لغز جديد من بنت شمر الطنايا

[بنت شمرالطنايا]

السلام عليكم اخباركم ياعرب عتيبه

المهم مالكم بالطويله جايبه لكم لغز وعلى قولة اخونا وجودك يكفيني مليان

واللغز طبعا بلهجتنا لهجة شمر وطبعا اللغز له ازود من 60 سنه او اكثر يعني قديم

واكيد تختلف مسميات الاشياء عند شيبانا الله يخلي شيبانا ويخلي شيبانكم المهم انا معفيتكم

عن حل الجزء الاول من اللغز ابيكم تحلون الجز الثاني

يعني لا تقولون البنت منو لان السبب بالمسميات ابيكم تجيبون السمي منو

واليكم اللغز

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احذركم المرقاب لا ترقبونه=ياهل القلوب اللي على الحب ضميا

يفطن عليكم واحد ترتجونه=عين العنود مجفله حس رميا

السكر البكري مفارق سنونه=ماكول للحكام زين الطعميا

سميها عسرا على الناس كونه=مار افهمو ياهل القلوب الفهميا [/poem]

[ناصر بن سعدي]

صح لسان كاتب اللغز يابنت شمر

ولي عودة بعد القراءة والتفكير ..

[بنت شمرالطنايا]

المشاركة الأصلية كتبت بواسطة ناصر بن سعدي صح لسان كاتب اللغز يابنت شمر ولي عودة بعد القراءة والتفكير ..

صح بدنك يابن سعدي

وناطره عودتك

[شيخ الشيوخـ]

<<<<<< جلس جنب ناصر وجاب القهوه

ناصر ها وش تقول في هاللغز ؟؟

[بنت شمرالطنايا]

المشاركة الأصلية كتبت بواسطة شيخـ الشيوخـ <<<<<< جلس جنب ناصر وجاب القهوه ناصر ها وش تقول في هاللغز ؟؟

ترى انا ابي بس الولد مابي البنت ابي السمي

[شيخ الشيوخـ]

السكر !

[بنت شمرالطنايا]

المشاركة الأصلية كتبت بواسطة شيخـ الشيوخـ السكر !

مالك لوى

[وجودك يكفي]

الله يعطيك العافيه يابنت شمر الطنايا على اللغز

وش تقولين في السيف

[بنت شمرالطنايا]

المشاركة الأصلية كتبت بواسطة وجودك يكفي الله يعطيك العافيه يابنت شمر الطنايا على اللغز وش تقولين في السيف

الله يعافيك

ومالك لوى

[وجودك يكفي]

بنت شمر الطنايا
الحل إللي تقولين مطلوب.. في البيت هذا

السكر البكري مفارق سنونه=ماكول للحكام زين الطعميا