في ساحه التاريخ حزنا وسامه

[الصهد]

السلام عليكم ورحمه الله وبركاته

قصيدة اطلعت عليه وأعجبتني في مبداه وما أجمل القصائد

حينما يبدا كاتبها بالتوجد الى الله سبحانه وتعالى

اخترت لكم منها بدايتها وهي لسلطان الشيباني وصح لسانه

ياللي بيدك الغيب ياعالي الشان
أطلبك من مدات جودك كرامه
أنت الذي تفتح من الخير بيبان
والكون كله في يدينك زمامه
وانت الذي حطيت للعدل ميزان
في دولة تطنخ بعدل وزعامه
دوله لها في هامة المجد بنيان
ساسه جويد ومنبع الاستقامه
أل السعود إن ثار عجه ودخان
تطحن رحاهم مثل يوم الرغامه
حكمٍ زهاه الدين في كل الاركان
والجهل قفى من بلدنا عسامه

وهذه مجاراتي لها اتمنى ان تروق لكم

يالله ياللي خالق الانس والجان
يارب نرجي رحمتك والسلامه

ارجيك يارب (ن) كريم ومنان
من يرتجي غيرك لحقته ملامه

في ضل ال سعود (بعد الله)خيرا وامان
الحمد لله في وطنا علامه

حكامنا اللى صخرت كل شيطان
عزو بلدنا حاكمين (ن) نظامه

كل رفع يدعي الك يابليهان
يشفيك ربي يازعيم الزعامه

بدعت ياسلطان لولو ومرجان
وسميت بالمعنى فوق الغمامه

شاقتني الابيات وجيت طربان
من الادعاصم اعتليت العدامه

لنا ترا ماقف وشيخه وشيخان
في ساحه التاريخ حزنا وسامه

وختامها مني زباد وريحان
العزرفرف رفرفي ياحمامه

وسلامتكم

[إبن ثعلي]

صح السانك يالصهد مجاراة جميله وجزله
(شاقتني الابيات واقبلت طربان)
(لنا ترا ماقف وشيخه وفرسان)
وتحياتي لك

[البارع]

صح لساااانك ياالصهد وصح لساااان الشيباني ,,,

ابيات جميله والى الامام يالغالي ,,,


لكن عندي ملاحظه ارجو ان يتسع صدرك لها قد تكون اخطاء مطبعيه ,, في هذا البيت ارجو اعادة النظر فيه :

شاقتني الابيات وجيت طربان
من الادعاصم اعتليت العدامه

[فيصل بـن طعيس]

لاهنت يالصهد


وصح الله السانه ولسانك


وافين كلكم


.. تقبل مروري ..



البارع الله يستر منك ومن ملااحضاتك ههههههه لاهنت

[الصهد]

الاخوان ابن ثعلي ، البارع ، فيصل 00 صحت ابدانكم
والله لايهينكم ووجيهكم بيض

الشطر الاول اوافقكم الرأي وكتابتي لها على عجاله
ويجوز انني تسرعت بطرحها

فأعتذر لقائلها وهو سطام
بن سلطان الشيبانى

ولا ننحرم منكم ومن توجيهاتكم

بالعكس يأخوي البارع منكم نستفيد طال عمرك

ويابن طعيس الله يستر من البارع وملاحظاته

تحياتي وتقديري ،،،،،

[رشة قلم]

صح لسنك الصهد ولسان من جاريته
وحفظ المملكه وشفى خادم الحرمين وجميع مرضى المسلمين..

[الصهد]

المشاركة الأصلية كتبت بواسطة رشة قلم صح لسنك الصهد ولسان من جاريته وحفظ المملكه وشفى خادم الحرمين وجميع مرضى المسلمين..

اللهم آمين

شكراً لكـ ِ على مروركـ ِ

تحياتي وتقديري

[وجودك يكفي]

بيض الله وجيهكم وصح لسانك يالصهد وصح لسان الشاعر سلطان الشيباني

والله يعز الوطن ويشفي ملكنا

[الصهد]

المشاركة الأصلية كتبت بواسطة وجودك يكفي بيض الله وجيهكم وصح لسانك يالصهد وصح لسان الشاعر سلطان الشيباني والله يعز الوطن ويشفي ملكنا

اللهم آمين

صح بدنكـ ووجهك ابيض ياذيبان

تحياتي وتقديري

[فواز الجوفي]

تسلم يعطيك الف عافيه