حقيقه واقعه مهما تناسيناها ترجمتها في ابيات عسى ان تنال اعجابكم
وعسى الله ان ينفع بها قولوا آآآآمين
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من بنات الفكر اسجل ما بدالي=انتقي جزل المعاني يوم اقول
كل ما بالكون عده للزوالي=غير وجه الله تعالى مايزول
الجديد يصير بعد ايام بالي =جدته لوطال لايمكن تطول
مع مرور الوقت يرخص كل غالي=تذهب اللذات ويقل القبول
الشجر لاجف ما جاله ضلالي =تسقط أوراقه وغصنه في ذبول
الشباب يشيب لاجاله مجالي=واخر ايامه على اللوح محمول
تجري الأيام وتمر الليالي=والسنين بحال دنيانا تصول
العمر ينقص ويفنى لا محالي=لو تعاقب فيه دورات الفصول
والدهر محتوم يفتك ما يبالي=والمنايا بين خلق الله تجول
يا بن آدم في حياتك مانت سالي=لو وصلت أعلى درجات الوصول
كيف تنسى منزلك قبر هيالي=حفرةٍ ظلما مناظرها تهول
لا نزلت القاع من عقب المعالي=وصارت الكثبان من دونك تحول
ما معك مخلوق تنزل فيه خالي=مالك إلا ما فعلته من فعول
يسألونك فيه عن عدة خصالي=منكر ونكير يبغون الحلول
ويوم بعث الخلق بالمحشر قبالي=مهطعين مقنعين بلا عقول
يوم حر الشمس فيه يزاد صالي=والعرق يجري كما جري السيول
ينظرون العلم ويش يصير تالي=مرخيين الروس بأشد الذهول
والصحايف باليمين وبالشمالي=نازلـه بيدين راعيها نزول
والصراط امتد من جالٍ لجالي=فوق صلوا النار مايثبت جفول
ذا يمره مثل برق في خيالي=وذا يطيح وذا يقوم وذا عجول
منهم اللي مسكنه بجنان عالي=ومنهم اللي بأسفل النار محبول
خالدين مخلدين بكل حالي=التقي مرتاح والعاصي ملول
ذي حقيقه واقعه ماهي خيالي=قلتها واللي عرف مثلي يقول
كم جمعت وكم تركت وكم غدالي=في حياتي يوم أصول أبها واجول
يالله المعبود يارب الجلالي=اغفر الزلات عن عبدٍ زلول
تمت وصلو على سيد الرجالي=النبي المصطفى العبد الرسول
عد ما بالارض حبات الرمالي=وعد مابه من جبال ومن سهول[/poem]
[align=center]عبدالله مرزوق المرشدي[/align]
| 
|
03-10-2006, 08:35 PM
صح لسانك ،،،،،،،،،،،،،
المواضيع المتشابهه
العرض المتطور
