رفعتلي صوتا من الغرب ياسعود

[عبدالعزيز بن حشيان]

رفعت لي صوت من الغرب ياسعود
ابي شمال المملكه يسمعونه
: صوت الغريب اللي على الدار مشدود
عبر المحيط اللي يهيلك بلونه
: ماني برفع الصوت ياسعود مضهود
ذكرت شيخ نازح البعد دونه
:شيخ على كل المواجيب به زود
له مجلس شمط اللحى يدهلونه
:تلقى الشحم والبن والهيل والعود
وحجاج يضحك عند حزة تجونه
: قد جرب الدنيا على اللين والكود
ومع دولته شارك بنجران كونه
:ابيض وجهه ماقد حصل منه منقود
اهل الشمال بذكرهم يمدحونه
قولوا لبوفيحان صوتك مع النود
ينعش فؤاد اللي اللي سهيره عيونه
:الصبر طال وكل شيء له احدود
صبرت صبرن بينات اطعنوه
وصلاة ربي عد ماتسمع ارعود
على النبي كان اللحن تسمعونه



:شعر دهام غلاب الردعي موجه لوالده

[عبدالعزيز بن حشيان]

صح لسان ابو سلطان

[المغوار]

صح لسان دهام الردعي وسلمة يمينك على النقل

بس ماعليش يابو خالد سوال دهام ابن غلاب الي كان من
ضمن الضباط المرافقين مع الامير سلطان

[عبدالعزيز بن حشيان]

المشاركة الأصلية كتبت بواسطة المغوار صح لسان دهام الردعي وسلمة يمينك على النقل بس ماعليش يابو خالد سوال دهام ابن غلاب الي كان من ضمن الضباط المرافقين مع الامير سلطان

حياك يالمغوار وتسلم

نعم هذا هو العميد دهام غلاب يمكن انت تعرفه او تسمع به