الشاعر : نايف صنهات المرشدي

[المغوار]

فيض المشاعر وسط صدري طوابير=عاملتها بالطيب في مبداها
ارويتها من عد صاف التباشر=وجنبتها شهب السنين وغثاها
لاهايمت غر المزون المباكير=يردع مقادمها صلايف هواها
لابكر الوسمي قتوفه مزابير=ولاحت بروقه فوق نجدوقراها
هلت ثعوله وابله مقدم الخير=ترجف رعوده ونثرت برد ماها
ثم جت ترازم مبعدات المشاوير=وضحاًيلوح الوسمم فايمن لحاها
وسم النعش منعش قلوب الجماهير=ومرعب من الهيبة لهلها عداها
من دونها دم المعادي شخاتير=تعب على الي جا يبا مشتراها
وتعاطفن جل البكار المصاغير=ماخالفن يمنا يشرف عطاها
تقطف زهر روضن زهته النواوير=في خبتا راع الغنم مارعاها
فيها النصي والبدوفيها مداوير=وفيها الخزامى يستثيرك شذاها
مدهالها مابين كبشان والنير=واجله وحسله والخضاره رباها
يشوش راسي جن مدري صعاطير=مار المهم النفس وصلت مداها
ارحب غلا وارحب معزة وتقدير=وارحب تراحيباً نجدد غلااها
ارحب على هيلا غوش فالمباهير=يجلا غوش روس الرجال وخواها
برينا تنساق ساعة عشا الطير=لاهرفت شمس العصر من سماها
فنجالها لادار بين المناعير=خلا شيوخ القوم تفهق وراها
ايوالله ان طاريك يامساعد امنير=غايت هوا نفسي ومكسب رضاها
راسك يشابه في شموخه شمنصير=بين النجوم وتاجها واحتماها
امساعد الي سطر المجد تسطير=له سيرتا بالطيب كلاقراها
هذاك ابو فارسزبون المخاسير=كل كايده بالرجل قام ووطاها
نادر وحش ماشربكوه الصقاقير=شم الجبال الشاهقات اعتلاها
امكرم الضيفانريف المسايير=كم حاجتن لناس قام وقضاها
لاجوه فالاز ماقدم معاذير=ابشر يردده ويصدح صداها
من روس قوما يحتمون المظاهير=الاد مرشد سعد منهو نصاها
حماية الطرقا الدهاة المشاهير=والي الفخر في لابتي واتباها
واختامها مني تحية وتقدير=للمحزم الي كل جزلة حماها

[عبدالعزيز بن حشيان]

تسلم يمينك يالمغوار وصح لسان نايف المرشدي

[المغوار]

المشاركة الأصلية كتبت بواسطة عبدالعزيز بن حشيان تسلم يمينك يالمغوار وصح لسان نايف المرشدي

يسلمك ربي يابو خالد وصح بدنك

[إبن ثعلي]

صح السان نايف المرشدي ومشكور يالمغوار على نقل القصيده الرائعه
في مدح ربعنا المراشده

[المغوار]

المشاركة الأصلية كتبت بواسطة إبن ثعلي صح السان نايف المرشدي ومشكور يالمغوار على نقل القصيده الرائعه في مدح ربعنا المراشده

العفو يابن ثعلي وصح بدنك اشكر لك مروك