[rplayer]http://smanalhrj.org/mlffat/files/1937.rm[/rplayer]
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الامانـه ياطويـل العمـر ماكـلٍ عرفـهـا=غير ياليتك تقول اليوم وش معنـى الامانـه
واحـدٍ قـال الامانـه ناقـةٍ تاكـل علفهـا=وواحدٍ قال الامانـه مالهـا ذالوقـت خانـه
وانت لوشفت العرب وش لون تاكل في طرفها=ماتخلّي واحدٍ منهـم وراسـه فـي مكانـه
غير شفها ياطويـل العمـر يانفـداك شفهـا=لين تدري منهـم اللـي يستحقـون الادانـه
عالمٍ من خير ذالدولـة تنعّـم فـي ترفهـا=ايتمتّـع فـي نفـوذه وايتمنّـع بالحصانـه
الوجيه اللي على حب الطمع باعت شرفهـا=اخلفت درب السيول وحطّـت العالـم وزانـه
وانشد اهل الديرة اللي عاصف الماطر عصفها=يوم جا سيل الربوع وعان درب السيل عانـه
البيوت اللي دخل فيها علـى دربـه جرفهـا=والنفوس استشهـدت والله يفاولهـا جنانـه
والشباب اللي ترعرع طول عمره في كنفهـا=ما اسعفه وقته ولاهي سرّته خبـرة زمانـه
مادرى انه في طريق التهلكه روحه حذفهـا=لين شيّع والدينـه عُقْـب ماشيّـع اخوانـه
والعيون اللي تدامـع وا اسفهـا وا اسفهـا=مالها غير الدموع ودبـرة الله جـل شانـه
منهو اللي خطط الديره ومنهو اللي رصفهـا=ومنهو اللي سكّر دروب السيـول بخيرسانـه
ومنهو اللي وقّع صكوكه وهو خابـر تلفهـا=ومنهو اللـي داريٍ عنهـا ولاطلّـع بيانـه
ومنهو اللي من كثر ماياخذ الرشـوة ولَفْهـا=يوم ولّيته على الامـه تحَسْـب انّـه تكانـه
كلّهـم قـدّام عينـك شلّـةٍ والله كشفـهـا=وانت عاد ابخص وتدري ويش ماجوب الخيانه
ياتجي عبره ومنها يعتبر مـن جـا سلفهـا=ياتروح نفوس من ماتوا على ذمـة الامانـه
[/poem]
| 
|
01-03-2010, 10:07 AM
العرض المتطور
