عبدالله القثامي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
هاضت هواجيس شعري والقصيد اقبل=
وأنا ليا اقبل جزيل الشعر أبـا اقبلـه
اقبل وعديت أبه في عالـي المنـزل=
وناديـت سلمـان بالبـراد والـدلـه
وألبوك والزاج وافرش من جديد الزل=
بعد أقبلت لي بيـوت الشعـر منهلـه
قالت وش اللي تبيه وقلت ويش الحل=
الحـال مختـل والأيــام مختـلـه
مرت ثلاثة شهور وشهرنـا المقبـل=
رابع شهر والفقيـد أزريـت لأصلـه
فقتلي فـي زمـان العولمـة محمـل=
لو محمل الشام جنبه راح في ضلـه
ارمي عليه الهموم أفواج مـا يزمـل=
ما ينشد الهم وش (دقه) ووش (جله)؟
يشتال همي على همـه ولـو يدبـل=
عظيد جنبي وأنا جنبي عظيـد الـه
العام من زايد أشواق الوفاء يرسـل=
واليوم لا عاد يرسل لـي ولاارسلـه
يامخبل للي يحجب الشمس بالمنخـل=
طالت دروب الزمـان وبانـت ألخلـه
اليوم لا عـاد لا برسـل ولا استقبـل=
مليت من جور وقـتٍ مختلـف دلـه
فكرت فالوقت احد يطلع واحد ينـزل=
واحدٍ مكانـه مابيـن النـار والجلـه
وعذلت قلبٍ عن الأفكـار مـا يعـذل=
وأقول دايم طراة الشـي فـي حلـه
يا قلب خل الجهل يا قلـب لا تجهـل=
ما للجهـل عندنـا مذهـب ولا ملـه
هذي هي الناس احد ينقظ واحد يفتـل=
والعاقل اللي ما يقرب مسلـك الزلـه
زلة لسان اللبيـب الحـر مـا تعقـل=
وان زل راس القدم لحق القـدم كلـه
بعض العرب خوته زانـه ولا تنمـل=
ولو تكثر أزوال نفسـه مـا يزولـه
عقله معه يعرف المخرج من المدخـل=
عاقل وموزون يـا ليتـه ويـا علـه
في العلم والدين والخلاق الـه منهـل=
واصل ألوفا في صفاته طبع واجبلـه
درعك إليا بار فيك الخبـل والتنبـل=
بالمـال وألا بشـورٍ يبـري العـلـه
وبعض ألا وادم يشابه غرسة المشتل=
تسحرك ما دامـت إن الأرض مبتلـه
أسبوع خضـراء وتتحـول وتتبـدل=
وتصير صفراء وترمى فـأخر ا ألسله
لأكن اطعني وألا يـا قلـب لا تجهـل=
ما للجهـل عندنـا مذهـب ولا ملـه
من كان رزقه على الخلاق لا يزعـل=
يزعل إليا كان رزقه عنـد خلـق الله[/poem]
| 
|
04-30-2006, 02:49 PM
المواضيع المتشابهه
العرض المتطور
