في يوم الوفاء كان هذا الجزاء ..

[الدَعْجَانِـيـْةِ]

في يوم الوفاء وتتويج العطاء
ورد الدين لهذا البلد الذي يحوينا وقدم لنا الكثير والكثير
ونعمنا من خيراته
وتدثرنا بفضائله

كانت تصرفات البعض يندى لها الجبين
ففي ذاك اليوم كان هنالك من يعيث في أوصاله فساداً وتخريباً وتدميراً
لا أدري لمَ أصبح التخريب والتدمير سمة تلازم بعض الشباب السعودي
وتطغى على سلوكياتهم ..وتجعل منهم إعصاراً مبعثراً وناسفاً لكل الأفراح التي تتشح بها بعض المناسبات الوطنية ..

أهكذا يُرد الدَيِن ؟
أهكذا يكون رد الجميل ؟

لابد من أسباب دفعتهم لذاك التصرّف وذاك الفعل.
و لابد من وقفة حازمة من أطراف عدة حتى لا يتكرر في القادم من الأيام.
وما بين مطرقة الأسباب والدوافع وسندان مواجهة تلك الأفعال وكيفية التصدي لها ومعالجتها

نردد دوماً .

دام عزك يا وطن




،،،...،،،


.

[ساحر الكلمه]

يعطيك العافية

دام عزك ياااااوطن .... نعم

دفعتهم الجاهلية في الحيااة والغرور في أمور الدين دون فهم ودون تمييز


المشكلة تكمن في قصور المربي

والحل في يد المربي البعد عن الغلوا والغرور وحترام البشر

تقبلي مروري

الساااحر

[الدَعْجَانِـيـْةِ]

المشاركة الأصلية كتبت بواسطة ساحر الكلمه يعطيك العافية دام عزك ياااااوطن .... نعم دفعتهم الجاهلية في الحيااة والغرور في أمور الدين دون فهم ودون تمييز المشكلة تكمن في قصور المربي والحل في يد المربي البعد عن الغلوا والغرور وحترام البشر تقبلي مروري الساااحر

حياك وبياك أخي


ودوماً نردد


دام عزك ياوطن

وبالفعل هي جاهلية القرن تتلبسهم


وتدني الأخلاق وتمادي العزة بالنفس والغرور يتنازعهم


أما تلك الـ تربية فحدث ولا حرج


فـ لو كان لها مجرّد وجود لما كانت تلك أفعالهم


ولو كان هناك من حقنها في أجسادهم و لامست قلوبها ما كان ذلك التصرف ولا شاهدناه


نسأل الله السلامة والعفو والعافية


اللهم أهدنا فيمن هديت


،’،


ساحر الكلمة


شكري وتقديري لشخصك

لاهنت

.

[النجم الأصيل]

يعطيك العافية

أدام الله الأمن والامان في ظل عبدالله

[الدَعْجَانِـيـْةِ]

المشاركة الأصلية كتبت بواسطة النجم الأصيل يعطيك العافية أدام الله الأمن والامان في ظل عبدالله

شكراً لتواجدك أخي


النجم الأصيل



ونرفع الأكف بالتأمين على دعواتك



دمت بـ خير



لاهنت

.

[راكان العصيمي]

المشكلة واضحه وضوح الشمس


وحلها اوضح منها واسهل من المشكلة نفسها


لكن من يريد الحل ؟؟ ومن يريد المجاملة ؟؟

[الدَعْجَانِـيـْةِ]

المشاركة الأصلية كتبت بواسطة راكان العصيمي المشكلة واضحه وضوح الشمس وحلها اوضح منها واسهل من المشكلة نفسها لكن من يريد الحل ؟؟ ومن يريد المجاملة ؟؟

حياك وبياك



راكان العصيمي


لا شك الجميع يريد الحلول ويبحث عنها وإن كانت واضحة ويسيرة لمن يسرها الله له وربما التذكير بها والتشديد عليها هي ما يحتاجه البعض .

فـ الوطن لا يستحق مثل ذاك العقوق والتنّكر لما قدمه في يوم الوفاء ..

شكري وتقديري

لاهنت

.

[عصيميه]

فعلاً شيء غريب أختي الدعجانية

وهؤلاء الأشخاص يعبرون عن أنفسهم ولا يعبرون عن الوطن أبداً

الوطن شامخ رغم كل هذا العبث ...

[الدَعْجَانِـيـْةِ]

المشاركة الأصلية كتبت بواسطة عصيميه فعلاً شيء غريب أختي الدعجانية وهؤلاء الأشخاص يعبرون عن أنفسهم ولا يعبرون عن الوطن أبداً الوطن شامخ رغم كل هذا العبث ...

هلابك يالغلا


عصيميه


أسعدني تواجدكِ

بالفعل كانت تلك التصرفات ترتدي ثوب الغرابة


وكما تفضلتِ هم أساءوا لأنفسهم قبل الوطن لأن الوطن شامخ لاتضره تصرفات بعض الصبية

ولكنها رسمت علامات استفهام وتعجب كبيرة في سماء العقول السليمة والقلوب الحية النابضة بحبِ الوطن


ونـ أمل ألا تتكرر وتكدر صفو أيام الوفاء لهذا الوطن


نسأل الله الهداية للجميع

دمتِ بـ سعادهـ

لاهنتِ

[سلمان]

الدعجانيه شكراً على الموضوع

لانه صراحه يلعب في داخلي من احداث الخبر المؤسفه

حتى اني تمنيت الحكم على المخربين با الزام اسرهم دفع التعويضات عن الاضرار التي حصلت
مع جلد تلك الفئه

احداث الخبر التي وقت كان من المتوقع حدوثها في الرياض وانا من سكان الرياض حدثت في السنوات الماضيه اشيا مشابهه لاكن ليست بنفس ضخامة ماحدث في الخبر

اني لا القي الوم على الوطن ولا على الجهات الامنيه الجهات الامنيه بذلت جهود جباره في الرياض لحفظ الامن والكل يشهد لها بذالك

الحين بعد احداث الخبر في ناس يقولون يستاهلون الي صار ليش الاحتفال با اليوم الوطني
ها الكلام ذكرني
بعام 2003 بداية تفجيرات الرياض بعد اول التفجيرات التي كانت في المجمعات السكنيه
فيه ناس للاسف قالو احسن يستاهلون الامريكان هذا جهاد وبعدين بعد ما اتضحت الامور وصار تفجير الوشم الي كان المبنى جميع من فيه لا ناقه لهم في امريكاء ولاجمل اتضحت الامور وبان للعامه
انها ليست ماكنا نتصور يعني كانت ( ضحك على الدقون ) اكتشف الجميع انها ليست سوا العاب سياسيه تهدف الى زعزعة هذا الوطن


واقول للي قالو احسن للي صار في الخبر
يمكن يكون لها ابعاد سياسيه اكبر من تفكيرك وتفكيري


ناس تقول مجمعوة مراهقين بدون لارقيب ولاحسيب تجمعو ( ممكن )
ناس قالو ان فيه ناس اشعلو الفتنه بقولهم هاذي مطاعم يهوديه وللكفره واصبحت محرض + مجموعه من المراهقين ( ممكن )
وناس قالو مع تجمعات الشباب كان فيه مجموعه من الشيعه معهم واصبحت افكار سياسيه + تحريض + مجموعة مراهقين




ليه ما صار شي في جده ان شفتهم في التلفزيون صارحه شي جميل ورجال الامن ماكانو متوقعين احداث شغب كانو يوزعون ورورد عند الاشارات وكل عسكري كان متوشح بوشاح اخظر

ناس بتقول جده بعيده عن الرياض والرياض مصدر الهمج على قولتهم
وناس تقول جده اهلها فري ومتفتحين


طيب الخبر ( افضل مدينه في وجهة نظري لا من ناحية السكان ولا التخطيط ) ناس محترمه منظمه ما تحس انهم نفس جنسيتنا صراحه

لاكن الي صار في الخبر والمراهقين طلعو من الرياض والخبر والشمال والجنوب وكل مكان

يعني الفئه الي كانت مخربه في الخبر شفتهم قبل في الرياض في غير اليوم الوطني شفتهم في الجنادريه في العيد في الاسواق
فئه ما ننكرها موجوده

زي ها الفئه يمكن تخرب اليوم يمكن بكره بس عطهم مجال يخربون هم بيخربون


وشهي ها الفئه

اغلبهم من الطبقه التي دون المتوسط من الناحيه المعيشيه
اغلبهم دون المتوسط من الناحيه التعليميه
فئاتهم العمريه في الغالب مراهقين
مجموعه كبيره منهم اتو من مناطق نائيه
اسره مهمله ماتدري ولدها حي ميت وش يسوي

تجمع
الجهل + الفقر +المراهقه + اهمال الاسره

تجمعت في شخص واحد في المدينه
فاصبح الشاذ في تلك المدينه
تجمعو
محد يتوقع وش بيصير منهم
اغلبهم اذا ذهب للرياض او الخبر ( حس انه خارج المملكه وانه يقدر يسوي كل شي )

انا متاكد

ان تلك المجموعه ماعرفت ماهو الوطن ولم تكترث له ولم تكترث لليوم الوطني ولا تعلم ماهو اليوم الوطني


يعني في الحقيقه تجيب واحد جاهل وتقول اليوم هذا فيه احتفال

انا اشوف ان ها المساله مالها دخل في اليوم الوطني

تلك الفئه ممكن تسويها في اي يوم بس متى تجي الشراره
تجمع العيد والاجازه واليوم الوطني


ــــــــــــــــــــــــــــــــــــــــــــــــــ ــــــــ

للاسف شبابنا فيه فئه كبيره

تلقاهم يحتلفون ويرقصون بعد مبارة ولو تسالهم بين من ومن قالو ماندري بس فيه مباره اليوم

تلقاهم يتجمعون عند التفحيط تجمعات غريبه عجيبه ليست بقصد المشاهده
اذا جا المطر تلقاهم في الثمامه وغيرها تجمعات ورقص


للاسف شبابنا صارت تجمعهم الطبول وتفرقهم العصاء


لاكن اي فئه من الشباب

نفس الفئه المخربه في اليوم الوطني جمعتهم الطبول ورقصو وخربو وفرقتهم عصي رجال الامن ( هاذي هي الحقيقه )



المساله للاسف من وجهة نظري معقده
تطوير التعليم تطوير الاسره تطوير الوضع الاقتصادي ايجاد ما يشغل الشباب ويفرغ طاقاتهم فيه

اتوقع احد بيرد علي يقول يقضون وقتهم بقرات الكتب والقران والسنه ( واقول القران والسنه والكتب مالها عمر معين والتثقيف موب جاي الى مع رغبه من نفس الشخص انه يطور نفسه )
لاكن اذا ما كان يبي يطور نفسه في اشيا تشغلهم
موب استراحه ولعب كوره وسوني
ليه ما يتم تطوير بيوت الشباب لتواكب القرن الواحد والعشرين ليه مايكون فيه دراسات ( ليست عربيه با التاكيد ) عن الافكار المقدمه ليه الي يرغب التصوير الفوتغرافي ما مايجد له مكان ليه من يهوا الاخراج والدبلجه لا يجد داعم له ليه من يهوا الرسم لايجد متلقي له ليه من يهوا الهندسه والحاسب لايجد داعم له
ليه وليه كثيره ليه يتم كبت الهوايات با الدراسه التقليديه والعمل

صدقوني

احسها الي صار

ليست مجموعه من المراهقين وحسب

الي صار ترسبات اخطانا كلها تجمعت في اشخاص لاذنب لهم

ترسب

الفقر والجهل والاسره الجاهله وعدم وجود الهوايه ولا مبالة الشارع واخطاء التعليم تجمعت مع حماس مراهق


واصبح هذا المراهق كا القنبله الموقوته
في اي وقت تنفجر وقد تصبح قنابل يستخدمها الغير



اعذروني على اطالتي

اعرف اني طولت عليكم

وعارف اني شتت افكاركم خرجت عن الموضوع ورجعت ولاكن اسمحو لي كل هذا فيض من غيض

وشكراً اختي مره اخرى