[poem=font="Simplified Arabic,4,black,bold,normal" bkcolor="transparent" bkimage="../backgrounds/7.gif" border="none,4,gray" type=0 line=0 align=center use=ex num="0,black"]
=المقناص
- - -
يدك الهم صدري مثل دك الحيد بالمفراص = مابين الضلع والضلع المقابل كنه الخوصه
ليا قلنا وش اللي حصل القانص من المقناص = ثمان سنين نركض ما تقدمنا ولا بوصه
جزانا يوم نمشي بالوفا والصدق والأخلاص = تضيع حقوقنا وان جا بعضها جات منقوصه
زمانٍ يكفل ارزاق الطيور الخرس بالأقفاص = ولابه مستفيد إلا عفون الوقت والصوصه
لذالك ليت مالي فيك يا الدنيا رفيقاً خاص = على شان انتبه واحذر هل البوقات والحوصه
وش فرق العابد الحامد من اللي للفتن رقاص = اظن اوصافهم للي يعرف الناس مبخوصه
على الله لو نبي من غير خلاق الملا مخلاص = تخلصنا ثمان حروف في كلمات منصوصه
وانا بالبر مبغالي دليل وفالبحر غواص = وكم بحرٍ يهابونه كثير الناس واغوصه
وانا الكاتب وانا القاري وان اللي للأثر قصاص = اعرف اللي ليا منه مشى رجليه مرهوصه
وانا العب بالبيوت المحكمه مالعب سبيت وهاص = ليا جت كلمتي جت بالوفا والوزن مرصوصه
بيوتٍ عند من يفهم معانيها ماهي برخاص = تشابه حكمةٍ من نص مختاره ومقصوصه
لكني مابغيت العوشزه وطويرها الوصاص = يرفرف كن جنحانه بناب الداب مقروصه
ولا اظنه صلاح الدين صار ولا أبن أبي وقاص = ماغير فلان ابن علان والأوراق مخبوصه
يولفها الحكيم بحكمته ويرصها الرصاص = يزيد حمولها مرسولها وتجيك مقلوصه
ترى وجه الردي دائم قصيف اقصف من المشقاص = بنضراته وقف قطر السما ولأرض مبحوصه
بعد هاذي وهاذي علم اللي للدماء مصاص = كثيرالناس تضحك ولأذان الحمر مفروصه
لقيت الفرق مابين السلع والفرق بالأشخاص = كبير وكل شياً له غرض واهداف مخصوصه
ولاقد سارت الدنيا على ما يخرص الخراص = وكم علمٍ يثبت ثم تجيه علوم واتموصه
واحد يهلك من الشوكه واحد ينجي من الرصاص = وهذه ضاويه والثانيه فالدرب مبلوصه
قنعت وما كتب لك يا بن آدم ما منه مناص = ومد الله ياتي لو كبود القوم ممغوصه
.
=محمد السميري [/poem]
| 
|
12-06-2006, 03:25 PM
المواضيع المتشابهه
العرض المتطور
