مسافات الوله

[عبدالرحمن القاضي]

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
اسبق عقارب ساعتي لاجل لقياك=واطوي مسافات الوله لاجل الاقيك
مااشعربصدق العشره الابلاماك=ياللي ملكت القلب والقلب هاويك
جيتك وقلبي غايته دايم رضاك=احمل غلاك بداخل الروح وافديك
جيتك وانا ماادري وش اسباب جفواك=جيتك وحلمي بس لحظة اناجيك
واسيرسهْم عيونك السود لاجاك=اطلق سراح معذبٍ جاك ناصيك
الي متى يازين وانا اترجاك=راحت حياتي ياحياتي وانا ارجيك
مهما جفيت ورحت وابعدت مااجفاك=ولاجى على بالي دقيقة اجافيك
اموت واحيا في محبتك واهواك=لاشك ماترحم عشيرٍ مصافيك
عايش على حبك وطيفك وذكراك=ويفز قلبه كل ماحل طاريك
ابشتكيلك منْك والوذ بحماك=واستعطفك واسترحمك والتجي فيك
ابتبعك وابسبقك واتحراك=واستقبلك لاجيت وافرح واحييك
تبي الحقيقة حيل عيني تمناك=وغصبٍ علي قلبي يحبك ويغليك
وطيور شوق مخاوي سهاد تنخاك=حزينةٍ مهزومةٍ بين اياديك
مخاوي سهاد[/poem]

[إبن ثعلي]

صح السانك يامخاوي سهاد ماقصرت
تحياتي

[عبدالرحمن القاضي]

صح بدنك اخوي بن ثعلي
تحيتي اخوك مخاوي سهاد

[النـايــــــف]

صح لسانك اخوي مخاوي سهاد



معليش ينقل الموضوع إلى قسم قصائد الاعضاء

[عبدالرحمن القاضي]

المشاركة الأصلية كتبت بواسطة النـايــــــف صح لسانك اخوي مخاوي سهاد معليش ينقل الموضوع إلى قسم قصائد الاعضاء

اخوي النايف
شكراً على حضورك الجميل
تحيتي
مخاوي سهاد

[** راس حربه **]

صح السانك مخاوي ولاهنت على هالرائعه

والى الامااام دائمااا

[جراح العتيبي]

مخاوي سهاد


صح لسانك


لاهنت بيض الله وجهك


سجلني من معجبينك

ومتابع جديدك