أرقصي مع نبض قلبي والقصيد

[مامثلي أحد]

-







أرقصي مع نبض قلبي والقصيد .. وداعبي بحر الشعر قبل الرقاد .. لاجلها و لعيونها
صغت الجديد .. و الحروف استسلمت بعد العناد .. أول شيء أهدي هالأبيات لأختي
حصة اللي ماهنا أطلدز منها بخواتي ..لو تدرون وش كثير أحبها حصيص ماتلوموني
يوم كل رد والثاني لازم أطريها و أكثر من ذكرها << خابرها بتقرا حتسيه

حصيص غمصي عيونتس بأحتسي هالسالفة لأني أحس بتسه منها وودي أنبه
و أحذر من بوادر المصائب اللي بتحل بمجتمعنا إلا أن ربي سلم ولطف .. مالكم بالطويلة :

أختي حصة قررت الالتحاق بأحد النوادي النسائية الرياضية تقول أنها بتزين الجسم
عشان رجلها مايعرس عليها .. هالحين هالحريم من يوم تفتح عينها على الدنيا وهي
تهتم بشكلها و وزنها و طولها و كلها عشان الرجل شغلها الشاغل الرجال يالله أن
لا تشغلنا إلا بطاعتك
عاد أختي حصة البطالة والفضاوة والدب في النعمة أجتمعت عندها و خلتها بصوب
والرشاقة بصوب ثاني .. ماخلينا جهاز رياضي بالرياض مارزيناه عندها .. لا سير نفع ..
ولا مشي نفع ومن هنا أتت فكرة الالتحاق بالنادي ..
المهم تزهلقت و شرت الترنق و الكنادر و سجلت بأحد النوادي بشارع العليا ..
عقبها البنت أبطت علي مهوب العادة .. دائما لا زينت حلى جديد زهمت علي عشان
أتقوى عندها و أتذوق حلاها الجديد مهوب لله .. عشان أرفّع بها و أطيرها بالعجة
و أمدحها عند خواتي << شغلته الترفيع

المهم قلت أنقز عندها و أشوف البنت وش جرى في عقلها وراها نست أخوها اللي
مامثله أحد و أنا اللي طمر لسعد الدين و أشيل ذاك التشيز كيك اللي
يحبه قلوبكم و أميّل على بيت حصيص ..
أنا : ألو حصيص يابعد حياني
حصة : هلا وغلا ياحبة عيني
أنا : ضبطي الدلة بسير عليكم
حصة : حياك ياحيي .. أرحب أرحب
وصلت بيت حصة ولقيتها بالحوش تهزع و تصفق ترحيبا بي وبمقدمي الميمون المهم
و أحط حلاي مع الكابتشينو اللي تضبطه حصيص و أقوم أسولف عليها والبنت ماهيب
حولي .. ماخليت علم ولا سالفة في الشمال و الجنوب والمنطقة الوسطى والغربية
ولا تهون الشرقيه ماسردتها لها وهي ولاهيب حولي ..
- حصيص !
- هاه ( تقول فازة من كابوس )
- علامتس و أنا أخوتس ؟ وراتس مانتيب فـ الفورمة ؟
- لا و لاشيء ..
- علميني .. هو أبو جبهة عريضة اللي كبر جبهة فوزية الدريع قايل لتس
شيء علميني و الله أن أدفنه بذا الحوش وابن امه يسنع له خبر ..
- لا ياحيي .. ابن حلال ولاهوب يخالف ومهب يقولي شيء ..
- طيب حصيص .. عينتي لي بنيات مزيونات بذا النادي اللي سجلتي بوه
- هاااه ( وهي اللي تفز ذيك الفزه تقول مقروصة )
- بسم الله عليتس ؟ وش فيتس و أنا أخوتس ؟
والله مدري وش أقولك و أنا أختك .. رحت لم ذاك النادي و أنا أسجل عضويتي عندهم
قالوا لي تبين كورسات رقص ؟ قلت وش هو رقصه ؟ قالو الرقص يزين الجسم و يساعد
ع التخلص من الاسترس والضغوطات و ماهنا أطلدز منه .. المهم قلت لهم بألقي
نظرة عليهم أن جاز لي سجلت بوه .. قالو ا: تعالي .. و أنا اللي أروح صالة الرقص
وليتن مادخلته .. عالم مفاصيخ و رقص شرقي و غربي سالسا وهيب هوب وموسيقى
صاخبه ومدربات مهب مسلمات حتى بوقت الأذان و الصلاة مستمرات بالرقص والموسيقى العالية !!
و بنات المسلمين مندمجات ولا حولهن غاريه على دين .. ولا حياء من الله .. و الله و أنا
واقفه أتمقلهن أن تسني برا السعودية مهب بـ الرياض !!

^


قضى حتسي حصيص والسؤال اللي يتربع هنا :
مثل تلك الأماكن من اللي منحهم التصريح لإقامتها على أرض التوحيد والرسالة ؟
ولماذا تقع تحت مسمى نوادي رياضية للياقة والتخسيس وفي الخفاء صالات رقص
على أيدي كافرات ضاربات بضوابط الدين وأعراف و تقاليد وركائز البلد عرض الحائط ؟


الأمر جداً جلل يا أخوة ..
ويفضي لكثير من الكوارث والمفاسد مالله بها عليم ..
اللهم هل بلغت , اللهم فاشهد ..



* على عجل






-

[وجودك يكفي]

لاحول ولاقوة إلا بالله

والقيادة الرياضيه هي المسؤوله عن هذه الأنديه ومايقع فيها من مخالفات



لاهنت على الطرح مامثلك احد



احترامي

[مامثلي أحد]

-

المشاركة الأصلية كتبت بواسطة وجودك يكفي لاحول ولاقوة إلا بالله والقيادة الرياضيه هي المسؤوله عن هذه الأنديه ومايقع فيها من مخالفات لاهنت على الطرح مامثلك احد احترامي

هيئة الأمر بالمعروف والنهي عن المنكر أغلقت العديد من النوادي النسائية المشكوك بأمرها
أين هي عن هذا النادي .. ومكانه على شارع رئيس و حي راقي بالرياض !؟
الأمر يدعو لانتحار العديد من علامات الإستفهام والتعجب ياصديقي ..


شكراً لك



-

[اصايل]

قواك ربي مامثلك احد

موضوع رااائع وله ابعاااد ثلاثيه :)


سوال قبل كلش ؟؟ وبغض النظر عن اللبس اللي يكون هناك وكمان عن رفع الميوزك والتهزع وقت الاذان

هل الرقص حرام اذا كان بين نساء وفي اماكن غير مشبوهه ؟؟


....


راده بحول الله ..

[مامثلي أحد]

-

المشاركة الأصلية كتبت بواسطة اصايل قواك ربي مامثلك احد موضوع رااائع وله ابعاااد ثلاثيه :) سوال قبل كلش ؟؟ وبغض النظر عن اللبس اللي يكون هناك وكمان عن رفع الميوزك والتهزع وقت الاذان هل الرقص حرام اذا كان بين نساء وفي اماكن غير مشبوهه ؟؟ .... راده بحول الله ..

أرفقي على عيوني من هاللون يا أختاه

الحقيقة لا أفتيك ولست أهلاً لذلك .. لكن مسألة ( ردح ) بناتنا و أخواتنا في الله في مناسباتهن الخاصة أمر يجلب
الوناسة والسعادة و سعة الصدر على حد زعمهن و لابد أن يكون ذلك في حدود الشرع و الحياء طبعاً ..

لا أدري إلى ماذا يهدف سؤالك .. أن أردتِ العودة وإخبارنا .. فأفعلي








-

[الجوهرة]

الحق على العضوات المشتركات .. بإمكانهم يشترطون إلغاء الموسيقى وإيقاف الرقص وقت الصلاة ..
لو ما كان فيه تجاوب منهم ما كان هالتمادي ..


شكرا ما مثلك أحد .. طرحت القضية بأسلوب مختلف وجميل ..

[مامثلي أحد]

-

المشاركة الأصلية كتبت بواسطة الجوهرة الحق على العضوات المشتركات .. بإمكانهم يشترطون إلغاء الموسيقى وإيقاف الرقص وقت الصلاة .. لو ما كان فيه تجاوب منهم ما كان هالتمادي .. شكرا ما مثلك أحد .. طرحت القضية بأسلوب مختلف وجميل ..

يد واحدة لا تصفق ثم أنه لم يكن هناك أي أعتراض .. هل كانت أخلاقنا وقيمنا مجرد
صورة أهتزت و سقطت بمجرد توفر البيئة المناسبة لذلك الانهيار ؟!
أم هناك نظام صارم من قبل إدارة المكان للرضوخ لهذا الأمر و اللي مش عاجبها
تورينا عرض أكتافها وهذا فعلاً هو الحاصل بعد التقصي والتحقيق .. و أمر الموسيقى
و الرقص وقت الصلاة غيض من فيض .. هناك أمور أخجل من ذكرها والله المستعان ..


العفو الجوهرة
شكراً لك


-

[تباريح الروقي]

سلم لي على حصه... اول شئ

وبالفعل مثل ماقالت اختي الجوهرة.. على حسب العضوات هن اللي يشترطون<<يعنى لولا الرضا

.. مااستمر النادي بهذا الشئ<

ومافئ نادي يصير مفتووح من غير مشتركين

بلغت وصلت الرسالة... وطرح مميز.. على طريقة حتسيك<<كنك من القصيم ولا الشمال

تحياتي+ تقيمي+ تقديري>لشخصك

[مامثلي أحد]

-

المشاركة الأصلية كتبت بواسطة تباريح الروقي سلم لي على حصه... اول شئ

سلمك الله .. يبلغ

المشاركة الأصلية كتبت بواسطة تباريح الروقي وبالفعل مثل ماقالت اختي الجوهرة.. على حسب العضوات هن اللي يشترطون<<يعنى لولا الرضا .. مااستمر النادي بهذا الشئ< ومافئ نادي يصير مفتووح من غير مشتركين

النادي يسير بـ حسب توجيهات الإدارة المالكة أما العضوات فليس أمامهن إلا السمع والطاعة
للإدارة القيادة و للعضوات الاستمتاع بالفعاليات المقامة هناك ..

المشاركة الأصلية كتبت بواسطة تباريح الروقي بلغت وصلت الرسالة... وطرح مميز.. على طريقة حتسيك<<كنك من القصيم ولا الشمال

و أتمنى أن تصل لمن بيده التغيير .. فالوضع جد خطير
ولا يحتمل التهاون أو التأجيل ..

المشاركة الأصلية كتبت بواسطة تباريح الروقي تحياتي+ تقيمي+ تقديري>لشخصك

تحياتي شكرا يازميلة ..




-

[الأدميرال]

نوادي ورقص وكوفيهات الى الساعه الواحده ليلاً
يا عيباااااه صــدق
سؤالك عن الرقص يا اصايل هو حرام ولالا ما أفتيك
بس خلينا نرجع شوي لزمن البعيد
كيف كان الوضع فمثلا لو سألنا هل السيده فاطمة الزهراء كانت ترقص مثلا وسط صديقاتها
ستجدين الاجابه
ان في ذلك الزمن الرقص للعبيد وليس للساده فالعبده ترقص لتمتع السيده اما السيده
فلا ترقص بل تتفرج فقط
وبعدين لو الرقص فيه خير ياصاحبات النوادي كان شفتو فيفي عبده مثل مرت بباي

مامثلي احد
موضوع جميل + تقيم