قصيدة في لجنة الظلم والمجاملات ؟؟

[عتيبي العتيبي]

اللجنة اللـي حكمهـا قـد سبقهـا
ما هم على نقد القصايـد قديريـن
خلوا رصاص الشعر واخذوا فشقها
وش فايدة جمع الفشـق بالمياديـن
قصايـد الشعـار هـدوا عذقهـا
واخذوا عجاج الشعر ماهم بصيرين
زانوا قصايد مـا تملـي ورقهـا
وارهوا عليهـا بالمدايـح براهيـن
قالوا صورها والرمـوز ونسقهـا
ممشوقة مثـل البنـات المزاييـن
أما بديـع الشعـر نـار وحرقهـا
أفراد لجنـة مشبهيـن البزاريـن
ياذمـة الحكـام منهـو سرقـهـا
الظلـم بيـن والمحبـة للالفـيـن
ارخوا سيوف النقد وزادوا غرقهـا
في بحر يوسف دون حق وبراهين
دكتور فاشـل والقصيـدة شنقهـا
وأصحابه اللي للتفـوق بغيضيـن
يوسف على لحن المعالي طرقهـا
قصيدة(ن)تعلى على حاجب العيـن
وماانسى ولد شمر لحون(ن)وفقهـا
بين البديع وبين حسن ومضاميـن
والمري الشاعر قلـوب وسرقهـا
كل(ن)سمع له صفقوا له ملاييـن
والعازمي بأحلـى بيوتـه مرقهـا
كل النفوس اللي على الذوق مرهين
لكنمـا حكـام شيشـة ومقـهـى
ما يعرفـون الا لحـون المغنيـن
اختاروا الالفيـن زيف(ن)ونقهـا
وقالوا قصيد(ن)ما يجيبه بسيطيـن
حسبي على الله كل نفس(ن)خلقهـا
وحسبي على الله عد حجوا ملبيـن



وسلااااااااااااااااااامتكم

لشاعر / مصلح العصيمي العتيبي

[فهد الزهراني]

صح لسان الشاعر..
فعلا لجنة..المسابقة فاحت ريحتها..واثبتت تحيزها..وظلمها..

ووضعوا انفسهم في موقف لا يحسدون عليه...

[يوسف بن رزاق]

صح لسانك يا اخوي واللجنه من يوم تشوف الكصيطه وفالك المليون ويا عمري تغسل يدك

[السيل الهادر]

الظلـم بيـن والمحبـة للالفـيـن


تركي المريخي مسلك الوضع لتركي الفين مع اعضاء اللجنه

والظاهر انه مواعدهم بدخن وخواضه

بس اهم شيء ماينتقدون تركي الفين

[صهيل قلم]

صح السانك ولاهنت اخوي






.

[بن بجاد الروقي]

صح لسانك يا العصيمي

وتسلم يا العتيبي

[عايد الروقي]

صح لسانك


صوتو لشاعرنا يوسف العصيمي 48



عايد الروقي

[بنت السلاطين]

[align=center]انا اللي قاهرني ان الرسائل اللي تمر في شات الواحه تقول مطير والعوازم يصوتون لتركي والصلب يصوتون لعتيبه
ومسج ثاني يقول وين عتيبه ولا بس كلااااااااااااااام جد ارتفع ضعطي واضح انهم يبونها لتركي الظاهر انه بكا عندهم يبي المليوووون هههههههههههههههههه[/align]

[وحش عتيبه]

[align=center]عتيبي ,,

صح لسانك ,,

ولاهنت ,,

بنت السلاطين ,,

كلن يدور المليون ,,


مع تحياتي ,,[/align]

[بندر]

يعجبني فبنت السلاطين دمهاااا الغيوررر على قبيلتها وربعهااا


الله يعزك في ظلهم يالمهررررره يالحررره


ويوسف يستاااهل كل خير وصااار عنااان المجالس فوقفة ربعه عتيبه معه

لانه مظلوووم بالاساس