قصيده متواضعه في حق شيخ غني عن التعريف وعن المدح مادحه ربه وهو
الشيخ /عبدالله بن عمر بن زيد السميري
ولكن من واجبي كشاعر من شعار القبليه ان امدح مثله ويستاهل مواقفه طيبه ونادره
ولانوفيه حقه بالقصايد
[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قال بن مزروق عبدالله ولامن قال قال =كلمةٍ ماهي بكلمة حق ماقد قالها
ياسلامي من هجوسي عد ماهل الهلال=وعد حبات الرمال وعد شم جبالها
مانويت اسوقها إلا للعزيز من الرجال =شيخ قومٍ لاثقل حمل الثقال اشتالها
شيخنا بن زيد عبدالله ولا فيها جدال=من شيوخ عتيبه اللي بالعلا منزالها
عزوة اللي لاتعزوى صال في خصمه وجال=لابةٍ في وقت حرب ووقت سلم رجالها
نال ابوه المجد والعليا وورثها العيال=وارثٍ منه الكرم والجود وازكى خصالها
حاتميٍ بالعطا له سيرةٍ مضرب مثال=والرجال اذكارها تطلع بطيب افعالها
مدته تغني فقير الحال عن ذل السوال=كم نفوسٍ من فضل ربي كفلها وعالها
عادته فك الرقاب بسوق جاه وسوق مال=والمشاكل تنتهي عنده وهو حلالها
يهتوي نيل الصعاب ولاقنعه قولة محال=الطويله باذن ربي لابغاها طالها
هيبته هيبة زعيم ولاهرج هرجه عدال=فعله يبرهن نتايج كلمته لاقالها
صيرميٍ شهم طلق حجاج محمود الخصال=لين الجانب شديد الباس وقت اهوالها
مجلسه ينساق فيه العود مع صفر الدلال=والصواني شوف عيني قلطت بجمالها
عيلمٍ تارد عليه الوارده من كل جال=عامرٍ داره ومن حده زمانه جالها
مثل بن زيد السماري نادرٍ في كل حال=وزنته من كل جزله وافيٍ مكيالها
غير قولة نعم ماتسمع ليا جاله مجال=يستحق المشيخه والصيت شيخٍ نالها
ماهو بحاجة مديَح ولايوفيه المقال=لوكتبنا فيه من شرد البيوت جزالها
تمت وصلو على محمد عدد وبل الخيال=وعد ماقالو لإبن زيد ونعم خيالها
[/poem]
| 
|
07-08-2010, 08:26 PM
+ 
العرض المتطور
