فاحت عطور المعاني بالخزامى والورود

[شيخ الشيوخـ]

السلام عليكم ورحمة الله وبركاته

والله يجمعنا وياكم على العز والطاعة

هذه القصيدة هي اول مشاركة و اهديها لكل فرد في هذا الصرح الغالي على قلوبنا ,,,

[poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياعتيبة يابني عمي عساكم فالوجود= جيت احييكم هلا ويامرحبا ثم ياهلا
فاحت عطور المعاني بالخزامى والورود=وبان لمع نجومها من عقب مالغيم انجلا
كلمةٍ في خاطري بين الصوادر والورود= واسمعوها دام صدري من تزاحمها امتلا
شجعو موقع قبيلتنا وزيدو فالجهود=وارفعو هامة عتيبة فوق هامات العلا
بالتكاتف والتعاضد للسما نرقا سنود= نابذين العنصرية والتطرف والبلا
تحت ظل ابناء الملك عبدالعزيز بن سعود=خادم البيتين واخوانه لهم منا الولا
مانعرف المستحيل وما لغايتنا حدود=نرخص الغالي عشان اسم القبيلة لو غلا
ثابتات اهدافنا حسب اللوائح والبنود=وماتزعزع قافلتنا لو نبح كلب الخلا
كلبونا صف واحد مثل ترتيب الجنود=وكان صادفنا مشاكل كل مؤمن مبتلا
بالتعب والجهد مع روح التعاون والصمود= نعتلي فوق النجوم اما كذا والا فلا
ويش عذر اللي عن امجاده وعزه مايذود=وبيض الله وجه من جهده نشوفه يبذلا
قالها اللي عد كلماته مثل عد النقود= ثقلها ثقل الجبال وطعمها طعم الحلا

[/poem]


وسلمتوا

[النجم الأصيل]

حجز ملكي درجة أولى

بيض وجهك يالامير

قصيدة تشكر عليها كل الشكر

صح لسانك ملايييييين


ودي واحترامي لك

[شيخ الشيوخـ]

المشاركة الأصلية كتبت بواسطة النجم الأصيل حجز ملكي درجة أولى بيض وجهك يالامير قصيدة تشكر عليها كل الشكر صح لسانك ملايييييين ودي واحترامي لك

حجزك داخل القلب يازاحم ومقعدك في الدرجة الاولى


صح بدنك والله يحييك

[البارع]

يانعم ياشيخ الشيوخ على هذا النص الراقي .... ونقولك ارق سنود ياطويل العمر ...

ابداع غير مستغرب ...صح لساااااانك مدد بلاعدد .... تقبل مروري ..

[شيخ الشيوخـ]

المشاركة الأصلية كتبت بواسطة البارع يانعم ياشيخ الشيوخ على هذا النص الراقي .... ونقولك ارق سنود ياطويل العمر ... ابداع غير مستغرب ...صح لساااااانك مدد بلاعدد .... تقبل مروري ..

نعم حالك و صح بدنك ياشاعرنا وجعل عمرك يطول على طاعته

لاهنت على حظورك الطيب

[فهيد مقعد الرويس]

حجز

لتمجيد بهذا الفاخره

مع التثبيت

ولي عوده بأذن الله

[شيخ الشيوخـ]

المشاركة الأصلية كتبت بواسطة فهيد مقعد الرويس حجز لتمجيد بهذا الفاخره مع التثبيت ولي عوده بأذن الله

الرمز الشعري في شبكة عتيبة
فهيد الرويس

ياهلا بك ويامرحبا ولاهنت يالغالي
وعلومك كلها غانمة
وفي انتظار عودتك

[{ أبوفيصل }]

المشاركة الأصلية كتبت بواسطة فهيد مقعد الرويس حجز لتمجيد بهذا الفاخره مع التثبيت ولي عوده بأذن الله

للتذكـــير


يقول شاعرنا القدير فهيد الرويس للتثبيت

ونحن كذلك نطالب اذا بالأمكــان تثبيت هذه الأبيات

[شيخ الشيوخـ]

المشاركة الأصلية كتبت بواسطة خليجي نت للتذكـــير يقول شاعرنا القدير فهيد الرويس للتثبيت ونحن كذلك نطالب اذا بالأمكــان تثبيت هذه الأبيات

يامرحبا بك يالعطاوي ولاهنت طال عمرك

القصيده تم تثبيتها عدة ايام وهذا يكفي

وجعل عمرك طويل يالغالي ومشكور

[نواف الشيباني]

شيخ صح الله لسانك واعتلى شانك شخت على المعاني وعسفتها لبني عمك وأجدت في السبك ولا هنت ... تقبل مروري