لغز..بنتٍ قصيره طولها حول الشبر (محلول) من خليجي صح لسانه

[وجودك يكفي]

السلام عليكم

اليكم هذا الإنتاج الجديد وأرجوا أن يحوز على رضاكم




[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انشدك عن بنتٍ تجي فوق الصدر=يموت راعيها وهو ماحبّها
مذكورةٍ بآيه وحيده في سطر=في ساعةٍ مافاد نفسٍ طبّها
بنتٍ قصيره طولها حول الشبر=دوّر وتلقى مثلها في جنبّها
[/poem]

[جااابر]

صح لسااااااااااااانك ومشتاقين لألغااازك ياولد ثابت
جاري التفكير

[وجودك يكفي]

المشاركة الأصلية كتبت بواسطة جااابر صح لسااااااااااااانك ومشتاقين لألغااازك ياولد ثابت جاري التفكير

حياك الله ياجااابر وصح بدنك يالغالي وحتى انا اشتقت لمشاركاتكم ورمعاتكم

جاااري الإنتظار

[مهـرة مـطير]

صح لسآنك يآوجودك

لغز يبيله بحث وتفكير

[وجودك يكفي]

المشاركة الأصلية كتبت بواسطة مهـرة مـطير صح لسآنك يآوجودك لغز يبيله بحث وتفكير

حياك الله يامهرة مطير وصح بدنك ولاهنتي

ماظنتي يامهرة يحتاج له بحث وتفكير

[{ أبوفيصل }]

صح لسانك ياوجودك لغز مصقول كالسجنجل

وش تقول بالتراقي
او التريبه اللي مابين الثدي والترقوّة معناها عظام الاضلاع في كل جنب يمين ويسار

[وجودك يكفي]

المشاركة الأصلية كتبت بواسطة خليجي صح لسانك ياوجودك لغز مصقول كالسجنجل وش تقول بالتراقي او التريبه اللي مابين الثدي والترقوّة معناها عظام الاضلاع في كل جنب يمين ويسار

صح لسانك ياكابتن خليجي وبيض الله وجهك على الرمعه السريعه والصحيحه والقاضيّه

الجواب والبنت المطلوبه هي الترقوة عظمة الترقوة في جسم الإنسان



انشدك عن بنتٍ تجي فوق الصدر>>واضح من خلال الصورة السابقه
يموت راعيها وهو ماحبّها>>الإنسان الطبيعي لايستطيع تقبيل عظمة الترقوة الموجوده في جسمه
مذكورةٍبآيه وحيده في سطر>>ذُكرت الترقوة مرّه واحده في القرآن الكريم (( كَلا إِذَا بَلَغَتِ التَّرَاقِيَ(26)وَقِيلَ مَنْ رَاقٍ(27)وَظَنَّ أَنَّهُ الْفِرَاقُ(28)وَالْتَفَّتِ السَّاقُ بِالسَّاقِ (29)إِلَى رَبِّكَ يَوْمَئِذٍ الْمَسَاقُ (30) )) سورة القيامة
في ساعةٍ مافاد نفسٍ طبّها>>الشطر مرتبط مع الشطر الذي قبله .. وذُكرت الترقوه في آيه تصف لحظة خروج الروح وموت الإنسان وفي هذه الساعة لاينفع النفس طب علاج
بنتٍ قصيره طولها حول الشبر>>واضح
دوّر وتلقى مثلها في جنبّها>>عاد هالشطر بخليكم تشرحونه وتطبّقونه تطبيق عملي .. كل واحد يمسك الترقوة ويدوّر اختها في جنبها

[جااابر]

اعتقد انك ياخليجي اصبت الهدف ومبروك مقدما
وننتظر رد وجودك

[وجودك يكفي]

المشاركة الأصلية كتبت بواسطة جااابر اعتقد انك ياخليجي اصبت الهدف ومبروك مقدما وننتظر رد وجودك

إي والله اصاب الهدف صح لسانك ولسانه

[{ أبوفيصل }]

صح بدنك ياريّس ،، اول ماقريت ( يموت راعيها ماحبها )
قلت قريبه من حبة الكوع اللي مستحيل تنحب ،، والترقوة مستحيل تحبها لوتموت وطولها طول الشبر