يمه فدوك الي على الارض ما شين @@@@@.....@@@@@

[طيب الفال]

[frame="7 70"][poem=font="Simplified Arabic,4,black,bold,normal" bkcolor="transparent" bkimage="" border="solid,1,sienna" type=0 line=0 align=center use=ex num="0,black"]
هذه القصيدة قالها الشاعر بوالدته عندما كان يعمل في منطقة نائية
"
"
"
"
"





يمه عسانـي فدوتـك لا تضيقيـن = لا ضقتي الدنيا ترى ما اوسعتنـي

يمه فدوك الي على الارض ما شين = يا اللي ربيت بحضنها و ارضعتنـي

كانك علية بعد مـا غبـت تبكيـن= لا بارك الله في ضـروف حدتنـي

الوقت يمه ما مشى لي على الزين= و صدوف بقعاء بالمهالك رمتنـي

تلعب بي الدنيا على العسر و اللين= يا مـا لعنـت ايامهـا و لعنتنـي

و رمتني القـدرة بديـرة غريبيـن= لو كنت ما ابيها و هي مـا بغتنـي

و انتي بكيتي من غلا و الغلا شين= يا غالية عنـدي و يـا مغليتنـي

و ان كان بأسباب الغلا تبكي العين= عساني افدى عينك اللـي بكتنـي

علي فضلك دين طول العمر ديـن= ما اوفيه لو حجيت بك فوق متنـي

يا رب يا قابـل صـلاة المصليـن= ترد لأمي فضلهـا اللـي عطتنـي

طالبك يا منزل تبـارك و ياسيـن= تكتب لها الرحمة مثل ما رحمتنـي

انا جهلت حقوقها و الجهـل شيـن= يا ما غلطـت بحقهـا و أعذرتنـي

و لو قلت بكتب عن غلاها بسطرين= ما اوفيتها لـو ربـع مـا دينتنـي

"
"
"
"
"
"



للشاعر/ حمود بن خلف العلـوي الحربـي[/poem][/frame]

[فواز الشيباني]

اخي طيب الفال

بيض الله وجهك على الاختيار الرائع

صح السانك والسان الشاعر

الله يعطيك العافيه

[((الدلبحي))]

صح السانك والسان حمود

تحياااااااااااااااااااااااااااااااااااااااااتي

[وليد الزراقي]

اخي طيب الفال

بيض الله وجهك على الاختيار الرائع

صح السانك والسان الشاعر

تحياتي

[غريبة الوطن]

مشكور على النقل الرائع

[طيب الفال]

سلم غاليك وجعل الشر ما يجيك يا فواز

لا هنت على ردك يا أبيض الوجه


تقديري لك

طيب الفال

[ابوسـعد]

لاهنت وصح لسان القائل والناقل........ولخلف ابن هذال قول...
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حبيبي عايش مع شعب راقي= خواله حرب واعمامة عتيبة[/poem]
وشاعر حرب اجاد وتسلم يالغالي وياهلاااااااااا

[طيب الفال]

الدلبحي _ الزراقي _ أبو سعد _ غريبة الوطن

لا هنتوا جميعاً على الردود الوافيه


أشكركم وتحياتي لكم جميع



طيب الفال

[النـايــــــف]

صح لسانك اخوي طيب الفال


وصح لسان الشاعر حمود الحربي

وبيض الله وجهك

على هذا الاختيار


تحياتي لك ،،،،