حفل محمد مقعد نهار الرويس للشيخ الشغار

[متابع للأحداث]

تحية طيبه
هنى بعض القصائد في حفل الشيخ فيحان ناصر الشغار بسبب إسهامه في إطلاق بعض الموقيفين من قبيلة الروسان والثبته في الطائف بواجاه وسعى محمد مقعد نهار مثقاب الرويس في مصدة لما نخوه أهل السيل (ثبتان وروسان) وذهب بهم للشيخ فيحان ناصر الشغار وتم ولله الحمد إطلاق سراحهم والتعجيل به بعد أخذ موافقة ولاة الأمر حفظهم الله
وإليكم بعض القصائد حسبب تسلسل الأحداث :-
* حفة أهل السيل (الثبتان من عتيبه)
قصيده ترحيبية بمناسبة قدوم فيحان بن ناصر الشغار و محمد بن مقعد نهار مثقاب الرويس وربعهم للسيل الكبير في عزيمة الثبته والروسان
يالله يامنزل على صحصح البيـــد *** غر المــزون اللي رعدها زهمـــها
غر المزون اللي مطرها تراديـــد *** وجه البسيطة من غزيره وسمــــــها
استبشرت كل الحزم الجلاميــــــد *** بعد ان خلاق البرايا رحمــــــــــــها
نطلبك للإسلام عز(ن) وتمجيـــد *** مكه وطيبـه عز منهــــو خدمــــــها
ونطلبك تهلك زمرة الشر والكيـد *** اللي على الإسلام طايش سهمـــــها
اللي لهم عبر المحطات تهديـــد *** بركانها ثايــر ويقــذف حمـمـــــــها
احد(ن) ليا منه غزى يكسب الفيد *** غزيزته لن شافها ما رحمــــــــها
واحد(ن) يروم المجد ماله مناجيد *** ضعيف من حاله وروحه سقمها
وانا غزيت وجبت من شرد الصيد *** وعيني على الجزله وربي قسمها
رجلي مضريها على رقية الحيـــد *** ودايم على الطالات محفي قدمها
هاضت هجوسي بالبيوت الشواريد *** من شرد الأفكار فكري رسمــــها
جبت القلم والفكر حر(ن) بلاقيـــد *** وصغت البيوت وفكري اللي نظمها
في ليلة(ن) تحسب كما ليلة العيــد *** واللي حضر فيها محلي طعمــــــها
يامرحبا مليون ترحيب وازيـــــــد *** باسمي واسم ربع(ن) شهيره حكمها
بقدوم قوم تفعل الطيب والجيــــــد *** روس الرجال اللي رفيعه هممــــــها
واخص من هو سدد العلم تسديـــد *** وأنهى جميع المعضلات وحسمـــــها
محمد عريب الجد قرم الاواليــــد *** السابقة فالمجد طيبه خطمـــــــــــــها
فعله ينومس مالحق به مناقيـــــــد *** فتل صعيبات الأمور وبرمـــــــــــها
وفيحان ذخر الطيبين الاماجيــــــد *** من قوم يبطي خصمها ماخصمــــــها
ياطيبهم حزات فتل السواعيــــــــد *** والنار من مقباس رجل(ن) شمعـــــها
فعولهم قدم البرايا شواهيــــــــــــد *** على الجبال الشم رفرف علمــــــــــــها
يفرح بهم من حز في رجله القيــد *** من عضته سود الليالي بفمــــــــــــــها
ويفرح بهم من جا بصدره مناكيـد *** تبري جروحه باستشاره قلمــــــــــــها
البيض للشجعان صدر و مواريد *** تنشر لهم فوق الجبال وقممـــــــــــــها
ومن دون قاصر فالنشاما وتعدـيد *** اهل الوفا اللي دوم سابق كرمــــــها
الله يعديهم عيون الحواسيــــــد **** اللي على الأجواد زايد حدمــــــها
وعداد ماورق سجع له بتغريــد *** صلوا على من بالرساله ختمــــها
الشاعر / سعد حميد الثبيتي


* في حفلة محمد مقعد الرويس تكريما للشيخ/ فيحان ناصر الشغار و خوياه من السيل في مصده



1-
في حفلة محمد مقعد نهار مثقاب الرويس


مقامك مع عتيبه يا ابوم مقعد نومس الروسان **** ومقامك لايقٍ بك وأنت فعل الطيب تحري به
عنوا لك وأنت من طيبك عنزت بهم على فيحان *** ولا خيب ظنونك كاسب الطولات من طيبه
كريم لا تقدم فالمهمه بان له برهـــــــــــــان *** وفي حل المجال الصعب ماضيةً تجارييه
وفعل الطيب ما نستغربه من مكرم الضيفان *** وأبوه اللي آليا ذكر الفخر تفخر بع عتيبه
مفاخر ناصر الشغار تحكي بها الركبـــــــــان **** وله ذكرا بفعل الجود كل الناس تدري به
متى ما قام اله فأمراً مهماً يبحل العربــــــــان **** يحل مشربكه ويخلص معقد لواليبــــه
يا كم وكم سجينٍ من وراهم ليحة البيبــــــــان **** يسهل وضعهم مهما تصعب من معازيبه
كريم معه قوة باس وإدراك ودهاء ولســـــــان **** وله مخافةٍ بقلوب عدوانه وله هيبــــــه
ليا حل المماري والفخر مع نايد العربــــــــان **** عتيبه كلها فعله مع العالم تماري بـــــــه
وعقب له رجال فعلهم تنهض له الحجـــــــــان **** ليا نخاهم المضهود هيوا له مطاليبـــــه



شعر الشاعر الكبير / غازي بن دخيل الله بن عون


2- قصيدة مهداه من الشاعر زيد نيف مذكر الرويس للأخ / محمد مقعد نهار مثقاب الرويس
تستاهل المــــدح يابوعيـــــــد **** جتــك النعم وأنت راعيها
ماخابوا اللي نصــوك ابعيــــد **** يبــون فزعتــك تنهـــيـها
فزعتك فكــة سجيـــــن القيـد **** من عقب طالت دعاويـها
ياحر ياللـي تجيــــب الصيد **** وروس النوايف معديها
مراجلك مالها تحـــــــــديد **** والطيبــــة ماتخليــــــــها
صيتك شهر للعرب فالبيـد **** و وقفتك محدن بناسيــها
يفداك منهو قليل الفيــــــد **** اللي يجنب حراويـــــــــها
وفا اللازمة عاته رعديد **** واليا بغى النعم يخطيــها
ياكاسب الطيب بالتأكيد **** فيك القبيله نهنيــــــــــــها
المرجله دربها تعقــــيد **** الا على اللي مهاويــــها
رجلاً من الغانمات يزيد **** ورجلاً فلوسه يداريـــها
ورجلاً حياته وبال وكيد **** وكل النواميس مخطيها
تكفن شو من عنه يالغيد **** وشو من لحامي تواليها
راع المواقيف والتمجيد **** لا عكرالوقت صافيها
شروى محمد عشير الجيد **** نسل الأحرار ومجانيها
والفضل للي رقا فالحيد **** فيحان راعي مباديها
واقبل سلام ابن عمك زيد **** في فعلك أبيات مهديها



الشاعر زيد نيف مذكر الرويس
22/10/1431هـ


4- في حفلة / نيف مذكر الرويس تكريما للشيخ / فيحان ناصر الشغار و الثبتة وربعه الروسان
هذة القصيدة مهداه مع التحية والتقدير والإجلال لسعادة الشيخ فيحان الشغار حفظه الله
ويستاهل هو وأمثاله من شيوخ القبائل الذين يبذلون الجهد في خدمة قبائلهم وأمثاله الذين يحملون مزايا المشيخه والذي ساهم بجهد بإطلاق سراح سجناء الروسان والثبته من الطائف بإذن ولاة الأمر حفظهم الله لأن ولاة الأمر من كل خير قريب نسأل الله أن يجعله في موازين حسناته
يامرحبا ياشيخ ترحيبة المطـــــــــر **** وإعداد ما نبت الشجر بازهار
واهلا باهل قرن المنازل ومرحبـــا **** عداد ما يمـطــــــر من الأمطار
من يوم سرتوا لين جيتوا لدارنـــا **** الله يحيكــــم علـــــى المقـــــدار
تستاهلـون الهيل والعود والشحــم **** أنتم هل النامـــوس وأهل الكـار
ويستاهل النعم الدماسي ولابتـــه **** والنعم لاجا طــــاري الشغــــــار
فيحان بن ناصر ذرى من يلوذ به **** شيخــــن لربعه مثل في الغـــار
من حسته سود الليالي يروحــله **** ينصاه لو إنه ورى سنجــــــــار
هو من مشايخنا وحنا جماعتـــه **** ننصاه لونسنا لهيــب النـــــــــار
راحوله الروسان وابدوا لزومهم **** وقال ابشروا ما قدم المعــــــــذار
عوايده من جاه يقضي لوازمـه **** ويصبر على ضيم الدهر لو جـار
الطيب ودروب الوفا من عوايده **** يافي بها لامن كــــــــل بـــــــار
معوده ناصر على الطيب والوفا **** حرٍ يدمٌي مخلبه لا طـــــــــــار
الليث تأتي لحقته في وصايفـه **** والحر يظهر من وراه أحـــرار
ونعم بابن مقعد وفا في كلامـه **** كرس جهوده وأكمل المشوار
على دروب الطيب تعب نجايبه **** هو السبب في الصاير اللي صار
نصا رجالٍ يبتهج من عنالهـا **** عز الرفيق وفزعةً للجــــــــار
من حسته دنياه وأدرج محالها **** يزبن عليهم في غبا وأجهـار
أزبن على روس الجبال النوايف **** ولاتارد ألا العليم الفـــــــــوار
والرس وقت القيض ما ينورد له **** لو شفت جمه ليلتين وغــــار
والنقض وقت الكون ما يرميبه **** يطيح من دون الهدف لو ثار
واختامها مني صلاة على النبي **** اعداد ما ينـــصى الحرم زوار


الشاعر / فاهد بن نوار الرويس




وفي النهاية والنعم في كل القبايل ******

[أم فيصل]

؛؛
متابع للأحداث ...
نقل مميز ومجهود تشكر جزيل الشكر لإمتاعنا بهذه القصائد الرائعه
لقبيله مرموقه شامخه كـ شموخ الجبال وآكثر ...
صح لسآن شعارها وتسلم يمناااك يالنشمي
مودتي

[وجودك يكفي]

الله يعطيك العافية ولاهنت على النقل

[الأدميرال]

شكراا على النقل للحدث يامتابع للأحداث

[الركــن]

متابع

اشكرك على النقل الجميل

الركن

[عاشق المساري]

يعطيك الف عافيه على النقل