قصيده مرسله من الطالب ماجد بن ناصر الشغار بالمرحله الابتدائيه عندما وصله خبر نقل معلمه سلطان العبدالله التميمي من مدرسته الفاخريه بمنطقة الدوادمي الى منطقة الرس التعليميه فما كان من معلمه سلطان التميمي الا ان رد عليه هذه القصيده
يقول ماجد في قصيدته التي يطلب من معلمه التراجع عن النقل ويشكره كذلك
كل باقة ورد يطرقها نسيمي= من نسايم نجد لا هبت عذيه
وازرق الكمبود غادٍ له بريمي=لك يبا ينساق يالطيب هــــديـه
يامرب الجيل سلطان التميمي=نفتخــربك والفخـــر للفاخـــريه
تفتخر بمعلمٍ شهمٍ كريمي=له على الطالات طلع ومقدريه
مانبيك تروح يالحر العد يمي=فيك مانعتاض لو جانا سريـــه
والله انك بيننا د ايم مقيمي=لك مقام وقامتك دايم عليــــًــــه
*********************************
رد عليه استاذه سلطان التميمي
سًر قلبي مدحكم وانهل غيمي=باصدق الهمال باشعار نقيــه
بالثنا للي على الجزله هميمي= ماجد اللي ياعسى ايامه هنيـه
سرني بابيات كالدر النظيمي= من وكالة شعر بالغالي غنيه
ماعليكم زود يالحر الحشيمي=ياعريب الجد ياعذب السجيه
انت ياماجد حشيم ومستقيمي= وقبلك اخوانك حرارٍ صيرميه
ماخسر والدك حيث انته فهيمي=يوم صرت بمكسب الجزله حليه
اشهد ان عيال ناصر من قديمي= درب ابوهم بالوفا يمشون زيه
من يعقب حر للجزله نديمي= يتبعه بالطيب في صبح وعشيه
ومن يعقب بوم عزالله عقيمي= لو يعقب له من الورعان ميـه
ودبرة الدنيا بتدبير الحكيمي=يجري الاقدار والخيره خفيـه
لو حصل نقلي على غيرالقصيمي= ماقبلت النقل لو يعرض عليـه
رحت مير القلب في دارك امقيمي=ديرة العتبان جزلين العطيه
وما علي خلاف مير انه لزيمي= بالوفا ماودنا يعصا بشـيه
وان قعدت او رحت ماظني يهيمي= ضامري من غيركم ياهل الحميه
ذا مرد القاف والمقصد سليمي= ومدحة الي قدرن حقٍ عليه
ياعساكم من نعيم في نعيمي= ومايدوم الا الثنا بين البريه
| 
|
06-09-2011, 10:56 AM
العرض المتطور
