سر يا قلم وبندر بن سرور

[ثعلي]

بسم الله الرحمن الرحيم
السلام عليكم ورحمة الله وبركاته
ارحب بمشرفين هذا المنتدى الرائع والذي يجسد ماضي وحاضر قبيلة عتيبه .. كذلك ارحب بجميع زوار المنتدى واكتب اليكم اول قصيدة وهي لشاعر بندر بن سرور واعتقد انها ليست موجوده في ديوانه وهي :

‏ [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
سر ياقلم مالي على الصبر طاقه= صبري تعدى الحد ماعاد ينطاق
أكتب لمثلي قصته واشتياقه= في خطك الواضح على بيض الأوراق
قصة حزين صافي الحر ذاقه=انا بذكره ماصله خاطري ضاق ‏
باقو به الأصحاب والوقت باقه=وصار الضحيه بين باير وبواق‏
يمشي وهو ماحس في كسر ساقه=امسى على ساقين واصبح على ساق
مهذي سواة الوقت شين اصطفاقه=الوقت لو يصفى لك ايام دراق
لاشك يامن معك عقل ولباقه=بنصحك كان انك للأمثال تشتاق
صادق رجال يعرفون الصداقه=يقفون صفك يوم يبسات الأرياق
ومن يرغب فراقك فعجل فراقه=جاز الذي يجزيك أفراق بفراق
يقوله اللي جاير الوقت عاقه=ولازال في غيبوبة الهم مافاق
حظه على اقشر شي للنفس ساقه=‏ بقبور الاحياء ينتظر يوم الأطلاق‏

[/poet]

[الحصان]

الاخ ثعلي شكراً على اتحافك لنا هذه القصيدة الجميله لشاعرنا الكبيربندر بن سرور

وقد قمت باإضافتها لديوانه وامل ان تزودنا بمالديك من اشعار لاصحاب الدواوين لنضيفه لها




تحياتي

[طلال الثعلي]

ثعلي


شكرا لك على النقل الرائع.......

لهذا الشاعر الكبير.....

تحياتي