[align=center]
|
|
|
السلام عليكم ورحمة الله وبركاته
|
وعليكم السلام والرحمه والاكرام .. هلا ومرحبا ,,
|
|
اليوم يا اعضاء منتدى قبيلة عتيبه
خاطري اوديكم البر
نخيم مع بعض ونطقها سوالف و قعده و دووه و ضحك و غشمره
والافاده و الاستفاهد كذلك
|
ماعندك مشكله .. قدااام :)
|
|
جيت جلست قدامكم بالباص وقعت اقولكم اني ودي اعرف عنكم شنو اللي تحبونه واللي ماتحبونه
علشان نستانس أكثرو اكثر
|
اهم شي الوناسه لاني هالايام مع البرد الواحد صدره يتقلص ويضيق ويبدا يبحث عن اللي يونسه حتى لو ركب في الباص وراا :)
|
|
|
يالله نبدى بالاسئلــــــــــــه::
|
بسم الله الرحمن الرحيم ,, اللهم لا سهل الا ماجعلته سهلا ًَ ,,
<< على باله داخل امتحان !!
|
|
|
1-أذكر لنا موقف حصل معاك في البر ؟( طريف \ مخجل \ مؤثر)
|
والله المواقف كثيره وكلها ما تنسى وابذكر ثلاثة مواقف حسب الاصناف المذكوره ( طريف \ مخجل \ مؤثر)
الطريف : في يوم من الايام اتفقنا على واحد من الشباب وكان الاتفاق اننا نسوي فيه مقلب ونشوف وش ردة فعله ,,
مسكنا الولد وحفرنا حفره في الارض وحطيناه فيها بعد ما صفقناه طبعا ً << يعني بالعنف ,,
ربطنا يده ودفناااه ومابقى الا راسه بس هو اللي برا والباقي مدفون في الحفره .. وقلنا له ما راح نطلعك خلك كذا الين يفرجها ربي ويجي احد وينقذك ,,
طبعا ً الاتفاق بيننا مجرد تخويف وبنرجع له بعد عشر دقايق ونطلعه ,,
بس المشكله حنا بعد ما دفناه في الحفره ورحنا من عنده ورجعنا لخيمتنا وانشغلنا بالغداء ونسينا الرجال وبعد اسبوع من رجوعنا لهلنا ذكرناه وانه بالحفره ونسينا ما نطلعه !!!!
تجمعنا ورجعنا للبر مكان تخيمنا ودورنا عليه يوم كامل وبالاخير مالقينا الا جسمه وراسه مفقود ؟؟
ما ندري أكله سبع ولا دعسته سياره ولا وش السالفه المهم مالقينا الا جسمه داخل الحفره وبس ,,
دفناه في حفرته ورجعنا وكل ما تذكرنا الموقف نموت من الذحك من طرافة الموقف :)
الموقف المخجل :
كنا طالعين نتمشى في ايام كانت ممطره وخير من رب العباد ,,
لقينا وادي فايض من السيل ياربي لك الحمد ونزلنا نسبح فيه ,,
طلعنا من الوادي ومالقينا ملابسنا >> الظاهر انها انسرقت :(
وحنا راجعين بالطريق لقينا نقطة تفتيش على مدخل المدينه ومسكونا يحسبون ان فينا شي مو طبيعي وحجزونا في التوقيف الين تدخلت الواسطات وطلعونا وحنا خجلين بسروايل السنه هههههههههههه
الموقف المؤثر :
كنا في المخيم ومعنا أسلحة كلاشنكوف ( رشاش )
وحطينا اشاره وتحدينا عليها ,,
راح نص اليوم ومافينا اللي صاب الاشاره ,, وكل واحد متحدي ارتفع عنده السكر والضغط وقفلت الاخلاق << صارت تجاريه
وفيه واحد من الشباب جاب الاشاره في آخر النهار وكسب التحدي ,,
وهو رايح يركض من الفرحه وبيجيب الاشاره عشان يورينا مكان الطلقه رميناه بالرشاش في ظهره وطاح صريع بين الحياه والموت واسعفنا لمستشفى في الرياض ويالله يالله لحقو عليه واخذ شهر في العناية المكزه بين الحياه والموت ,,
كان موقف مؤثر لأن فرحته ما تمت المسكين :(
|
|
|
2-شنو استعداداتكم للتخييم ؟ يعني شنو الاشياء اللي تجهزونها حق البر ؟
|
انا عن نفسي لازم آخذ الاسلحه للدفاع عن النفس من مقالب اخوياي محد يضمن عمره .. والمقالب كثيره وممتعه ,, وأحب اركب جنبي واحد ثرثار يقطع علي الطريق بالسواليف والنصب الين نوصل للمكان اللي نبيه ,,
ولكن الاسعتداد الكامل من جميع الشباب هو الخيمه وعزبة القهوه والشاهي وعزبة الطبخ ,, والفرش والبطاطين عشان اذا احتجنا نلف واحد فيها اذا صارت عملية قتل لا سمح الله ,,
|
|
|
3-تفضلون المواقع المنبسطه ولا المواقع المتعرجه مثل يكون فيها وادي و خباري و من هالامور ؟؟
|
انا افضل الاماكن الطامنه والبعيده عن الانضار عشان الواحد اذا ذبح احد محد يشوفه ويسلم من سين وجيم ,,
|
|
|
4-تحبون النومه في البر !!كم يوم تقضونه بالكثير في البر ؟
|
كلش ولا نومة البر واحب أقضي اطول فتره ممكن في البر حسب الاجازه اللي معي ,,
|
|
|
5-شنو الأشياء اللي تونسكم في البر؟
|
جربعة الشباب بالسياره ,, اي واحد نشوفه مبتعد عن الخيمه لأي سبب كان نجربعه بالسياره ونعلمه ان الله حق بعد ما نصمه ونكسر رجله ولا حوضه ولا اي عظم قابل للكسر ,,
|
|
|
6-شنو افكاركم اللي تقترحونها لقضاء اجمل الأوقات في البر؟
|
نلعب بلوت كل ليله ,,
|
|
|
7- ( اختياري ) عطنا صوره تصف الاجواء في المخيم ^_^ ؟
|
والله الاجواء مختلفه في رحله عن رحله ,, لكن كلها اجواء ملحميه ,,
عاشر عمود على اليمين ورا الحزم ,,
|
|
|
شيء ودك تضيفه و خاطرك تقوله ..!! قوله عادي ... ^_^
|
ودي اقول اني استمعت بالموضوع واسترجاع الذاكره لأيام البر والمكاشيت
الله يجزاك خير ,,
بس ترا كل علومي مزح في مزح مافيها شي من الصحه ابد ,,حنا رجال تربينا على الوفا والكرم والتقدير
وانما هذي علوم نقدر نسميها علوم (( مواصل وبردان ))
وشدني الموضوع وحبيت ازرع ورود الضحك لا أقل ولا أكثر ,,
شكرا لك على الموضوع والمعذره على الاطاله ,,
تحيتي ماهر النمر العتيبي [/align]
| 
|
01-07-2008, 12:21 AM
يالله بوديكم رحله ....................
العرض المتطور
