هذي القصيدة في صاحب السمو الملكي الامير محمد بن فهد بن عبدالعزيز آل سعود امير منطقة الشرقيه على ماقام به في اعتاق رقبة الحميدي بن عبدالله الثبيتي وفي الاستاذ سليمان بن جبرين محافظ النعيريه وفي قبيلة زعب المتنازلين عن رقبة الحميدي بن عبدالله جعلها الله في ميزان حسنات الجميع
[poem=font="Simplified Arabic,4,black,normal,normal" bkcolor="transparent" bkimage="backgrounds/13.gif" border="none,4,gray" type=0 line=0 align=center use=ex num="0,black"]
الكيف طاب وزان بدع التماثيل = والحمــد للي مـودع كيفـنا طـاب
الحمد لله يوم صارت تسـاهيـل = وتبدلت باليسرمن عقب الاصعاب
والطير فكنه سلوك المحـــابيـل = ويلعب بجنحــانه مع الجو حطاب
فضل من المولى منش المخاييل = اللي يميت ارقـاب وينـجي ارقــاب
وفق مساعي كاسـبين التنافـــيل = الخــيرين اللي لهم قـدر واعجاب
اللي لهم في الخير بذل ومناويل = ومــكرسين الجهـد في بذل الاسباب
بتوجيه حلال العقد والمعاضـيل = اللي لفعـل الطـيب كالـغيث سكاب
هداج تيما ..لا..بل وادي النيــل = ما ينهـــزع لو يزعبـه كل زعــاب
محمد ولد فـهد عدلها عن المـيل = لين استوت بين العواني والاصحاب
لك يابو تركي كل قـدر وتبــجيل = يااميـرنا المحبـوب حـلال الانشاب
يجزاك عنا مـنزل النصر والفيـل = وتثـقل بها اعمـالك ليا كلح الـناب
وعسى فهد وسط الغروس المظاليل = بجنات عـدن يـلذ له كل ماطاب
بقلـوب شعـبه باقـي له منــــازيل = لو غاب راسه طيب الذكر ماغاب
ولعل ابو متعب سنينه تمـــاهيل = يبقى وابو خالد لنا درع وحجـاب
حكـامنا اللي بالدجـــايا قنـــاديل = دليـلة الســارين كان القمر غـاب
ويابوحمد ياقاسي العزم والحيـــل = رجــل موليــك المهمات ماخـاب
حلحيل ياسليمان من راس حلحيل = يجــزاك عنا بالثــنا رب الارباب
والعفـو عند المقدرة للحلاحيـــــل = مايقدره ياكــود زاكـين الانســاب
يازعب ياسـمو الرجال المشاكيــل = ياللي لكم في عالي المجد مرقـاب
انتم هل الطاله زحــول الرجاجيل = يامــوردة يـوم الــوغى كل هياب
ياما بــردتم من كبـود مغاليــــــــل = وياما قصرتم شف طامع وكساب
وان كان حل الهوش دون المشاويل = كـل لغـــال الروح للموت جلاب
تروون حد المرهفات المصـــاقيل = وطريحكم ماتنـعرف فيه الاطباب
ومن دون ذود الجار تكف التفاصيل = اللي مـــؤرخة بديـــوان وكتــاب
يوم الشريف اشرف بجمع كما الليل = طشــو عمـــايمهم عمـا كل حراب
وماهمهم من طاح لو يكثر الشـيل = زهدوا بغال الـروح عكفان الاشناب
يمشون في شف امهات المخالـيل = تـرعى بهيبتهم قفر دار الاجناب
يبرونها الظفران مع قحص الخـيل = الكــل منهم مثل ابــازيد وذيـاب
اهل الكرم والجود والبن والهـــيل = وبيوتــهم ماتغبـــي كنهاهضــاب
ولاخـير في مــــدح بلــيا دوالــيل = وانا دليـــلي كنه البــدر جـــذاب
مدحي وفا في لابــــة توفي الكـيل = معروفهم طوق على كل الارقـاب
والله ما ننســـاه لو طــــول الليـــل = يوصيبه الشـايب لامات للشاب
وانه ليبقى ورث جيل بعد جيل = وتنشر لكم بيضاء شبـاب وشياب
تنشر لكم بيضاء بروس الاقاذيل = ويقرا بها القاري وتكتب لكتــاب
وتشهر لكم يازعب وسط المحافيل = ويلعبها في الملعـبه كل لعـــــاب
اقول قولي واحتمي كل ماقيـــل = لانـي بمزهــاف ولاني بكــذاب
وانا عتيبي لابتي تذبح الحيـل = لطـــامة العايل مهدية الاصعاب
ومن لاد روق اللي تشف الفناجيل = اللي على طرح المجــاويخ دراب
والجــد ثابت بين كـــنه سهيــل = اللــي يعــده بالعــــدد كل نســاب[/poem]
| 
|
02-11-2008, 01:44 PM
.gif "SnipeR (2)")
العرض المتطور
