[frame="4 80"]
[poem=font="Simplified Arabic,6,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
القلب ياهزاع كثرت طواريه=قلبٍ غدى لهموم الايام ماعون
يشتب في قلبي همومٍ تقزيه=تشب في وسط الحشا كونها كون
همٍ تليّم يتعب اللي يناحيه=اجاحده واكناه والهم ملعون
واليوم يابن عون ماني بكانيه=ابا اعلنه لين العرب عنه يدرون
عساك ياهزّاع تفزع وتنهيه=وانته ومثلك في الصعايب تسدون
والحر يفهم بألاشاره وتكفيه=وابا اشرح الموضوع وانتم توحّون
بعد لحقني من نياقي مشاريه=تقول وش بعيالنا مايسامون
قلت ان لقيتي حل ياالنوق هاتيه=وقال ٍ لقينا الحل كان انت دندون
اسمع كلام اللي نياقه تناجيه=وتقول هزاع العطامنه مضمون
وتقول اخذ لي منه فحل وعطنيه=حتى تبيع ادنى عيالي بمليون
الذود يرجينا وهزّاع نرجيه=نرجي رجالٍ لاعطى الرب يعطون
ابا عطى وامّا الشرى مقدر اشريه=لنّي مقل ولا معي غير مالون
واللي على ظهري من الدين كافيه=ولاعاد فيّ ازوّد الدين بديون
وهزّاع جايٍ له من البعد ناصيه=ابا اوضحٍ من طرش هزاع مزيون
هزع ٍ عراقيبه صغار ٍمواطيه=وخشم عريض ارثم كماخشم حاجون
اوضح سنامه فاهق ٍ يوم احليه=وله غارب ٍفوق مترفع وسنسون
تطاول رقبته تفاهق فاذانيه=وهذاك غرض روق لاجاك هاللون
وابا ليا قالوا من اللي عطاكيه=اقول معطينيه هزّاع بن عون
ولاهوب انا اللي بس هزّاع معطيه=هزّاع معطٍ عالمٍ مايعدون
يعطي عسى رب المخاليق يعطيه=من فضله الواسع ويكتب له العون
جيته كمنّه يرفع الراس طاريه=ذخر الرجال مزبّنة كل محزون
وابوه لسلوم الشكاله مضريه=ياكثرمن يبغون مثله ويزرون
حشرالرويس اللي بعاد ٍهقاويه=من غالطه فالطيب تايه ومجنون
واقول جعل اصدوف الاقدارتخطيه=ويدوم ملجاواله الاجواديلجون
ادعي لحشراللي جزال ٍحسانيه=ولابا الكرام اللي سواته يبيدون
لعل ابوهزاع تبطي لياليه=وشرواه جعل اشكالهم مايقلون
سلايل اللي ذكرهم نفتخر فيه=تاريخهم عن منهج النقص مصيون
اعد قول الصدق والحقّ ابديه=ان رضيوا الحسّاد والا يضيقون
روسان يوم الوقت كثرت بلاويه=صكّاتهم منها الاعادي يتوبون
لطّامة العايل ليا جاك يتليه=جيشٍ يغير إبهم كثر جيش فرعون
يسقونه الموت الحمر قلّ واليه=لين ان جيشه من طغاهم يفيقون
[/poem][/frame]
[align=center]محمّد بن دغيّم هندي العتيبي[/align]
| 
|
10-04-2005, 11:03 PM
المواضيع المتشابهه
العرض المتطور
