قصيدة شاهر السهلي في لجنة شاعر المليون

[الشامخ 1]

السلام عليكم
في يوم السبت الماضي شارك الشاعر شاهر السهلي في برنامج شاعر المليون بهذه القصبدة وهي الفائزة في مسابقة 50عام ومركزها التاسع من بين ثلاثة الاف وثلاثة وعشرين قصيدة











[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


عز الرياض وعـز وادي حنيفـه = وعز الامارة والامـور العظايـم
عدل الحكم سلمـان بالعـز ريفـه = خمسيـن عـام وكلبوهـا غنايـم
تبصر بعدله هيـن حـي كفيفـه = المجد له والطيـب والعـز دايـم
صفوة ملوك (ن) كالهضاب المنيفه = ظل وذري عن لفح برد وسمايـم
اسرة شريفـه والمكانـة شريفـه = شيخ الشيـوخ مكبريـن العمايـم
من هيبته كل الأشـاوس مخيفـه = ومن حكمته فل العضال الجسايـم
من مدته عاشت بيوت (ن) ضعيفه= ومن فزعته كم خايف بـات نايـم
نجـد العذيـه كالفتـاه العفيـفـه = شامت لبو تركي قـوي العزايـم
عبد العزيز اللي حكمهـا بسيفـه = حر شهر فوق الحـرار الصرايـم
هاك الإمام اللـي حياتـه كليفـه = جمع شتات الدار عقـب القسايـم
على ظهـور ملافخـات السفيفـه = في ساقته تشبـع سبـاع وحوايـم
النصر في كل المعـارك حليفـه = وحظه يذعذع مع هبوب النسايـم
اما انت والله بالوصايف وصيفـه = عليك من صقر الجزيـرة علايـم
كنّك من معزي موصـى وخليفـه = بين الرياض ونجد مغـرم وهايـم
لك نصف قرن وهي حبيبه وليفـه = تضحك نواظرها وتفـك اللثايـم
تزينـت لـك بالبهايـا اللطيفـه = وزينتها بالعـدل والشـرع قايـم
غيثك عليها هـل صافـي قنيفـه = وديمك عليها انهل والجـو غايـم
ياجعلها دايم علـى كيـف كيفـه = عز ورغد وافراح وامن اوولايـم
[/poem]





يعد ماالقاها على لجنة شاعر المليون قال سلطان العميمي القصيدة مستواها متوسط وانا لا اجيزها طبعا انتم تعرفون اللجنة الذي اختارها الامير عبد العزيز السامر وهم احمد الناصر وراشد ين جعيثن وبوجود محمد الخس وهم من فحول الشعر وياتي العميمي بعدهم ويقول مستواها متوسط فقال شاهر هذه الابيات :









[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كل هادنيـا تجـارب وحنـا نستفيـد = وان وقعنا في خطا فالخطا طبع البشـر
غطلتي من عقب وردي على العد الوكيد = رحت للرس الهماج الذي شربـة كـدر
(يالعميمي) ويش عرفك بسمان القصيد = ويش عرفك الجزاله ومضمون الشعـر
انت توك تظهر العام مع (روضة) جديد = وتحسب انك حزت للشعر في يوم وشهر
كيف تنقد جزلـة كنهـا العقـد الفريـد = فايزه من قبل اجيكم وواصلكـم خبـر
قلتها في الحاكم اللي عسى عمره مديـد = حاكم الوسطى وشيخ البوادي والحضـر
وظهرت بمسابقة راعي الفعـل الحميـد = الامير (السامر) ابن الفخر ساس الفخر
ان عطوا من مالهم ما يمـدون الزهيـد = ماخذوه من الرسايل ومن مـال البشـر
ورشحوها فحول لللشعر اهل راي سديد = لو تجي مع لجنتك عندهم تصبح صفـر
(احمد الناصر) نعرفه ومن وقت بعيـد = وقبل لاتخلق وهو ناقد وشاعـر بحـر
وكان قلنا (الخس) ماله مثيـل ولانديـد = شاعر عملاق يقطف زهر ينحت صخر
(والجعيثن) ناقد فـذ وبشعـره مجيـد = في محال الشعر والنقد له وزن وقـدر
لو تقارن مع احدهم نقصت وهو يزيـد = يصعدون الى الثريـا ومنزالـك حـدر
واخسارة جلستي قدم ربعك (يالسعيـد) = واشهد اتها غلطة ما تكرر فـي العمـر [/poem]




وسلامتكم



منقووووووووووووووول

[الرومنسي]

[align=center]صح لسانك والسان الشاعر

بيض الله وجهك[/align]