هذارقم غريمك دق عليه وقله تعال للمرور ((حلوه صح))لكن والله هذا الي حصل المهم دقيت عليه ورد علي وكذب الموضوع المهم المرور قال خلاص بنعمم عليه ونحضره ومرة الايام ومرة الشهور ونا كل فترة اراجع حضور الرجال او لا المهم تعبت وعطيت الموضوع لمعقب عشان يخلصه ويفاجأني المعقب بشي عجيب ((مالك معاملة في المرور))المهم لان الحادث كان ونا طالع من الدوام وتعالجت على حساب العمل كانوا طالبين مني تقرير الحادث والحمد لله اخذت منه صورة وعطيته للمعقب بعدها جاني المعقب وقال لوحة الهارب غير صحيحة واكد لي ان مافيه لي اي معاملة وطلب مني انه مايتابع الموضوع )))هنا انا بصراحة شكيت في المعقب معقولةقايلةاذاخلصت لي المعاملة لك مني 2000 وهو اصلا ماياخذ على التعقيب الا 50ريال ويرفض يتابع المعاملة ***صرت انا التابع من هنا ومن هناك وكتشفت ان مرور الشرق مسقطين لوحة الهارب ونا غريمي ((مالي غريم صادم مع نفسي)))وصرت ادور احد يفزع لي ومع كثرة السؤال لقيت الواسطة مسؤل كبير في المرور الناصريةارسلني له واحد وقال ابد قلة السالفة وبيوقف معك واذا طنشك قلة جايك من طرف فلان المهم رحت لرجال وقلت لة سالفتي ماصدق وأكدت لة الموضوع وبصراحة كان الرجال ونعم وطلب مني اكتب خطاب ووضح كل الاحداث واكتب رقم جوالي وسويت ما طلبه مني وغادرة المرور ومن بكرة الى جوالي يدق &&والله العظيم المقبل بنفسة داق علي&&قال هل موضوع الخطاب الي انت كاتبة صحيح 100% حلفت لة نعم والله وبالحرف الواحد قالي انا بتابع الموضوع وبعدها بسبوعين الى مرورالشرق يدق علي غريمك موجود ويبغى يتفاهم معك _ماصدقت الخبر وبعدها دقي علي غريمي يقول والله الي صادمك الولد وهو بزر مايعرف شي ونا مستعد اقابلك في المرور ونتفاهم المهم والله ثم والله ما بقي احد في مرور الشرق الا دق علي يارجال تنازل وصلح خير المهم واعدني الرجال في مرور الشرق واكتشفت اتناء المقابلة الصعاليك الي كانت معاه ***وكلهم تنازل الولد صغير ومايفهم وهذا ابوها جاي يتسامح منك وماصار الا الخير ***سألتهم الولد صغير ويصدم بسيارة ويهرب معقولة لكن يسقط الوحة ويخفي المعاملةوسيارته تتصلح وسيارتي تروح التشليح وشلون؟؟بعد كذا دقيت على صاحبنا في مرور الناصرية وقلت لة بالحرف الواحد مرور الشرق كلة واقف ضدي مع غريمي ويبغون مني اتنازل ماصدقني وطلب مني انتظر اتصالة لانه بيتصل في الشرق ويتأكد من الموضوع وفعلا دق علي وقالي انهم يقولون ان الموضوع انتهى وأنكم اتفقتوا ورديت عليه والله لااتفقنا وتراهم يبوني اتنازل وانا ماراح اتنازل فرد علي بكل امانة اتركهم وانا بتصرف وتغافلت الجميع وطلعت وبعدهابدقايق الى هم داقين علي ويقولون تعال خذ حقك ورجعت وستلمت حقي وكنت احس ان فيه واحد منهم بيذبحني من نظرات الجميع وهذا كل الي صار لي مع المرور والله ثم والله ان الادها والامر ماكتبته ولكن حتى لا اطيل عليكم اكثر من هذه الاطالة والحق يقال في كل مكان دايم اكثر مشاكلنا ليست من اصحاب القرار ولكنها من .....وهم دائما بجانب المسؤل الذي يعطيهم الامانة وهم لها يبيعون بارخص الاثمن وهذا رأيي لاني عشت هذا الحدث بكل مافيه وعانيت المعانت تلوالاخر وارجو من الله ان لايصاب احد بمثل ما اصبت حيث انني افكر انا والحمد لله على قولهم دبرت واسطة ونحل موضوعي لكن الي مايقدريدبر واسطة يروح حقة بلاش (حسبناالله ونعم الوكيل)
| 
|
08-22-2007, 12:12 AM
المواضيع المتشابهه
العرض المتطور
