السلام عليكم ورحمة الله وبركاته
اعزائي اسمحولى بهذه القصيده وهى خاصه
اوجهها من هنا لشخص محدد واتمنى ان لا اكون
قد جرحت مشاعر احد او اسات الى احد
[align=center]
الى من يهمه الامر
. ياسلام الله على كل الجموع
والتحيّه للرجــــــــال مربّعه
من طلال الليّ على رايه بتوع
لمــــنّ يهمه امرنا او يسمعه
والله انّا من طلوع ٍ فى طلوع
وكل عــــــالي لانوينا نطلـــــعه
ضيفنا يقلط على بن وقدوع
وبالســــــمينه ياعمــــيلي نشبعه
والخوي نلتف من حوله دروع
نســـنده ونثـــــبـــــّته ونشجّعه
والقبايل كلها اصل وفروع
من عصر عامر وجده صعصعه
نعرف اوزان الشعر من كل نوع
ونكتبه وعن السفاسف نرفعه
وللشعر اوزان واغراض وسنوع
ماتجي بادنات هرج وطعطعه
وكل شاعر يكتب احساس ٍيلوع
من هجوسه قاف شعره يقنعه
ورجل مايشرب من ذراعه يهوع
يجرح الحنجور مايٍ يبلعه
فارق احساب الثلوث عن الربوع
والقصيده ياعميلى مودعه
من شهر خمسه عرضناها سبوع
فى حزن باسم لشكيب موقّعه
ولاينسينا الغلط سفك الدموع
ولا نبي بكــــره تطيح الاقنعه
نحكم الطعنات مابين الضلوع
وماتعّودنا على لوي اذرعه
ولو تمّد ام الشحم قلبي سموع
باسحب السان الفتيل وباقطعه
ما نبا سر الخبر يمسي ذيوع
ولانبي دخلت غريبٍ وامّـــعه
لاتتوه مع القصيد ولا تتوع
دام تزعم بالقصيد وتـــبّدعه
مايطير الطير كود الّه وقوع
وكل مخطى له رجال تقرعه
ردّ لي هرجه وقرربالرجوع
والك صدرٍ كل طيبٍ ياسعه [/align]
وســـــــــــــــــــــــــــــــــــــــلامتكم
وسلامتكم شاعرها / طلال عا يض العتيبي الطائف
2/1/ 1427 شكيب ارسلان
| 
|
02-05-2006, 07:15 PM
العرض المتطور
