رائعه والقلب أخضر

[كحيلان]

هذه قصيده لشاعر غير معروف لدي وجدتها في احد المنتديات واعجبتني وانقلها لكم اتمنى ان تحوز على رضاكم 0


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني في زماني عن طريقي ضايعـه

قلت انا ماراح اطـول كلبوها كلمتين *** وابعـدت عني شويه ثم جتنـي راجعـه

قالت اسال واضح انك من رجال طيبين *** بس هرجك يالسنـافي كان وشهو دافعـه

قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه

اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عشقهـا زارعـه

قاطعتنـي بقولها سبحـان رب العالمين *** كـررتـها مـره .. ومرتين .. ورابعه

قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه

قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!! [/poem]

[فهد العايضي]

كحيلان صح لسانك مليوووووووون ولسان شاعرها

وسلمت يمينك على نقلها

فعلاً قصيده تستحق الإعجاب

[إبن ثعلي]

رائعه ياكحيلان لو عرفت راعيها كان افضل
تحياتي

[صلوا على محمد]

والله حزنتني وبكتني كله ولا فراق الحبايب,,,,,,,,,

مشكوور كحيلاان,,,,,,

[طالع]

مشكور ياكحيلان على هذه القصيده الموجعه

والقصيده منتشره في المنتديات ولا احد يعرف قائلها

تحياتي لك

[التركي]

[align=center]مشكور ياكحيلان علي القصيده الرائعه [/align][align=center]تحياتي لك يالقرم[/align]