صادفتها صدفة بمستوصف القمة

[ابن مرشد]

بسم الله الرحمن الرحيم

السلام عليكم ورحمة الله وبركاته

قصيدة سمعتها في شريط ولاادري والله من قائلها لكن نقلتها لكم واتمنى لكم طيب الاستماع



[poem=font="Simplified Arabic,4,orange,normal,normal" bkcolor="black" bkimage="" border="ridge,4,darkred" type=1 line=0 align=center use=sp num="0,black"]
صادفتها صدفة بمستوصف القمة=بالعين راعيتها لحظة وترعاني

شميت انا عطرها ويابخت من شمه=يدوخ ويسكر ولو ماهو بشرباني

قمت اتذكر زمان( ن) فات وألّمه=ولاعاده الله نصيب( ن) يوم ودّاني

هلت دموع العيون ولابقا همه=مماجرى لي نسيت آلام الاسناني

معها اخوها وضع كفه على فمه=كنّه يقول الله الستّار ياقاني

نفس الملامح ويشبه دمها دمه=سبحان رب( ن) خلقهم دعج الاعياني

يدري بحبي وتدري امه وعمه=حيل القدر بيننا والحب سلطاني

يبكي ويمسح دموع عيونه بكمه=يبكي على شانها ويبكي على شاني

والله يالولا الحيا والدين لااضمه=واسمعه شهقة( ن) من قلب شفقاني

الحب بلوى ومنه النفس مهتمه=وش حيلتي والغضي دمي وشرياني

جسمي يروح ويجي والقلب من يمه=القلب عنده يبيه ولايبي ثاني

اقسم بربي وانا ذي مذهب وذمة=لااعيش احبه ولو حبه علي جاني

شربت كاس الهوا وارويت من سمه=مامت وارتحت ولاهوب اللي احياني

اضحك مع الناس والاحزان منضمه=كني سعيد وانا مبلي بالاحزاني

عندي وصية وتالي الهرج يايمه=الموت حق على القاصي مع الداني

وان صرت فوق النعش والناس ملتمه=مروا على بيتها وتشوف جثماني

قولوا لها الموت زمّ صويحبك زمّه=مامات حبه ولوهو بالنعش فاني

شلناه للمقبره وادعي له القمّه=خوذي ثوابه وجودي له بالاحساني

يالله يالمقتدر ياكاشف الغمّة=تفرج لمن حالته دوم( ن) بنقصاني[/poem]


وسلامتكم يالربع

[الجوووري2]

والله يالولا الحيا والدين لااضمه
واسمعه شهقة( ن) من قلب شفقاني

الحب بلوى ومنه النفس مهتمه
وش حيلتي والغضي دمي وشرياني

جسمي يروح ويجي والقلب من يمه
القلب عنده يبيه ولايبي ثاني

اقسم بربي وانا ذي مذهب وذمة
لااعيش احبه ولو حبه علي جاني



يااااا الله
ابياات بقمة الرووعه
تسلم ايديك وقلبك
وصح لسان شاعرهاا
ولا هنت يالغالي

[ابن مرشد]

ومن يقول ومن يقول ياللجوري اسعدني تواجدك ومرورك الكريم

[إبن ثعلي]

مشكور اخوي بن مرشد على حسن الاختيار
تحياتي

[ابن مرشد]

العفو يابن ثعلي

[غصون]

ابن مرشد لاهنت شيله رائعه,,

اختك - وديان

[ابن مرشد]

هلا ومرحبا اسعدني مرورك وتواجدك

[محمد العتيبي]

لاهنت يابن مرشد على النقل الرائع
تحياتي

[ملاعب الاسنة]

مشكور أبن مرشد وماقصرت
وياليت أسم الشاعر من الاخوان اللي يعرفونه

[ابن مرشد]

المشاركة الأصلية كتبت بواسطة الغربي مشكور أبن مرشد وماقصرت وياليت أسم الشاعر من الاخوان اللي يعرفونه

العفو يالغالي واسم الشاعر ماذكر ولا احد يعرفه حتى من وردها بالشريط مايعرفه لكن قصته يمكن اللي فرضت عليه عدم ذكر اسمه

اسعدني تواجدك ومرورك