قصيده للشاعر غازي بن عون في شاعر عتيبه عبدالمعين بن ثعلي

[ابـو سعـود]

السلام عليكم ورحمة الله


آسف على طول الغياب ولكن يعلم الله انكم ياأعضاء منتديات عتيبه

في القلب .......... واليوم حبيت انقل لكم قصيده للشاعر الكبير

غازي بن دخيل الله بن عون بمناسبة اللقاء الاخير مع شاعر

عتيبه الشاعر الكبير عبدالمعين بن عقل بن ثعلي في مجلة المقناص


وهذا نقل لمقدمة الشاعر وقصيدته : -




[align=center]






أسعدني وسرني كثيرا ً الحوار الذي أجري مع الشاعر العلم مدرسة الشعر النبطي / عبد المعين بن عقل بن ثعلي العضياني العتيبي.
الذي أجراه معه الاخوان فهد بن عبا البقمي وعبد الله بن مرجاح البقمي في مجلة مقناص في عددها السادس .. وبهذه المناسبة قلت هذه القصيدة .[/align]




[frame="2 80"][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مقناص في عرض السماء برقهـا لاح = طلـت علينـا عقـب طـول المغيبـه
كم مذهب ٍ منها امتلا صـدره افـراح = بعـد لقـا فيهـا نفـايـس ذهيـبـه
بغـى يصيـر لقلبـه جنـاح وجنـاح = يـوم التقـى بعـد الفـراق بحبيـبـه
الله يبارك فـي فهـد وابـن مرجـاح = فيها عطونـا اخبـار شاعـر عتيبـه
اللي نهض بيت الادب عقب ما طـاح = وعزه قبـل تركـز عليـه النصيبـه
وضمد طعونه مثل تضميـد الاجـراح = ونال الشفا يـوم اعتنـى بـه طبيبـه
عبد المعين من اهل الافتا والاصـلاح = واهـل المعرفـه والمزايـا العجيبـه
نبراس شعره مثـل فـلاج الاصبـاح = مرجع ورمـز وقـدوة ٍ نقتـدي بـه
عمـلاق مـا نوفيـه حقـه بالامـداح = ولا ننصفـه مهمـا شعبنـا النجيـبـه
رمز الشعر من جد ماهيـب الامـزاح = حامـل لـواه وعبقـريـه واديـبـه
شعـره طعـام ٍ للمسـامـع والارواح = وازكى من ازكى زاكي الطيب طيبـه
لا اوحيت شعر اسطورة الشعر يا صاح = كنـك تمشـى فـي فياضـا ً عشيبـه
نباتهـا ينعـش عبيـره ليـا فــاح = وطيبـه مـذاق المستمـع يهتنـي بـه
قيم مقام الشعـر فـي ماضـي ٍِ راح = وامامـه اللـي مـا يضـام وخطيبـه
واليوم في وقت المصالـح والاربـاح = يدرى باسم غيره وهـو مـا دري بـه
اهل الصحافـه والبرامـج بالانصـاح = ما اعطوه واحد فالميـه مـن نصيبـه
عن واقع الساحه نشدنـا هـل السـاح = وعطونـا اجابـه والاجابـه غريبـه
قالوا لهـا بيبـان مـن غيـر مفتـاح = ولا تنفتح لـك ليـن تدفـع ضريبـه
وفي شاطي الساحـه ثمانيـن تمسـاح = مـا يفهمـون المخطيـه والمصيـبـه
وكانك تبى شعرك يبـروز فالـلالواح = لو كـان مـا يعـدى ولا ينبـدي بـه
قدامـك حلـوق التماسـيـح فـتـاح = وفي كل حلق ارم الـك حبـة زبيبـه
ولو ان شعـرك نبـق حطـوه تفـاح = وبالمـدح يكسونـه حلـي ٍ قشيـبـه
واستثني اللـي ضـد تيـار الاريـاح = اهـل المبـادي والسلـوم العريـبـه [/poem][/frame]

[ابـو سعـود]

وستضاف إنشاءالله لديوان الشاعر قريبا ً

[إبن ثعلي]

مشكور اخوي ابو سعود
من طول الغيبات جاب الغنايم وعز الله جبت غنيمه دسمه ما وراها شي عوضت كل غيابك
تحياتي وتمنياتي لك بالنجاح في اختبارات الجامعه
كم نتشوق ليوم التخرج

[ابـو سعـود]

المشاركة الأصلية كتبت بواسطة بن ثعلي مشكور اخوي ابو سعود من طول الغيبات جاب الغنايم وعز الله جبت غنيمه دسمه ما وراها شي عوضت كل غيابك تحياتي وتمنياتي لك بالنجاح في اختبارات الجامعه كم نتشوق ليوم التخرج

العفو يابن ثعلي ودامك متواجد في موقعك هذا فلا خوف على المنتدى

باذن الله وادعوا لكم بالتوفيق

وقصايد الشاعر الكبير غازي بن عون فعلا كما قلت غنيمه دسمه

فأبياته معبره وذات معنى جزل أما الشاعر الكبير عبدالمعين


فهو مفخره لعتيبه على مستوى الجزيره العربيه ونحن ننتظر صدور

ديوانه على احر من الجمر








========


عيد الجماعه العفو وتحياتي لك يامشرفنا الرائع

واتمنى التوفيق للجميع

[طالع]

ياهلا والله يابو سعود

لاهنت على النقل الرائع

واتمنى لك التوفيق في اختباراتك

تحياتي لك

[الحصان]

مشكوريابوسعود والقصيدة موجوده في الديوان و عبدالمعين يستحق اكثر من ماقيل فيه

[النـايــــــف]

بيض الله وجهك يا ابو سعود

[سليل سيوف]

[align=center]هلا ومرحبا يابوسعود طالت الغيبات

وبيض الله وجهك على هالرائعه وصح لسان الشاعر

ونتمنى لك التوفيق في الامتحانات[/align]

[ابـو سعـود]

[align=center]الحصان شاكر لك ردك وفعلا عبدالمعين لو كتب فيه دواوين لن توفيه حقه



الاخ النايف العفو ومرورك اسعدني


سليل السيوف سعيد لسماع صوتك وعسى الله يبارك فيك والغيبات
راح تقل ان شاءالله بعد الامتحانات وعسى الله يوفق الجميع
وتحياتي لك ولقلمك الرائع[/align]