صعب وسهل مليان ماهو بشغلي.. توصل للحل ]شيخ الشيوخ وذيب الذيابه[

[وجودك يكفي]

صباح / مساء
الخير للجميع


هذا لغز كتبته أمس وحبيت اطرحه لكم وإللي يحل اللغز نسمية ابوجعده
وأبا جعده هو الذئب كما تلقبه العرب

يقول :





صعب وسهل مليان ماهو بشغلي=وإللي يفك اللغز يذكر جوابه

ورع)ن(تخفى وسط رجال مبلي=والناس تبغى الورع وطق بابه

والرجل مايبغى من الناس عجلي=إلآ الذي حدد طريقة صوابه

واحيان قدم الناس ويقول كملي=الورع في جوفي ولاهي طلابه

وإللي يعرف الورع بالحل يدلي=واقول ابو جعده ياذيب الذيابه








وجودك يكفي

[شيخ الشيوخـ]

صح لسانك ياوجودك يكفي

لي عودة بعد التفكير

[وجودك يكفي]

صح بدنك ياشيخ الشيوخ

وبإنتظاااااارك

[شيخ الشيوخـ]

المبلي الرجال والا الورع ؟

[صقـر عتيبـة]

صح السانك يا ولد عمي .. يا ولد ثابت نبي نفكر بالغز وان شاء الله نقرب منه

ونحله .. جاري التفكير .. تقبل تحيااااااااتي الخاااااااااصه

صقر عتيبة

[وجودك يكفي]

هلابك ياصقر عتيبه
وصح بدنك يابن العم وبإنتظارك يالغالي


ياشيخ الشيوخ الشطر يقول
ورع)ن( تخفى وسط رجال مبلي

المبلي الرجال شد حيلك يا أبا جعده

[{ أبوفيصل }]

صح لسانك واناعندي لها رمعتن طيّبه
استلم تفاصيل الحل لاهنت
الورع اللي تخفاّ وسط الرجل المبلي (فيروس)عساه بالذهاب
واعتقد ان الرجل المبلي هو الجهاز
أو بالأصح (برنامج في الجهاز) أعطبه الورع ملعون الرقبه (فيروس)
وجودك يكفي وش تقول عساها وقعت في عظم السنون

تحيتي لك

العطـــــ خليجي نت ــــــاوي

[وجودك يكفي]

هلابك يالعطاوي صح بدنك وانا اخوك

الرمعه مالك لوا...يالغالي

[شيخ الشيوخـ]

يمكن يكون

اللغز وجوابه

[وجودك يكفي]

المشاركة الأصلية كتبت بواسطة شيخ الشيوخـ يمكن يكون اللغز وجوابه

صح لسانك وبيض الله وجهك ياشيخ الشيوخ وذيب الذيابه

الحل هو الشطر الثاني من الابيات

الحل الصحيح هو
))اللغز وجوابه((

ولو شبكنا البيت الاول بالبيت الثاني صار واضح يصير المعنى كذا:
وإللي يفك اللغز يذكر جوابه ورع تخفى وسط رجال مبلي

ولو شبكنا البيت الاخير باللي قبله صار واضح مثل الشمس لأن الكلام من اللغز نفسه
واحيان قدم الناس ويقول كملي الحل في جوفي ولا هي طلابه وإللي يعرف الحل بالحل يدلي
وإذا كان صحيح نقول ذيب



البيت الثاني والثالث إذا كان اللغز سهل وينحل بسرعه
والبيت الرابع والخامس إذا كان اللغز صعب
عشان كذا ذكرت في بداية الابيات صعب وسهل




الشرح


الورع المتخفي هو الجواب
والرجال المبلي هو اللغز ومبلي من الناس إللي ودها تفقع عينه وتذبحه وتنهيه
والناس تبغى الجواب وتطق اللغز وترميه بالرمعات من كل اتجاه

واللغز مايبغى إنسان مستعجل لأن التركيز مطلوب إلآ إذا كان الشخص حدد جوابه بسرعه فائقه وعرف كيف يصيب اللغز ويذبحه بدري


ونشوف اللغز إذا كان صعب في آخر بيتين
واحيان قدم الناس ويقول كملي
<<اللغز إذا طول ولا أحد حله كانه شخص يقول كم لي ما أحد توصل للجواب حقي

الورع في جوفي ولا هي طلابه
<<اللغز يقول جوابي مايجي بالقوة والعفرته

واللي يعرف الورع بالحل يدلي
<<اللغز يقول إللي يعرف الجواب يشارك بحله ويدلي بدلوه
واقول ابوجعده ياذيب الذيابه