[poem=font="Simplified Arabic,4,white,normal,normal" bkcolor="blue" bkimage="" border="double,9,sienna" type=2 line=0 align=center use=ex num="0,black"]
ألا يا لله يا عالم بسر الكون واحو اله = يا قيوم السماء والأرض مجريها ومرسيها
تحفظ ألنا الزعيم اللي يعيش الشعب بظلاله = ولد عبدالعزيز مطور الدوله وحاميها
ملكنا اللي ملوك العرب تزبن له وتلجا له = يجير المستجير ويضمن الدوله لراعيها
ملكنا من ملوك وساسهم في نجد وأطلاله = عريبين النسب والأصل زاكيةٍ مجانيها
لهم منا الولاء والعهد نافي به وحنا له = على وضح النقا والبيعة العظمى مباديها
نبيع أرواحنا من دونهم والدار برجاله = رجال المملكة حنّا ليا نادى مناديها
وطنا قبلة الإسلام وسط القلب منزاله = نشاء به خير خلق الله من أولها أل..تاليها
هنا البيت العتيق ومهبط المرسول برساله= هنا طيبه مهاجر سيد الامه وهاديها
هنا منشأ الخلف بعد السلف والدين وبطاله=هنا أصحاب الرسول المصطفى قامت مبانيها
هنا حكم السعود أهل الوفا والطيب والطاله = ثلاث عصور والثالث موحدها وبانيها
أبو تركي موحد دولته والنصر يبراله = على قحص المهار اللي محذاتٍ مواطيها
يصب أجموع فوق أجموع رجليه وخياله = ويشيل الروس بالسيف المهند عن تراقيها
طيور الجو وسباع الخلاء تشبع بمدهاله = يدور الحول داير والجنايز في محاجيها
يدوس الليل وطراف النهار وعز مقياله = يصبح دار قوم وقوم فديرها يماسيها
ليا قالوا زعيم القوم قام وشرب فنجاله = وهل الهقوات باللقوات ضايعتن هقاويها
حرام الخوف ما داره ولا يطري على باله = ودلايلها المكانة والحروب اللي يصاليها
بذل جهده وصبره واستمات و طال ماطا له = واعز الحكم بأحكام الشريعة عند قاضيها
ورحل عنها على أجله يا عسى الفردوس منزاله = بعد لم الشتات ونادوا الدوله بساميها
رحل وارث وطن وأمجاد وارث حكم لعياله = وامن لهل البلاد وعز قاصيها ودانيها
على الله ثم على ال سعود عز الشعب وآماله = بنو صرح الحضارة وامنوها من معاديها
يشرفنا ملكنا خادم الإسلام بأفعاله = محقق رغبة أشعوب البلاد وجل أمانيها
ولي العهد نال المجد كله والفخر ناله = جهوده للوطن والشعب واضحةٍ مساعيها
وعليكم والله أكبر ياهل الإرهاب واعماله = تموت الحية الرقطاء بغيض وسمها فيها[/poem]
| 
|
09-28-2004, 01:02 PM
المواضيع المتشابهه
العرض المتطور
