رحيل الصّمت

[سلمان المالكي]

رحيل الصّمْت ..!


طـيْفِـك الفتّان يسْحَـر .. فـي الـمــدار الـمُـظـلِـمْ
كُل مـا جـيـت أهـتني بالـنّـوم .. لِك صـحّـانـــي

مَــرْ طـيـفِـك .. على سِـحْــر الـخـيـال وســلَّـــمْ
فَـــزْ قـلـبـي يــوم سـلّـم .. طــيـفـهــا حــيّـانــي

قــدْ تكلّـم .. طـيفهــا مِـن قـبـل مــا يــتكلّـمْ ..!
الـحقـيقـة واضحة .. والـتّرجمـة بـِ لسانـي ..!

مَـرْحـبـا والـوقـت فـارس .. والبطل يتعلّـمْ ..!
آتعـزْوى في الزّمن .. يا سـيـرة الـجِـدّانـي ..!

مَـرْحـبـا والـجـود حـاتـم .. والزّمن يـتظلّـمْ ..!
الـثّـوانــي شــاهــدة .. مَــيْــر وشْ درانــي ..؟

لـي متى إحْسَاسَـك عنيد .. وعارفك تِـتْألّـمْ ..؟
الـنّهايـة غـايـبـة .. والعَـطــش يـضْـمـانـي ..!

خاطـري حَاسِـب على الـمعنى .. ولا تِـتْـقَــدَّمْ
الـمعـانـي عادلة .. والمجني عـلـيـه الـجَانــي

الـــوداع اللــي .. عـلـى نـاريــن لـــو يــتـنـدَّمْ
كان عــاش الــحَــرْف .. لــو نارهـا ولـعـانـي

يـا جَمَال الحَرْف غَـنَّى .. والـطَّـربْ مِـتْـهَـنْـدِمْ
والـمَـعـانــي سـاحـرة .. واللـحـن مـا عـدَّانــي

يـا عـذابـي .. قـاتلـه يــا ساكنه مَـجْـرى الــدَّمْ
والله إنِّــي مــا شَـعــرْتــه .. قـبْـل مـا ذكَّــانــي

إيـيـه أحـبِّـك .. يا فـديـت اللـي ضَحَك يـتْـبـسَّـمْ
إيـيـه أحـبِّـك .. لــيــت أبويـه ما بـعـد سَـمّـانـي

جِعـل قلب(ن) ما يـحبّـك .. بالمرض يـتْـسَـمَّــمْ
جِعـل عـمـري يـا حياتـي .. فدوة(ن) واعـيانـي

يـا رحـيـل الـصّـمـت فيني .. والأمَــل يـتـعـشَّـمْ
عـــارفٍ وجـــه الــعــداوة .. عـــارفٍ خِــلانــي

يــا مـشـاعــر صــادقــه .. والـحكـي يـتـلـعـثَـمْ
يــا بعـد كُل الـمـشـاعــر .. يــا بـعـد وجـدانــي

طـيـفـك الفتّان يسْحَر .. في الـمـدار الـمُـظـلــمْ
كُل مـا جـيْـت أهـتنـي بالنّـوم .. لِـك صـحّـانـي

...............
تـحـيّـة عـاطـرة للـجـمـيـع
شاعر الحرب

[عادل العصيمي]

صح لسانك شاعر الحرب


القصيدة طيبة لكن ينقصها الوزن


لا هنت


,

[سلمان المالكي]

عزيزي الشّاعر عادل العصيمي

صح بدنك طال عمرك ولا هنت .. وشاكر مرورك الكريم المعطار

بالنسبة للخلل الذي ذكرته في الوزن .. كنت أتمنى أن تبيّن أكثر رعاك الله

فقد مرّت القصيدة على أكثر من شاعر شرواك ولم يذكر أحد أن الأبيات بحاجة لوزن كما ذكرت

بل مرّت القصيدة على دكاترة ومتخصصين ولم يذكروا هذا الخلل لي

ومع ذلك يا عزيزي أرحّبُ بنقدك الهادف الجميل

وكل ما عليك أن تبيّن أين مكمن الخلل وما هو الدليل على ذلك بالحجّة والبرهان

حتّى نستفيد جميعاً من غزارتك الشّعريّة وعمق فهمك وبيانك وفصاحتك

وحتّى يتسنّى لي مقاضاة أولئك الشعراء والدكاترة في محكمة العدل الدوليّة

والذين فاتهم ما لم يفتك .. وخدعوني في علمهم ومعرفتهم السّفسطائيّة


أكرّرُ ترحيبي بتواجدك الميمون ومرورك الكريم وما زلت في إنتظارك يا عزيزي للتبيين


تحيّة الود والنّقد الهادف ,,

[شموخ طفله]

كانت القصيدة رائعه


دام لك التألق..


تحياتي و تقديري

[نايف تراحيب]

فالبدايه صح لسسآنك يا شاعر حرب ،

والله لا يهينك يابو دارين ،

بالنسبه لوجهة نظري المتوآضعه ،

اقول ان القصيده يوجد بها ابيآت رائعه جداً جداً من ناحيت الوزن والأبداع فيها ،

وكذالك يوجد بها ابيات فيها خلل في الوزن ،

ولكن لكي نقطع الشك باليقين وش رايك يا شاعر حرب تشيلها شيله وتنزلها هنا :)

رغم اني متأكد انك راح تحصل على هذا الخلل البسيط الموجود في بعض الأبيآت ،

وجهات النظر لا تزعل احد يالربع

نلتقي لنرتقي ونستفيد من بعض ،

احترامي وتقديري للجميع ،

[سلمان المالكي]

عزيزي نايف تراحيب

مرحبا بك طال عمرك شرّفت ونوّرت المتصفّح الغير موزون عند البعض

والذي ما زال من وجهة نظري في كامل وزنيّته وإعتداله إلى أن يثبت العكس عندي

ولا أظنّهُ سيثبت

بالنسبة لقضيّة الشيلات فأنا شاعر هاوي ومبتدئ لا يؤمن بالشيلات طال عمرك ويميل للتجديد

في الشّعر بالطريقة العصرانيّة الحديثة والتي تميل إلا الإيقاعات الحسيّة والجرس الموسيقي

وهي مدرسة لها روادها ومحبيّها وأنا أحدهم

وليس لزاماً في ثقافتي الشعريّة المتواضعة أن تكون الأبيات مغناة حتى يثبت وزنها من عدمه

ولكن ليتك بيّنت طالما أنّك تكرّمت ومررت أين الأبيات التي ترى بها هذا الخلل

حتّى يعاد هندمتها إذا إقتنعت المدرسة الشعريّة الحداثيّة العصرانيّة بذلك

ودائماً البيّنة الشعريّة على المدعي واليمين على من أنكر

والأصل برائة النص الشعري من تهمة الخلل إلا أن يثبت العكس

فأنت المطالب بالإثبات وليس أنا يا رعاك الله


أكرر ترحيبي بتواجدك .. ورأيك محل تقديري ولكني ما زلت على يقيني بصحّة الوزن

تحيّة عاطرة وكريمة ,,

[سلمان المالكي]

عزيزتي شموخ طفلة

مرحبا بك طال عمرك

وشاكر مرورك الكريم وكلماتك الأنيقة

ودام لكِ التألقُ يا عزيزتي أيضاً

تحيّة عاطرة وكريمة ,,

[الصهد]

مَـرْحـبـا والـوقـت فـارس .. والبطل يتعلّـمْ ..!
آتعـزْوى في الزّمن .. يا سـيـرة الـجِـدّانـي ..!
رائعه ياشاعر الحرب واصل صح الله لسانك
تحياتي وتقديري

[سلمان المالكي]

عزيزي الصّهد رعاه الله وحفظه

مرحبا بك والسّاعة المباركة وجودك في المتصفّح طال عمرك

شرّفت ونوّرت وصح بدنك يالغالي .. لا خلا ولا عدم

أشكرُ خطوتك الكريمة وكلماتك الأنيقة

تحيّة الود يصحبها السّعد ,,

[عادل العصيمي]

هلا والله ياشاعر الحرب


طيب يوم انت شاعر هاوي ومبتدي ليه العناد والغمز واللمز في بعض كلامك


انا من واجبي اذا شفت خطاء ما اجامل على شان تستفيد انت قبل غيرك واذا تبيني اجامل ما عندي ما نع ولا ني بخسران شي


( صح لسانك وعلى شانك ايها المبدع ,, ما شاء الله عليك شاعر تغرف من بحر وتنحت في صخر ,, الى الأمام الى الأمام )


8


هذي المجاملة وأنا بالمناسبة ما احبها


اما اذا تبي تستفيد .. حنا هنا نستفيد من بعضنا


تفضل هذي ملاحظاتي على قصيدتك


مر طيفك .. على سحر الخيال وسلم ... هذا الشطر مكسور والصحيح .. مر طيفك من على سحر الخيال وسلم


الثواني شاهدة .. مير وش دراني ... هذا الشطر مكسور والصحيح .. الثواني شاهدة لكنّ وش دراني


المعاني عادلة .. والمجني عليه الجاني ... هذا الشطر مكسور ويبيله تغيير كمبليت لأنه صعب يتعدل


كان عاش الحرف .. لو نارها ولعاني ... = = = = = = = = =


يامشاعر صادقة .. والحكي يتلعثم ... هذا الشطر مكسور والصحيح يامشاعر صادقة والحكي لو يتلعثم


هذي الملاحظات اعرضها على الدكاترة اللي تقولهم وشوف وش يقولون


تحياتي


,