الى الشيخ رشيد الزلامي

[ابراهيم العسيري]

[align=center]اهل الكرم والعز والطيب والنخوه
اسعد الله اوقاتكم بكل خير
يشرفني ان انظم اليكم في هذا الموقع الذي يحمل
اسم قبيله عريقه برجالها ومواقفها وتاريخها وحاضرها ..
ويشرفني أن تكون مصافحتي الاولى لكم هذه القصيده الصوتيه
المهداه الى الشاعر الكبير شاعر الوطن الاول
رشيد بن زيد الزلامي العتيبي
فلهذا الرجل في قلب كل حر على ارض هذا الوطن حب وتقدير
لانه رمز من رموز النخوه والحميه .. سمعنا عنه ولم نرآه
ولكن سارة الركبان بقصصه واخباره فكانت مواقفه حديث المجالس
ولا زالت حتى أصبح رمز وعلم من اعلام البطوله والنبل .
والوجه المشرق لأبناء هذا الوطن المعطاء .
اتمنى أن تنال الرضى والاستحسان .[/align]
[align=center]لتحميل القصيده الصوتيه من هنا


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تاريخنا حافل بذكر الاساطير =منها الخيال وشي منها حقيقه
امثال قصة عنتره وايضا الزير=وابطال كانوا في العصور السحيقه
اخبارهم جتنا بشتا التعابير=فيها يخالف كل راوي رفيقه
كانت حكايات السمر والمسايير=حتى ظهر في مملكتنا العريقه
فارس بطل شاعر فحل حر من طير=ذكره سرى بين البرى له بريقه
يشرب من الغيمه وغيره من البير=يسلك ذرى الامجاد محدٍ يعيقه
حازم وجازم في ردوده على الغير=لوباش صرعى من بحوره غريقه
واقرب مَثَل راعي الطبل والمزامير=ساعة تشدق واحتزم في فريقه
لكنّ جاه الرد مثل الاعاصير=او مثْل برقٍ .. شب فيهم حريقه
يا جاهل الفولاذ ودك بقصطير=تقطع حديد الصلب ..وايدك رقيقه
هذا الزلامي من كبار المشاهير=مثل العلم باين لكل الخليقه
الجود كفه والصدر منبع الخير=والعز نجله والتفاخر شقيقه
له في قلوب الناس حشمه وتقدير=كل ٍ تمنى يوم يصبح صديقه
ويلازمه في مجلسه والمشاوير=لنْ المعالي تُقتبس من رحيقه
اسمه يعطر صفحة المجد تعطير=واهل المروه سايرين ابطريقه
مكتوب في التاريخ ضمن المغاوير=لكن فرَقْ عنهم فروق الشهيقه
سيرته ما فيها تفاوت وتزوير=ناخذ علومه من مصادر وثيقه
وانشهد انه رمز عالي وتنوير=لاهل العقول النيرات الطليقه
هذا الزلامي له موده وتوقير=بقلوبنا صارت غلاته لصيقه
كل القوافي تنتظم في طوابير=عند الزلامي تعترض بالموسيقه
(رشيد) من نسل الرجال المناعير=اهل الشهامه والاصول العميقه
عتيبه اللي سطروا المجد تسطير=عدوهم يمسي ويصبح بضيقه
وانا العسيري والعسر عندنا يصير=يسير ثم نزرع بصخره حديقه
والعذر ثم العذر لاصار تقصير=مني ..فوالله صغتها بالسليقه [/poem]


أخوكم ابراهيم العسيري[/align]

[البارع]

ونعم...فيك وفي ربعك....ويستاهل ابو جميل الرد

صح لسانك مليون وهلا بك ضيفا واخا عزيزا في منتدانا

[ابراهيم العسيري]

المشاركة الأصلية كتبت بواسطة البارع ونعم...فيك وفي ربعك....ويستاهل ابو جميل الرد صح لسانك مليون وهلا بك ضيفا واخا عزيزا في منتدانا

الاخ البارع

ونعم بحالك وبلابتك

وهي قليله في حق هرم مثل الشاعر رشيد الزلامي

صح الله بدنك ولا هنت اخي الكريم على الاطلاع والتعقيب والترحيب

[ولــ منجوم ـــد]

[align=center]حضوووور

ثاني

ولي عودة انشاء الله[/align]

[ابراهيم العسيري]

المشاركة الأصلية كتبت بواسطة ولــ منجوم ـــد [align=center]حضوووور ثاني ولي عودة انشاء الله[/align]

الاخ ولــ منجوم ـــد

حياك الله الاآن وفي كل آن

تشرفت باطلاعك وتعقيبك اخي الكريم

[روقي قرم]

مرحبا واهلين يالعسيري

تشرفنا بحضورك منتدانا

وصح لسانك على القصيده الجزله وماعليكم زود
وماهي غريبه عليكم

ويستاهل رشيد الزلامي

تحياااتي لك

[ابراهيم العسيري]

المشاركة الأصلية كتبت بواسطة روقي قرم مرحبا واهلين يالعسيري تشرفنا بحضورك منتدانا وصح لسانك على القصيده الجزله وماعليكم زود وماهي غريبه عليكم ويستاهل رشيد الزلامي تحياااتي لك

الاخ روقي قرم

الشرف لي اخي الكرم

وصح الله بدنك وبيض الله وجهك

شاكر ومقدر لك اطلاعك وتعقيبك يالقرم

[ابن مسلم]

مرحبا واهلين يالعسيري

تشرفنا بحضورك منتدانا

وصح لسانك على القصيده الجزله وماعليكم زود
وماهي غريبه عليكم

ويستاهل رشيد الزلامي

تقبل ودي وتقديري

[ابراهيم العسيري]

المشاركة الأصلية كتبت بواسطة ابن مسلم مرحبا واهلين يالعسيري تشرفنا بحضورك منتدانا وصح لسانك على القصيده الجزله وماعليكم زود وماهي غريبه عليكم ويستاهل رشيد الزلامي تقبل ودي وتقديري

الاخ ابن مسلم

الشرف لي طال عمرك

وصح الله بدنك ولا هنت اخي الكريم

شاكر ومقدر لك اطلاعك وتعقيبك

احترامي وتقديري

[عبدالله المرشدي]

صح لساااااااااااااااااااااانك وعلى شاااااااااااااااااانك


لاهنت لاهنت

ويستاهل رشيد

كل خير

تحيتي