قصيدة الشاعر المبدع (( مشعان البراق )) التي شارك بها في شاعر
المليون .,,
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصبر سجن الرجاء .. وسلومي قيود= واخاف .. لا أجني من الصمت / الندامه
ساكت وصابر .. واشوف الوضع مشدود= ما ودي .. اجرح بأحاسيسي صيامه
من محجر الشّح .. طاحت دمعة الجود= حتى غشت وجه الايام .. الملامه
بالضبط .. ما كنّها الا دمعة العود= عود ٍ .. من عياله يشوف انهزامه
كم واحد ٍ لو حضر ماهوب موجود= ندرك وجوده .. ليا اوحينا كلامه
وانا احسب ان الغياب سهود ومهود= لو كنت .. اميّز حلاله من حرامه
ويوم افترقنا الضحى يا أعز مفقود= حسيت بالكون .. يوم اسدل ظلامه
برّي .. وبحري .. ونسمة بارد النود= وسماي فاقدك .. غمامه / غمامه
سحاب ..لكن بدون بروق ورعود= عجزت اواسيه حتى بـ.. أبتسامه
والونّه .. اللي تغيب شهور وتعود= صرت اتمنى لها .. طيب الاقامه
جاء للمشاعر ما جاء لأصحاب الاخدود= شكراً لـ.. ظلمك على حسن اهتمامه
اللوم .. شيخ ٍ وراه جروحي وفود= ان مدّ يمناه .. ( عزالله مقامه )
ووفاي .. مثل الشجر واوراقه عهود= حطّي على غصن شوقي ياحمامه
ارجي وسلك الحرير .. يقودني قود= قود الزعيم لـ.. مقاليد الزعامه
لو ان حيلي من اللي شلت مهدود= ما اطيق ازيد الحمل .. ريشة نعامه
ان كان هذا الامل ماجاب مردود != قامت على راس عاشقك القيامه
يخسر تعب هـ.. السنين وكل مجهود= وتأخذه عن راحة البال / الشهامه
من عاش سكرّة كلام عيونك السود= اصبح من العالم اصحاب الفخامه
كنّه ملك والعرب من حوله جنود= بـ.. عذره ان عاش جوّه وانسجامه
غيرك لو انه فرش فدروبي وروود= وفرض .. قبل مقدريتْه / احترامه
اقول له .. ماعلى مشاعرك زود= لكّن .. خلك على فراش الكرامه
اما انت .. والا بلاش معاشر الخود= ماني .. مبدّل شدادي بـ.. المسامه
مواصلك .. لا ذكرته يا أطرق العود= اقول :- ( يا جعل لـ.. الجنه عظامه )
سافرت مانت بـ.. على سفرتك محدود= متى على الله .. ترجع بالسلامه [/poem]
أحــــر التحايا ..,,
| 
|
12-15-2007, 11:21 PM
العرض المتطور
