دعوة للزعماء الي قافلة معهم من مبارة الديربي + صورة ..

[عزوز العصيمـــي]

حياكم ..


الحمد لله على كل حال وهاردلك الخساره الاولى في دوري زين والنتيحه مقدره ومكتوبه
ولازلنا الاول في دوري زين ولا زلنا متصدرين وحتى لو فاز الشباب اليوم بنضل متصدرين

صحيح مستوى سيء جدا ولأول مره يظهر الهلال كذا لاكن وش نسوي النتيجه مكتوبه
ومقدرة

يعني مستحيل فريق يلعب دوري كامل من دون خساره والخساره شي وارد بالكوره ليه نكبرها
صحيح النصر فاز ومباراة ديربي لاكن لاتنسون لهم 6 سنين يتمنون الفوز وتحققت بطولتهم

ومتأكد وأجزم بإن جريتس لن يسكت عن الوضع بتآتآ والمستوى السيء الي ظهروا فيه اليوم
وعلى حسب كلام سامي بعد مباراة الهلال والشباب بكاس فيصل يقول راح يكون فيه لاعبين جدد

وراح تستبعد بعض الاسماء يعني تطمنوا اكيد جريتس عارف وشهي نقاط الضعف الي عندنا
وصدق من قال .. " إذا انتصر الهلال فرح نصف الشعب وإذا خسر فرح النصف الاخر "

لـ نقف مع الزعيم في المباراة المقبله مع الاهلي على نفس الملعب وبإذن الله نواصل الصداره
ومـبروك للنصر البطوله الجديده الي اعتبرها انجاز لهم ولإدارتهم حتى هم معترفين بهالشيء

ختاما - ادعوكم لمشاهدة هذه الصوره التي تسبب لـ رفع الضغط لدى بعض الجماهير :

[..{غ ـير البشـ}ـر..]

كــبــيــر يالزعيم

اي والله الزعيم معودنآ ع الانتصآرآت يعني موب مشكله لو يخسر مره

ان شاء الله بطوله الدوري لزعيم القرن


يمال العافيه عزوز


وعسآك ع القوه يآبعدي

[عزوز العصيمـــي]

المشاركة الأصلية كتبت بواسطة ..{غ ـير البشـ}ـر.. كــبــيــر يالزعيم اي والله الزعيم معودنآ ع الانتصآرآت يعني موب مشكله لو يخسر مره ان شاء الله بطوله الدوري لزعيم القرن يمال العافيه عزوز وعسآك ع القوه يآبعدي

هاذي المشكلة اخوي غير البشر
ان الزعيم معودنا على الأنتصارات
اصبحت الهزيمة للزعماء شي مستحيل
وان شاء الله هاذي قرصة اذن للدوري وكبوة جواد

شاكر لك تعليقك يابعدي

[خيّال الهيلا]

ماشاءالله كلمةٍ طيبة.. تنم عن وعي.. الله يكثر من أمثالك . .هذا اللي نحتاجه ...
وموفقين انتم او نادي الشباب .. واللي بيفوز بجداره يستاهل ..


لكن عندي نقطة واحدة جماهير النصر مافرحت بالفوز .. كأنه بطولة ..
جماهير الهلال هي من حبّت تخفف من اوجاعها وتزيد من شعبية فريقها بهالكلام ..
والا هو نادي مثل اي فريق .. مع احترامي..
يفوز ويخسر ويتعادل.. يقدم مستوى مايقدم مستوى ..


تبّاني اثبتلك ان المباراة مهمة للهلال ولجماهير الهلال اكثر من النصر ..
انها اكثر مباراة حضور جماهيري للفريق ..
بالله لو الهلال والحزم .. بيملئ جمهور الهلال الملعب ؟
لاتناقضون نفسكم الله يرضى عليكم..

والست السنوات الماضيه.. تروح وتموت.. المهم نصنع فريق للمستقبل ..
فلو ماقدرنا نفوز عليكم خلالها ولا مرة .. او ان شاءالله نفوز في كل مبارياتنا مع الهلال ..
وش يهم اذا ما اخذ الدوري او البطولة..
ماودنّا الا فيها ...

[عزوز العصيمـــي]

المشاركة الأصلية كتبت بواسطة خيّال الهيلا ماشاءالله كلمةٍ طيبة.. تنم عن وعي.. الله يكثر من أمثالك . .هذا اللي نحتاجه ... وموفقين انتم او نادي الشباب .. واللي بيفوز بجداره يستاهل .. لكن عندي نقطة واحدة جماهير النصر مافرحت بالفوز .. كأنه بطولة .. جماهير الهلال هي من حبّت تخفف من اوجاعها وتزيد من شعبية فريقها بهالكلام .. والا هو نادي مثل اي فريق .. مع احترامي.. يفوز ويخسر ويتعادل.. يقدم مستوى مايقدم مستوى .. والست السنوات الماضيه.. تروح وتموت.. المهم نصنع فريق للمستقبل .. فلو ماقدرنا نفوز عليكم خلالها ولا مرة .. او ان شاءالله نفوز في كل مبارياتنا مع الهلال .. وش يهم اذا ما اخذ الدوري او البطولة.. ماودنّا الا فيها ...

هلا مرحبا بخيال عتيبة

لكن عندي نقطة واحدة جماهير النصر مافرحت بالفوز .. كأنه بطولة .. جماهير الهلال هي من حبّت تخفف من اوجاعها وتزيد من شعبية فريقها بهالكلام .. والا هو نادي مثل اي فريق .. مع احترامي.. يفوز ويخسر ويتعادل.. يقدم مستوى مايقدم مستوى ..

اخوي خيال عتيبة
خلنا نتكلم بالواقع الله يرحم والدينك
اخوي وش تسمي فرحة لاعبين النصر بعد صافرة الحكم
حتى ماودهم يطلعون من الملعب والرقص حتى تواصلت
الأفراح الى غرفة الملابس الاعبين
حتى ان جمهور النصر ماطلع من الملعب الى متأخر
كأنه ينتظر تتويج النصر ببطولة
هاذي كلها لايفلعها الى اللي محقق بطولة
بعدين تروح تتكلم عن الهلال نادي مثل اي نادي
انا اتفق معك ان الهلال نفس اي نادي
بس امام النصر مو نفس اي نادي
والدليل ان لاعبين النصر يستذبحون على الكورة
وحماس الله لا يوريك
اتوقع ان النصر لو لعب نفس مبارة الهلال اتوقع
انه راح ينافس على الدوري
بس المشكلة ان الحماس و الأستذباح على الكورة لا يأتي الا مع مبارة الهلال
وبعدين ياخيال عتيبة لاتنسى ان في عوامل ساعدت
النصر للتغلب على الهلال منها الضغط الزائد على الاعبين
والتخدير الأعلامي والدخول بثقة زائدة
هاذي عوامل ادت الى ضغف الهلال.

تبّاني اثبتلك ان المباراة مهمة للهلال ولجماهير الهلال اكثر من النصر .. انها اكثر مباراة حضور جماهيري للفريق .. بالله لو الهلال والحزم .. بيملئ جمهور الهلال الملعب ؟ لاتناقضون نفسكم الله يرضى عليكم..

خيال عتيبة

اتفق معك ان المبارة مهمة
لكونها ديربي العاصمة
لاكن لا تقل اهميتها عن المباريات السابقة
تستدل بحظور جماهير الزعيم..؟؟
اقولك ان جماهير الزعيم ملأت استاذ الملز في كل مبارة
في مبارة الشباب و الوحدة والأتحاد وغيرها هاذي في الرياض
ولاتنسى حظور جماهير الزعيم خارج الرياض وانت رأيت جمهور الزعيم
وكثافته
هذا يثبت ان كل مبارة لها أهميتها ولا تقل اهميتها عن المباريات
السابقة لكون كل مبارة مهمة وانت متصدر الدوري ويهمك الثلاث نقاط.


شاكر لك تواجدك خيال عتيبة

[شيخ الشيوخـ]

<< يترك المايك للأخوان لانه يحب خيال الهيلا

[&ابن روق&]

العالمي اذا حط الهلال في راسه خسره ولا تنسون 2_1

با الموت جبتو الاول وبعد البلنتي تمثيل

[عزوز العصيمـــي]

المشاركة الأصلية كتبت بواسطة &ابن روق& العالمي اذا حط الهلال في راسه خسره ولا تنسون 2_1 با الموت جبتو الاول وبعد البلنتي تمثيل

مرحبا ابن روق

ياخي له ست سنين مافاز وش هالراس اللي عنده ماجت الى على اليوم ههههههههههههه

لاكن النصر بمن حظر

ومبروك الفوز تستاهلون

[&ابن روق&]

ههههههههههههههههههههههههههه

[سلمان]

هلا

ابن عمي عزوز

اول شي هارد لك وهاذي الكوره عادي مباره وحده ماتغير مع فريق

الصراحه انا ابي اتكلم عن نفسي

قبل المباره كان الشعب كله وجمهور الهلال با الاخص ضامن الفوز
ويقولون لنا ست سنين نفوز لا والمره ذي النصر ناقص
يعني بتجي مجزره في النصر

واعجبني كلامك قبل المباره يوم قلت ذي مبارة ديربي مالها اي حسابات ووضعها وضع ثاني

يعني لو بنشوف الدوري الانجليزي مافيه مقارنه بين مانشستر يونايتد ومانشتر ستي في المستويات
لاكن لاتقابلو الوضع يكون غير والحسابات تكون على جنب لانها مبارة ديربي

لاكن الي انا اشوفه انه سبب خسارة الهلال في هاذي المباره
هو الثقه الزائده من لاعبين الهلال ومدرب الهلال وجمهور الهلال

انا كا نصراوي هي المباره الوحيده الي ماكنت متوقع فوز النصر فيها
والين الدقيقه 70 وانا كنت متوقع انها بتنتهي با التعادل

وعلى كل هذا فرصة الدوري للهلال كبيره جداً

وبا التوفيق للجميع