الشاعر فتى نجد اول مشاركه

[الشاعر فتى نجد]

اخواني اخواتي الاعزاء السلام عليكم ورحمة الله وبركاته وبعد هذه اول مشاركه لي في منتدى قبيلة عتيبه الهيلا وعسى ان تحوز على رضاكم
[poem=font="simplified arabic,5,white,bold,normal" bkcolor="transparent" bkimage="backgrounds/28.gif" border="double,10,red" type=0 line=1 align=center use=ex num="0,black""]



توحشني الفرقا على طاري الليل= ويصعب علي افراق خلن لخله
ومن الهوى والحب شفت الغرابيل= ياما شقا قلبي وياما حصله
أسباب بعد الزين دمعي هماليل= أبكي كما طفلن يتيمن جرله
جرله من الوقت هم وبهاذيل= حتى من الايام شاف المذله
عليك ياراع الرموش المظاليل= اللي عيوني مقابله ما تمله
أسهر بعد فرقاه ليلن بعد ليل= ويلومني من يرقد الليل كله
ماولعنه ناقضات المجاديل= داله وسالي والزمن صافيله[/poem]



كلمات ( الشاعر مسفر العتيبي- فتى نجد )

[سعد مخلد]

صح لسانك يا مسفر وبدايه طيبه
اتمنى لك التوفيق وتقبل مروري

[فهيد مقعد الرويس]

صح لسانك

يامسفر

ننتظر المزيد لاهنت

تحيتي وتقديري

[عادل العصيمي]

مسفر


صح لساانك


قصيدة جميلة وبأنتظار الجديد


تحياتي

[ضيف الله السميري]

صح لسانك يافتى نجد


ولاهنت على الابيات الرائعه


تحياتي لك

[الشاعر فتى نجد]

اخوي سعد عاصي اخوي فهيد الرويس اخوي عادل العصيمي اخوي ضيف الله السميري

صح ابدانكم ومشكورين على المرور وبيض الله اوجيهكم

تحياتي للجميع

[آل قطبي الحسني]

صح لـــــسانك وع شـــــانك
احتمل همــك
وغربالــك