لغز ،، عن بنتٍ نحيلة جسم ودقاقه (محلول) من وجودك يكفي صح لسانه

[{ أبوفيصل }]

لغز تم تحضيره هذه اللحظات عساه ينال منكم طيب الرضا

[poem=font="traditional arabic,6,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياويش بنتٍ نحيلة جسم ودْقاقه =تمايل بشعورها بين الفريقيْني
بنتٍ لبيض الوجيه دوْم عشّاقه =وتْخش بين الصفوف يسار ويميني
[/poem]

[وجودك يكفي]

صح لسانك ياخليجي والله يعطيك العافيه على اللغز الرائع

وش رايك في السبّحه

[{ أبوفيصل }]

صح بدنك والرائع حضورك ياوجودك

مالك لوا بالرمعه

[وجودك يكفي]

هههههههه ياخليجي ترى نبي نشتكيك عند القاضي إبن ثعلي ويمنع عنك خاصية التعديل

[{ أبوفيصل }]

المشاركة الأصلية كتبت بواسطة وجودك يكفي هههههههه ياخليجي ترى نبي نشتكيك عند القاضي إبن ثعلي ويمنع عنك خاصية التعديل

ههههههههه تعديل حرفين تصدق عاد و فيما انت ترمع وانا تو اكتب اللغز وانسق
لغز يعلم الله كيبوردي ياوجودك وتراه جاهز الحين ،،

[وجودك يكفي]

وش تقول في فرشة الأسنان

[{ أبوفيصل }]

انا داري ماهو بايتٍ بالقسم وانت حوله ههههههه

صح لسانك ،، صحيح (( فرشاة الاسنان )) بيض الله سنونك :)

ياويش بنتٍ نحيلة جسم ودْقاقـه = تمايل بشعورها بيـن الفريقيْنـي
فرشاة الأسنان وشكلها المعروف
في مرونتها مرونه عند تنظيف الاسنان العلوية والسفلية

بنتٍ لبيض الوجيه دوْم عشّاقـه = وتْجاهد بين الصفوف يسار ويميني
وظيفتها تنظف الأسنان وتجعلها بيضاء ،، وبأستخدامها توقف انتشار السوس

هاذي من توصيات طبيب الأسنان ماهو !!
بالمناسبة كلٍّ يفرش اسنانه قبل النوم وتصبحون على خير

[مهـرة مـطير]

:(

رآح اللغز

صح لسآنك يـ خليجي

ولسآن وجودك يكفي

مآشآء الله عليه وجودك قنآص الألغآز

ويعطيك العآفيه يـ خليجي

[وجودك يكفي]

صح بدنك ياكابتن خليجي ومادام جوابي طلع صحيح خلاص ماعاد أنا مشتكيك عند القاضي إبن ثعلي

صح بدنك يامهرة مطير ولاهنتي

[{ أبوفيصل }]

صح بدنكـ يامهرة مطير ،، مير ماامداني اثبت اللغز فوق هههههه

ماشاء الله تبارك الرحمن جابها من راسٍ صافي

ترى التعديل من حيني رديته على ماكان يعني ماصار بوه شي