أبو خالد...... بينكم

[أبو خالد الحافي]

بسم الله الرحمن الرحيم
قصيده عن معاناة قلة الوظايف في هالزمن من كلماتي أتمنى أن تحوز على رضاكم
وأتمنى كذلك اذاكان فية ملاحظات في القصيده أن تفيدوني بنقدكم ..
علما ً أن الشعر المنتقد يهدف الى الوضوح وشكرا.....
القصيده :

ياليتني متخرج بعام الألفيــــــــــــــــن
ولا أنطر الشرهات في عامنا الحـال

يمديني المتوظف من تسعة سنيــــــــن
ومطنطخ وفسقان من كثرة أمـوال

ومتزوج ومرتاح بالراتب الزيـــــــــن
راحة قدم مع راحة الراس والبــــال

مانعرف إلا الشيك ولا نعرف الديـــن
عند الحساب ودوك من دون منــوال

ذاك الزمان اللي على الراس والعـين
كثرة وظايف يوم تحقيق الآمــال

وإلا الزمن هذا كثير القوانيــــــــــــن
عقدة زمان اللي على الحظ مانــــال

يبغون نسبه صح من فوق تسعيــــــن
ذولا المعاهد والقطاعات بأشكــــــال

وحنا اجتهدنا باجتهادات بعديـــــــــــن
لكن ماينفع صاحبك بعد مامـــــــــال

الله يعين ويرزق اللي حريصيــــــــن
واللي يبوبه ربي يزيده هبــــــــــــال

واللي نسبهم مااااش من تحت ستيـــن
الدوره الدوره تطيب لك الفـــــــــــال

مالك سواها لا يسار(ن) ولا يميــــن
وإلا انتظر لين يتعدونك أجيـــــــــال

إن طعت شوري خشها وفالك الزيــن
تلقى وظيفه وإحمد الله على الحــــال

غيرك تمنوهـا ولكن قصيريــــــــــــن
الطول مامن طول وهيه تبي طـوال

بانتضار ارائكم وشكرااااااا.
أبو خــــــالد