[align=right]السلام عليكم
بعد تأوهات استمرت جيلا كاملا، و الشاعر عبدالمعين ينشد و يناشد دون جدوى ، يستعيد الشاعر مشعل الصوت فيرد بدرة اخرى
.....
يقول الشاعر عبد المعين بن ثعلي رحمه الله في قصيدة له قديمة:[/align]
[frame="10 50"]
[poem=font="MS Dialog,6,darkblue,bold,normal" bkcolor="transparent" bkimage="" border="solid,3,teal" type=1 line=0 align=center use=ex num="0,black"]
عديت مجدار ٍ علـى كـل مجـدار=عيطاً بديت بـراس عالي وعرهـا
ما واق في عالي حجاها الا الاطيار=والا السباع القـى مداهيـل اثرهـا
إكرام عين ٍ تشتهـي مـد الانظـار=فسحة نظـر للعيـن مـدة نظرهـا
وان كان في مد النظر خير واشرار=ننظر بحال وحـال عنـه نهجرهـا
ننظر لدرب الخير نقصر عن الضار=ولا خير في عين ٍ نظرها ضررهـا
واقول من زين التماثيـل واختـار=واجني من اطراف المثايـل ثمرهـا
ماقـل دل وكـل عـودٍ لـه اثمـار=تثمر وحلو اثمارها مـن شجرها
والفرق في طلع النوامي والاشجـار=من زين تربتهـا وحسنـى مدرهـا
و حولت منه امشي مع الدرب مـرار=مريـت منـزال البيـوت وذِكَرهـا
قلب ٍ عليهم كن فـي داخلـه نـار=وعين ٍ عليهـم مستمـر ٍ سهرهـا
سج القدم في منزل البيت واحتـار=من صبح لين الشمس طبت بحرهـا
منزل بيوت ٍ عطرهـا بـن وبهـار=واشناق حيل ٍ من خبرهـم خبرهـا
سلام يامنـزل طويليـن الاشبار=لو مـا مكـان بيوتهـا الا حَجَرهـا
منازل اللي تكرم الضيـف والجـار=مامـن يحـل بجالهـا الا شكرهـا
خذو لهم قيضه ومشتـى ومصفـار=ومرباع لين العشبه اقفـى زهرهـا
وشافو لهم برق على نجـد سمّـار=تحـت مطاليـع النجـوم وقمرهـا
شرق ٍ من القبله مطاليـع الانـوار=غرب ٍ من العارض ضواحي هجرها
يبون مرباع ٍ من الوشـم ويسـار=واقفى ربيع العيـن واقبـل دهرهـا
معهم عشير ٍ هوجر القلب هوجـار=هوجار هوجار ٍ بروحـي هجرهـا
روحه على روحي تسابيب واخطار=باسبابه المخطـر عقـد موتمرهـا
يشّر عليه من الخطر حسب الاضرار=شقر القرون ومابدى مـن نحرهـا
تاج ٍ عليه مـن العماهيـج وشعـار= هي شيخة الخفـرات واهنـه جبرهـا
اقفى وقفّوا به هـل المجـد والكـار=و شرب الدغش مر الكبـود وكدرهـا
وانا بـدار وليـن العـود فـي دار=لكنهـا حجـه وكتبـت عمـرهـا
قلت : النسب، قالوا : بدا.. يدك والحار=أولى بها من ربعها اللـي حجرهـا
يا الاد روق اللي لكم صيت واذكـار=لاطار عـج غبارهـا مـن وبرهـا
وان جا لميدان الرمك عـج وقتـار=كم حولـوا بمـدرع ٍ مـن ظهرهـا
تسببوا لي فيه مـن كـل ماصـار=اظـن عينـي يفتـح الله بصرهـا
اما بدفـع المـال والا بـالابصـار=والا بصملات الرجـال وظفرهـا
مايقطع الفرجات من طاع الاشـوار=ولا طوّع الاصعاب مـن لاوطرهـا
والاهي الدنيا على الضـار و البار=مـن لادمـر بنيانهـا ماعمـرهـا
***** [/poem][/frame]
و كان ردالشاعر مشعل ابن محيا في مجاراة لعبد المعين:
[frame="10 50"]
[poem=font="MS Dialog,6,darkblue,bold,normal" bkcolor="transparent" bkimage="" border="solid,3,teal" type=1 line=0 align=center use=ex num="0,black"]
الله من شـي ٍ سمعتـه يامختـار=ايقظ شورايد الهجـوس وزغرهـا
يلـف دولاب المشاعـر والافكـار=لف الهـوا للـي ثمرهـا عسرهـا
كلام ٍ يّصحـي غريبيـن الاطـوار=اللي مواجعهـم ماجابـو خبرهـا
الله يمسي ّ راعي القول بـالخـار=ويعوّضه بـاحسن من اللي خسرها
اللي جراله من تحت راس الاقـدار=اللي على المومن تطايـر شررهـا
لعل مـن لامـه يعاقـب وينهـار=وتعطيه زينـات الليالـي ظهرهـا
شوارد ٍ تلفـت لهـا كـل الانظـار=الله يسلّـم راس عـود ٍ صخرهـا
رددتها حتى بـدا الصبـح وانـدار=فكري وفاخت الكـرى مـن فكرهـا
ولا يوسع خاطـري بعـد الافطـار=الا اتعداتـي فـي طـوال ٍ شيرهـا
اوحي لصوت الورق فيها تبختـار=لا كوسرت بلحونها مـن ضجرهـا
هذا هو الابداع مع سبق الاصـرار=شغل النفوس اللي نفيـس ٍ ددرهـا
انا اعتبرهـا درة ٍ شكلهـا غـاااار=(( وانت اعتبرها زي ما تعتبرها ))
سلام يلي مـن طويليـن الاعمـار=يـابن الرجال اللي صحيح ٍ فخرها
كم عين ٍ ابكوها وكم ساطي ٍ نـار=من خيلهم يوم الحـروب وقشرهـا
اي والله العضيان عطرين الاذكـار=وستين نعم وكلمتي ما اختصرهـا
اليا مدحت اللي لهم مجـد ٍ تغـار=منه القلوب الحاقـده مـن قهرهـا
انا كلامك صابنـي منـه حوشـار=وقلّب مواجع روحي اللي حشرهـا
اهل الهوى فقلوبهم ماهـم احـرار=وخطرهم ادنى ماجرحها وكسرهـا
يـابن عقل ماجبت من زين الاشعار=حرك علـي اشـواق روح ٍ قدرهـا
يومي بي اوماي مخيول ٍ على جدار=لاهب نسناس الهوى مـن ديرهـا
اقفت كما يقفي عن القنـه الطـار=اللي يشوف اهل الشبك ويخزرهـا
وعيو يجيبون العرب عنها الاخبار=ولا عاد عندي حل غيـر انتظرهـا
والا اتجاهل صدهـا ليـن الاخيـار=يلقون لي صرفـه وحـل لسفرهـا
ماني بمن يشكي على ميـت النـار=اللـي ماخـلا غـرة ٍ ماسبـرهـا
اشكي على الجبار عـلام الاسـرار=اللي خلق خلقه على احسن صورها
قلته وانا من لابـة ٍ تاخـذ الثـار=لا استعرض التاريخ فايت سيرهـا
الاد حنتش لا اركبو قحص الامهار=يجوون في وجه السيووف وخطرها
ان قلت الوزنـه يحبـون الايثـار=اهل النفوس اللي ظفرهـا شهرهـا
اقبل سلام ٍ ريحته ريـح الازهـار=في روض ٍ اسقته السحايب مطرها
وسم ٍ بكوره برقها فـوق الانبـار=ويمطر على الطايف ونجد وديرهـا
***** [/poem][/frame]
رحم الله ابو فهد، واطال الله بقاء مشعل
راع المحاني
| 
|
07-20-2007, 06:16 PM
المواضيع المتشابهه
العرض المتطور
