[poem=font="Times New Roman,4,black,normal,normal" bkcolor="transparent" bkimage="backgrounds/39.gif" border="groove,5,darkred" type=0 line=0 align=center use=ex num="0,black"]
قم يا نديبي وإكتب بيـوت وعناويـن=
من هاجس(ن) بالقلـب زاد إحتمليـا
0
اكتـب بيـوت ولا تعـدى القوانيـن=
واللي يطريلك من الصواديـف قليـا
0
ملفاك ابو سعـود سقـم المعاديـن=
زبن الدخيـل اللـي بوجهـه دخليـا
0
شيخ(ن) ولد شيخ على الطيب ضارين=
اليا حل طـار النعـم جالهـم طريـا
0
من نسل إرجـال كلبوهـم عريبيـن=
وفعولهم معروفـة(ن) عنـد القبليـا
0
سلم عليه وفي يمينه عطه البراهيـن=
وقله عن اللي بجوف صدري حرقيـا
0
من لاهب(ن) بالقلب مثـل البراكيـن=
خلا عيوني في الرياض دايم سهريـا
0
قله يولم الجيـب هالحيـن هالحيـن=
نبيه علـى قطـع الخـرم والسهليـا
0
جيب(ن) جديد وارد الخمـس والفيـن=
وبكـل مزايـا الفـل فيـه إكتمليـا
0
وارد اليابان مـا ورد مـن الصيـن=
ومن البريمي فـي أوراقـه إعتمديـا
0
خله يربط العفش ترى اليوم ماشيـن=
والعزبـه اللـي كلبـوهـا كملـيـا
0
منـي علـى نجـد ومنـه ويميـن=
ونحدر على الصمان اليا بغينا نحدريا
0
أشتاق انا ياخوك لخـوة السلاطيـن=
شرواك يابو سعـود وفيـك الهقويـا
0
خوة رجـال كلبوهـم علـى الديـن=
ما منهم اللي عن لزومـه إستخريـا
0
ويشوقني ياخـوك طـرد الكراويـن=
وشـوف الارانـب خلفهـن السلقيـا
0
ويشوقني ياخوك شـوف الشياهيـن=
طير(ن) على برق الحبـاري سبقيـا
0
ويشوقني روض(ن) وعشبه ملاوين=
ربـل وخزامـا وســدر ونفلـيـا
0
ويشوقني فياض(ن) عليها البداويـن=
خص(ن) ليا توها من السيـل مليـا
0
ويشوقني ياخـوك شـوف البعاريـن=
ومن جنبهن منـاك يبـري الفحليـا
0
وخلافهن سقس(ن) عليه الغلاويـن=
تارد به الحرشـا ليـا جتـك ضميـا
0
ويشوقني البدو ليـا شـدوا مقفيـن=
يـم الديـار اللـي عليهـا المطريـا
0
مذكور لهم الخير مـن قبـل يوميـن=
واليـوم يـم الحيـا وسطـه نزليـا
0
ويشوقني الخيال ليا رشرش وداديـن=
في ديرة(ن) يبرى لها القلـب بريـا
0
وأستهوي الشبه والنشامـا جالسيـن=
مع دلة صفـرا علـى جـال صليـا
0
جلسة نشامـا والسوالـف براهيـن=
وجزل القصايد مع السوالـف محليـا
0
هذه غناة الـروح ولا إنتـم بغاويـن=
ولا السعـاده للـي بدينـه صبريـا
0
نبعد عن الديـره وهـرج المجانيـن=
اللي في وسط الشوارع دايـم همليـا
0
يقولهـا اللـي حالتـه كلهـا ديـن=
والظاهر انـك عـن حالتـه خبريـا
0
وختامها صلو علـى مبيـن الديـن=
على النبي الهاشمـي خاتـم الانبيـا [/poem]
| 
|
08-05-2006, 03:53 PM
المواضيع المتشابهه
العرض المتطور
