[align=center]أخي طلق سلمت يمنك وصح لسااان الشاعر عبدالله السيحاني
أخي طلق الشيباني أسمح لي بتنسيق هذه الرائعه
[poem= font="Simplified Arabic,5,white,bold,normal" bkcolor="firebrick" bkimage="" border="ridge,8,red" type=0 line=1 align=center use=ex num="1,white"]
ياعلي اباسوي مـن الشعـر ستيـن=ستين بيتن مـن حسينـات الأشعـار
ابتنقـا الزيـن وابـتـرك الشـيـن=ابردبهن هاجوس جاشـي اليـا فـار
لولا ضلوعي راح قلبـي قطاعيـن=من شوفت القطعان مع كـل معبـار
ياعلي ربعك جلعـو يـوم الاثنيـن=علمي بهم ياعلي والطير مـا طـار
بغيتهـم لكـن صــارو كليـفـين=من عجلهم مايقهـر الحشـو قهـار
لاوالله الا اقفو هل الشعـل عجليـن=يبون للشعـل المواليـف مخضـار
شدو يبون مـن الثـوارات ويميـن=مدري يبون من الثـوارات ويسـار
لحقتهـم يـم الرضيمـه معشـيـن=و الحيل تطبـخ والمباهيـر عبـار
ابـوي بـذالله خـفـاك بداويـن=ـيقـدون قطعانـن مشاهيهـا الاقفـار
مشو علـى درب الرجـال القديميـن=يمشي ضعنهم مايحسبـون الخطـار
ربعن على نطح الوجيـه متواصيـن=ليامنها شانـت وعمسـن الابصـار
اسلافهـم يثنـون دون المخيفـيـن=في ساعتن فيهـا يضيعـن الافكـار
يوم الضعـوف يتبعـون المراحيـن=و هروجهم مع مثلهـم جـل وكبـار
تناحـرو فالمـرح مثـل الكراويـن=و الكـل كـن مثبتـلـه بمسـمـار
محدن درا عن هرجكـم يامساكيـن=و لا ينشد الشيهان عن عيشت الفـار
والبـدو راحـو للحيـا مستخفـيـن=اللي يبار القـار واللـي مـع القـار
مع مثلهم مـن يدحمـون المعاديـن=عتبان ون جانا من الخـوف سبـار
برقـا وروق مرجحيـن الموازيـن=في ساعتن فيها اكثر النـاس يحتـار
قـدام حكـم مطوعيـن السلاطيـن=حكـام دولتنـا طويليـن الاعمـار
خلو عيال النجـد تبـرا السراحيـن=تسرح وتمرح فالخلا سـر وجهـار
الله يديـم الحكـم ويقـوي الـديـن=و نمشي على ملة محمـد والابـرار
والبدو شفـي والبـداوة مـن سنيـن=مانيـب عنهـا ياعواذيـل صبـار
ياعاذلين القلـب قلـب العنـا ويـن=مو سرن مع راعي الشعـل بوسـار
قلبي وهل هنف الخشـوم متخاويـن=يسري و يجري مع سلفهم ليا سـار
ليا جو من الـدار البعيـد متلافيـن=او حيت وندقت الجيوب مع الاسحار
ومع مخرج الخط السريـع متقافيـن=حلالهم طرشن ومواترهـم اسطـار
معاد توحي غير قولت علـى هويـن=وحساس خلفاتن مصاغيـر وغبـار
وعشر الليال ويـوم حـادي مفليـن=في خايعن نبتـه خزامـا وصفـار
وعقب المطر يـم الحـدود متدليـن=والخوف ماله في طوارفهـم اذكـار
من ربعنا العتبـان ناسـن كثيريـن=لو كان معرفهم لهـم فعـل واذكـار
واقصا العرب روقه ومعهم شيابيـن=و طرش الحجن يبرا لهم وابن غتـار
نايف ولـد خالـد زبـون المخليـن=ابن الرجال متيهت حسـك الاوبـار
ذخر الرجـال مشرعيـن الدواويـن=ضحكت حجاج وعقبها بـن وابهـار
وحيلن تقلـط فالصحـون وقعاديـن=وعودن على الربع المشاكيـل ينـدار
والبـدو نشـر نشرهـم مستريحيـن=وانظارهـم منهـم شمالـن بمحـدار
وشدو وعشا الطرش بيـن الحفيفيـن=وصارت مزوح وصار سجه ومسيار
وتعيـدو عيـد الضحيـه مقيمـيـن=وعقب انتوو لكبارهـم ردو الشـار
وقال المسا ما فيـه وحـده وثنتيـن=والصبح نمشي قبل يطفـن الانـوار
وصلو وقدم امباحت الشوف ماشيـن=يبـون دارن مـن قديمـن لهـم دار
وستجنبو وضحن اسهافـن مزاييـن=تقودهن وضحـن شناحـن ومطـار
تذكـرت جـرد الرقـاب المقاطيـن=و عدن لها مندا ومـارد ومصـدار
وعشـر الليـال ومثلهـن متعديـن=و كلن لما يخفيه في نفسـه أسـرار
وعلـى مواريـد العشايـر مبنيـن=و القيض مايرحل عـن العـد ديـار
حنا عتيبـه عنـا الاجنـاب داريـن=ننقـا لسرفـات العشايـر ونختـار
دايم على جزل الامـور متصافيـن=و لحدن تعذر عـن رفيقـه بمعـذار
هذا هـوا نفسـي منـول وهالحيـن=جمع الشفو ف وسجتن بين الاخيـار
وتمت بذكـر اللـي لوجهـه ملبيـن=الواحـد اللـي للمخالـيـق غـفـار
وصلات ربي عـد نبـت البساتيـن=على محمـد عـد هتـاف الامطـار [/poem][/align]
| 
|
12-06-2006, 04:16 PM
المواضيع المتشابهه
العرض المتطور
