حبل المطيه ملتوٍ برقبتها

[عبدالله المرشدي]

اخر الجديد عسى ان ينال رضاكم

موجهه للاخ الغالي والشاعر القدير زميلنا ناصر الحربي وعساها تنال رضاه

[poem=font="simplified arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black""]

ياناصر بن دليم وش تاليتها=عقب التجمع فرقتنا التكاسي

حبل المطيه ملتوٍ برقبتها=بخطامها للحين لو مانت ناسي

احمولها من ثقلها فازرتها=ومن طاح منها مايطيح متواسي

الها ثلاث شهور عقب بركتها= ماتلبس الا من صغير المقاسي

ذيك المرابع بالفياض تركتها=وشدادها حطت مكانه كراسي

عجل ترى صيداتها بشبكتها=والوضع كنه صار فيه انتكاسي

ذلولنا كم ليلةٍ لا سرتها=ماتصبح الا فالمقر الاساسي

كم خطوةٍ يمك ويمي مشتها=ونلنا بها فالعد رقمٍ قياسي

رفقة نقى مبروكةٍ بثمرتها=اجلها واحطها فوق راسي

دنياك لو تصفي تثور غبرتها=مضرابها لاركت على الكبد قاسي

خلقٍ تعمرها وخلقٍ محتها=والها على كل المواني مراسي

تزول ماكن الخلايق حيتها=تسكن وتهدا عقب ذيك الحساسي

الله يكافينا خفي حركتها =لاجالها بين الخطوط التماسي

يارب طالبك الرضا باخرتها=ياجاعلن كيد الشياطين خاسي

[/poem]

[البارع]

حجز((((((1)))))) ملـــــــــــــــــــــــــــــكي....ولي عوده اذن الله تعالى..

[عبدالله المرشدي]

المشاركة الأصلية كتبت بواسطة البارع حجز((((((1)))))) ملـــــــــــــــــــــــــــــكي....ولي عوده اذن الله تعالى..

البارع

حياك الله

[عادل العصيمي]

صح لسانك ياعبدالله


دنياك لو تصفي تثـور غبرتهـا
مضرابها لاركت على الكبد قاسي


الله الله


مبدع وجزل


تحياتي لك

[عبدالله المرشدي]

المشاركة الأصلية كتبت بواسطة عادل العصيمي صح لسانك ياعبدالله دنياك لو تصفي تثـور غبرتهـا مضرابها لاركت على الكبد قاسي الله الله مبدع وجزل تحياتي لك

عادل العصيمي صح بدنك

تحيتي لك

[ميااااح]

الله يكافينـا خفـي حركتـهـا
.............لاجالها بين الخطوط التماسـي

قصيده رائعه

[عبدالله المرشدي]

المشاركة الأصلية كتبت بواسطة ميااااح الله يكافينـا خفـي حركتـهـا .............لاجالها بين الخطوط التماسـي قصيده رائعه

مياح


صح بدنك


ولاهنت

تحيتي لك

[فهيد مقعد الرويس]

الله الله

يابوبدر

ابداع لايستغرب

صح لسانك

وعتلاشانك

كفو وسند لكفو

تقبل اطيب تحيه

[عبدالله المرشدي]

المشاركة الأصلية كتبت بواسطة فهيد الرويس الله الله يابوبدر ابداع لايستغرب صح لسانك وعتلاشانك كفو وسند لكفو تقبل اطيب تحيه

فهيد الرويس

صح بدنك

لاهنت

تحتي لك

[قوت القلوب]

ياسلام عليك ياشااعرنا القدير
قصيده وافيه طال عمرك
وسنتها لشااعر جزل
صح لساااانك
تقبل مروري