اسمعو هرج الصراحه ماهو هرج الكذوب

[الصهد]

السلام عليكم على ذمه الراوي سعد بن جدلان مرسل للقروب رساله
ويقول فيها:


يالقروب ويامديره ويامن فالقروب
السلام الكم نعده وياصلكم صداه

ياهل المجد المسمى نظيفين القلوب
ياعيال اللي لهم فالعرب مبدا وجاه

المعزه ثابته ما تزعزعها الهبوب
مثل ماتثبت طميه وطخفه والسراه

لو تبعدنا المسافه وتبعدنا الدروب
قدركم فالصدر قصرن مايخسر من بناه

اسمعو هرج الصراحه ماهو هرج الكذوب
الكذوب الله ينشب لسانه في جماه

القروب افضل سفينة تواصل للشعوب
سابحه في بحر وقتن ما يدرا وش مداه

من لقا فيها وحصل مع اصحابه ركوب
ياخذ من الدين والمرجله سترة نجاه

لا يجيب الا الكلام الخلي من العيوب
المباح الطيب اللي رفيعن مستواه

لا يشيل من الخطايا ويجمع فالذنوب
يرتجي غفران ربه ويسعى في رضاه

كل رجالٍ كلامه مثبت ومحسوب
ياخذ حسابه من الموت من بعد الحياه

قلتها وانا اجني الذنب واستغفر واتوب
وارجي الغفران من عند ربي والغناه

[إبن ثعلي]

صح السان بن جدلان ومشكور يالصهد على نقل هذه الرائعه

[الصهد]

المشاركة الأصلية كتبت بواسطة إبن ثعلي صح السان بن جدلان ومشكور يالصهد على نقل هذه الرائعه

لاشكر ع واجب والأروع مرور مديرنا

[عبدالعزيز بن حشيان]

الصهد

يعطيك العافيه يالنشمي وتسلم يمينك على النقل الرائع

[الصهد]

المشاركة الأصلية كتبت بواسطة عبدالعزيز بن حشيان الصهد يعطيك العافيه يالنشمي وتسلم يمينك على النقل الرائع

الله يعافيك ويسلمك يبو شنب اسعدني مرورك