البواااااااااااسل؟

[خلف مرزوق]

[align=center]00

السلام عليكم ورحمة الله وبركاته

ابناء العم الاعزاء

اعضاء المنتدى الانقياء

معذرة على الغياب.. وتقبلوا متواضعتي الاتية

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تستاهلون المدح يـ ارجـالٍ تهيـب ولاتهـاب=انتم حماة الدار بعـد الله ولجلـه ساهريـن
تستاهلون النِعم يـ ارجـالٍ تسوقـون الرقـاب=قلتوا(فدا بأرواحنا)من دون عـرض الامنيـن
نلتوا نعم يومن ثبتـوا بالمهمـات الصعـاب=كنتم سهامٍ للمنايـا فـي نحـور العابثيـن
بواسل الامن السعودي مجدكم فوق السحـاب=مصدر فخـر للملكـة حكامهـا ومواطنيـن
سيروا على منهاجكم واللي نوى بالشر خاب=يافخرنا ياذخرنـا فـي كـل ميـدانٍ وحيـن
بـإيمانكم وأيمانكم دحر الثعالـب يالذيـاب=سيف العدل هو خير رادع للمخادع بالحصين
ومادامنا متماسكين اللي طمع حلمة سـراب=شعب وقيادة مع بعض دون الوطن متماسكين
المفسدين ومن يواليهـم عساهـم للذهـاب=ليش ايحيون ان كان ماهم للصراط بمهتدين
الا الذي عاد لطريق الحـق ندمـانٍ وتـاب=نصفح ورب العرش يصفح عن ذنوب التايبين
مهد الرسالة للسماحة مايشرفهـا انتسـاب=اللي سلك درب الضلال ويتبع ابليس اللعيـن
لو يلبسون اضعاف الانفس للعمايم والثيـاب=يخسوون عن نهج السعوديين ذولا خارجيـن
اجساد بيدين العدو دام العقول بهـا غيـاب=تستخدم الاصلاح حجة والحقيقـة مفسديـن
حتى فتاويهم تخاريفٍ تشوف بهـا العجـاب=المنتحر يصبح شهيدن ويتزوج حـور عيـن
ياجاهل اقرا ماحواه اصدق كتاب اطهر كتاب=قتل البري ذنبه يعادل قتل الانفـس اجمعيـن
ياللي تشوفون الدماء في راحة ايديكم خضاب=قتل المعاهد يُحرِم الجنة!..فكيف المسلمين؟!
اصواتكم لحن الحمام ..اقلوبكم لون الغـراب=ياللي مكرتوا للفسـاد الله خيـر الماكريـن
انتم تبون تشوهون الدين لاكن بـه شبـاب=بعد الله ودون الشريعة والوطن حصنٍ حصين
بـإقدامنا بـأقدامنا ناطى الفتن حيـة وداب=في مهدها نقضي عليها ماتطـول ولاتبيـن
جنود لله للوطن درع وعلى الظالـم عـذاب=ثلاث مانقبل بها سوم ارضٍ وعرضٍ وديـن
امواطنين ارجال امن للعرض نحرس كل باب=قاسين لو تقسى الظروف نزيد نقسى مانلين
بيعاز ابو متعب نسير ورايه الراي الصـواب=الصف واحد ومتكاتـف بالقلـوب وباليديـن
مادامنا متماسكين المعتـدي حلمـه سـراب=شعب وقيادة مع بعض دون الوطن متماسكين[/poem]

[/align]

[إبن ثعلي]

صح السانك ياخلف مرزوق ماقصرت قصيدة رائعه
تحياتي

[عبدالله المرشدي]

صحححححححححححح لسانك


يابو مرزوق


قصيدة اكثر من رائعه

صراحه تستحق القراءة ولايعلى عليها

الله لايهينك وبيض الله وجهك



دمت بخير

[جراح العتيبي]

صح لسانك



والحقيقه قصيده



تستحق منا كل الاهتمام



لاهنت بيض الله وجهك

[فواز الشيباني]

صح السانك يا مرزوق ماقصرت

لاخلا ولاعدم يا غالي

[خلف مرزوق]

00


الاساتذه ..


بن ثعلي


عبدالله المرشدي


جراح العتيبي


فواز الشيباني



مروركم شرف عظيم

الله لايحرمني من تواصلكم


ودمتم اينما انتم

[بنت العطاوي]

شاعر مبدع لك كل التهاني واعذبهاااااااااااااا

اختك / نجلاء العطاوي

[((الدلبحي))]

صح السانك ياخلف مرزوق ماقصرت قصيدة رائعه

[خلف مرزوق]

00

الاخت العزيزة / بنت العطاوي


شكرا على مرورك الثمين واطرائك المشجع


والابداع انتم مصدره


دمتي اينما نتي

[خلف مرزوق]

00

استاذي / مناحي


الروعة لااجدها الا بعد مرورك


دمت بصحة وسعادة




تحياااااااتي