ما فيه داعي

[عادل العصيمي]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ما فيه داعي للهوى والمحبة = ما دمت في وادي وصاحبك في واد
الشوق لا يطري بقلبك تشبه = وتموت حسرة ما نشد عنك نشاد
لن كان قلبه ملتهي عنك كبه = سافر عن بلاده وتلقى لك بلاد
سافر وقلبك صك بابه بضبه = حتى ولو جمره توقد توقاد
جرحك تبا تلقى مع الوقت طبه = لو كان يلعب فيه جراح الأكباد
اللي سطى ما بين الأظلاع خبه = لا تكشفه فالناس شامت وحساد
اللي ورد عدٍ قراح وشربه = بكره يعلم له ثمانين وراد
وتروح مثل اللي وقع فالمغبة = وأنته غني عن كل شاره ونقّاد
هذا الهوى ياكم عاشق لعب به = خلاه مثل اللي باذانيه ينقاد
ينغر في حاليه حتى نشب به = يصبح مقيد بالسلاسل والأصفاد
في مضرب الأمثال ياكم ضربه = سوالفه مع كل راوي وقصاد
اقولها من باب ودّ ومحبة = لا عاد حبٍ يحرمك لذّة الزاد
دور على درب السلامة وذبه = عوّد اذا حصلت لفّة ومعواد [/poem]

[نايف تراحيب]

حجز ملكي

للقرائه + الأتفآده


ودي

/

،

[رغدالشيباني]

إبن عجلان

صح ألسانك قصيده مُلغمه مليئه بالقيود وبغاية الروعه

إعجابي بهذا الأبداع..

[عادل العصيمي]

المشاركة الأصلية كتبت بواسطة رغدالشيباني إبن عجلان صح ألسانك قصيده مُلغمه مليئه بالقيود وبغاية الروعه إعجابي بهذا الأبداع..

رغد


صح بدنك والقصيدة تعتبر من باب المناصحة ليس الاّ


الف شكر على مرورك واشادتك


تقديري


,

[عادل العصيمي]

حجزك أوووكي يابو تراحيب


ولا عليك زود


تقديري


,

[فهيد مقعد الرويس]

اللي سطى ما بين الأظـلاع خبـه
لا تكشفه فالناس شامت وحسـاد

بيت يسواله قصايد

يابودارين

صح لسانك مدد ابداع

تقبل اطيب تحيه

[عادل العصيمي]

المشاركة الأصلية كتبت بواسطة فهيد مقعد الرويس اللي سطى ما بين الأظـلاع خبـه لا تكشفه فالناس شامت وحسـاد بيت يسواله قصايد يابودارين صح لسانك مدد ابداع تقبل اطيب تحيه

فهيد


صح بدنك والله لايهينك


تقديري


,

[نايف تراحيب]

لن كان قلبه ملتهـي عنـك كبـه
سافر عن بلاده وتلقى لـك بـلاد

سافر وقلبك صـك بابـه بضبـه
حتى ولـو جمـره توقـد توقـاد

جرحك تبا تلقى مع الوقـت طبـه
لو كان يلعب فيه جـراح الأكبـاد

اللي سطى ما بين الأظـلاع خبـه
لا تكشفه فالناس شامت وحسـاد

اللـي ورد عـدٍ قـراح وشربـه
بكـره يعلـم لـه ثمانـيـن وراد

وتروح مثل اللي وقـع فالمغبـة
وأنته غني عن كل شـاره ونقّـاد


والله مقدر اقول غير صح لسآنك

ولله درك

مع

؟ + ؟

والسلام عليكم ورحمة الله وبركآته

[عادل العصيمي]

المشاركة الأصلية كتبت بواسطة نايف تراحيب لن كان قلبه ملتهـي عنـك كبـه سافر عن بلاده وتلقى لـك بـلاد سافر وقلبك صـك بابـه بضبـه حتى ولـو جمـره توقـد توقـاد جرحك تبا تلقى مع الوقـت طبـه لو كان يلعب فيه جـراح الأكبـاد اللي سطى ما بين الأظـلاع خبـه لا تكشفه فالناس شامت وحسـاد اللـي ورد عـدٍ قـراح وشربـه بكـره يعلـم لـه ثمانـيـن وراد وتروح مثل اللي وقـع فالمغبـة وأنته غني عن كل شـاره ونقّـاد والله مقدر اقول غير صح لسآنك ولله درك مع ؟ + ؟ والسلام عليكم ورحمة الله وبركآته

وعليكم السلام ورحمة الله وبركاته


ابو تراحيب


صح بدنك ولا هنت لكن ليه علامة الاستفهام ؟:)


,

[{ أبوفيصل }]

الله الله

عادل وانت بالحِكَم عادل ،، لله درّك

ما يمر بيت من ابياتك الاّ أجد فيه حكمه ومعنى ومبنى في غاية الروعه

،،، صح لسانك ،،،

أرقّ التحايا لك واعذبها