السلام عليكم
هذه مجموعة من محاورات
وهذه محاوره الشاعر / رشيد الزلامي والشاعر/ومحمد المسعودي
أحببت أن أوردها لكم
الزلامـي
سلام الله سلام اسلام في حفلة رجـال هذيـل *** أهل وادي المضيق اللي نمره بالسنـه مـره
انا ودي اجيهم في جبلهـم كـل يـوم وليـلل *** حيث جبالهم في شكلها قطعـه مـن الحـره
المسعودي
هلا يامرحبا ترحيب مثل البن فـوق الهيـل *** يا طرقي ليا قصيت لك فالـدار لـك جـره
بعيد يا الزلامي عنك بعد الجـدي ولا سهيـل *** وانا ماخبـر لكـم فديارنـا مايـازن الـذره
الزلامـي
محمد يـا رفيقـي لا تـزود ملحهـا بالحيـل *** ترى كبدي على واحد من الهـذلان محتـره
اجل ماعاد ابي ديرتك ياجعله يجيهـا السيـل ***بلاش من الجبل ماعاد ابي خيـره ولا شـره
المسعودي
ترى الميزان بالميزان والكاله تجيـب الكيـل *** ليامنك بغيت الحلـوة اصبـر وابلـع المـره
ليامديت رجلك خطوتك تسبق جيـاد الخيـل *** وانا اعرف الحسودي واكحله بالكحـل واذره
الزلامـي
انا مابغي لك الاحراج انا مارضى عليك الميل *** دفعت الباخره لكـن جـات فالبحـر مفتـره
مادام الضيف يطلب شي ومحمد عليه بخيـل *** وابن سودا صديقه مـار ماسـره ولا ضـره
المسعودي
اخذ علم الحقيقه واترك اهل القال واهل القيل *** ترى من طبعنا ما نوعـد الرجـال ونغـره
اليامني عرفت انـك مبتـل وزعتـك تبتيـل *** فزعت بفزعتي مع عزوتي والعيـن محمـره
الزلامـي
علوم محلله مـن عصـر مايبغالهـا تحليـل *** وانا والله عـارف يـا هذيـل دميكـم حـره
مانشرب بدرت الراعي واحنا فوق شاط النيل *** وصار العلم بجنـاح النعامة واحكـم الصـره
المسعودي
مادام انك تعرف العلم ليش تحط ليش تشيـل *** توكل مايهاب الغبـه اللـي يرغـب الـدره
مساجدكم كثيره واسمـع التكبيـر والتهليـل *** واظن اعلومكم راحت مـع الفـوال والجـره
الزلامـي
بغيت اقنع بغيت ارجع وحيلك ياقوي الحيـل *** لكنك قلت لا تقنـع وهـذي هرجـت القـره
انا عيني تشوف الدرب مايحتاج لي دربيـل *** لو امسك راعي الجره برجله جيـت مجتـره
المسعودي
ترى الموجز بدايه بعده الأخبـار بالتفصيـل *** يجيك العلم من بطن البحر ويجيك مـن بـره
تشوف الدرب عينك مار بعيونك تشوف الويل *** تقرب من عراقيب الجمل كـره بعـد كـره
رشيد الزلامي مع شليويح المطيري
الـــــــزلامـــــــي
من على هذا المكان اللي يشعشـع نـوره *** أسسه عبـد العزيـز وعمـره سلمانـي
ياسلام الله على أهـل الديـره المعمـوره *** يامعازيبـي وياربـعـي وياصدقـانـي
الـــمـــطـــيــــري
موقعٍ فيه الشـرف والعـدل ياخـذ دوره *** كل ماغلقـت قافـك جـاك قـافٍ ثانـي
مرحبا باللي ليامنـه رسـم لـه صـوره *** صورةٍ فيها الخطر بإسـم الله الرحمانـي
الـــــــزلامـــــــي
إتجه للغرب وأحـوال العـرب مستـوره *** ماقـراه الغامـدي علـم بـه الزهرانـي
لقمة الهندي كبيـره وقطعـت حنجـوره *** لو أترجم قصة الهنـدي قطعـت لسانـي
الـــمـــطـــيــــري
إتجه للغرب وإقر اللـي علـى السبـوره *** ثـم دور للطبيـب مـداوي المرضانـي
وأقضب الخط المقابل ثـم أخذلـك دوره *** والله اللي يفرق المسلم عـن النصرانـي
الـــــــزلامـــــــي
ياخويانا لاتصيـر أفكاركـم محصـوره *** كل عود يصير له شعلـه ولـه دخانـي
أنته الليله عوج وأعـوج مـن الباكـوره *** وأنت رأس غليس وأنت الصاحب القوماني
الـــمـــطـــيــــري
والله إنـا مانعصيـك العصـا المكسـوره *** والمفتـح مايعيـش بـديـرة العميـانـي
يالزلامـي لاتجيـب العملـه المقـبـوره *** عوجتـي مانتـه معدلـهـا ولاتبـلانـي
الـــــــزلامـــــــي
أنت ساكن في محـلٍ ماتطيـر طيـوره *** شد عـن هـذا ودور لـك محـلٍ ثانـي
لو خليت الجمـل يبـرك عليـك بـزوره *** كـان بـن شـلاح يذكرنـي ولاينسانـي
الـــمـــطـــيــــري
قاعدٍ لي فـي مكـانٍ ماتشيـن زهـوره *** وأنت خلصت العشاء وأقرعت بالقدحانـي
لو لحقت الوقت الأول ماعرفت عصـوره *** جدك اللي باعها بالعـرف مـع جدانـي
محاورة للشاعر ملفي الشلاحي مع الشاعر / رشيد الزلامي
الشلاحي
ياضيوفٍ حضرتوا يسعـد الله مساكـم *** كل ضيفٍ نبي نأخذ حمايـض علومـه
الزلامي يحسب انه على الشعر حاكـم *** ما درى إنّا على الشعار مثل الحكومـة
الزلامي
كـان فيهـا تحـدي فارقونـا وراكـم *** عارفين القمر والليل نحسـب نجومـه
ياعرب مالحقنـا شـك فـي مستواكـم *** مير ياليت حضن الضلع يلـزم بقومـه
الشلاحي
ياعتيبة زعلكـم مـا يباعـد رضاكـم *** من يحب التحدي مـا تـردى عزومـه
ياوسيع البنايـد مـا رضينـا خطاكـم *** وادري ان المطيري ما فرحت بقدومـه
الزلامي
شرنـا مانعينـه وان طلبتـوه جـاكـم *** مير خلـوا لحاكـم غاليـة ومحشومـة
امتحنتوا عتيبـة هالسنـة وش بلاكـم *** والمراجل بحر واللـي يعومـه يعومـه
الشلاحي
والله إنّا مانرجي قطـرةٍ مـن سماكـم *** ياعسا هالسنـة تكثـر عليكـم غيومـه
العتيبي طبيعـي لـو همومـه تراكـم *** عادة اصغر مطيـريٍ يـزود همومـه
الزلامي
يالاجاويـد حنـا ربعكـم وقصـراكـم *** والعرب ما تطق الباب غيـر معزومـه
اعزمونـا ونلفيكـم وتكـرم لحـاكـم *** لا تقولـون هـذا عندنـا وش لزومـه
الشلاحي
راعي البيت رجلٍ جالسٍ فـي حراكـم *** مير ضيف العرب يونس على الكبد لومة
يا عتيبة ترا داكـم طلـع مـن رداكـم *** المثايـل قديمـة و الشكـوك معدومـة
الزلامي
في زمانٍ مضى نزعل ونلعـن ثواكـم *** والعشيـة مطيـر مريّحـة ومخدومـة
ليت والله يجي فرصـة ونقلـع مداكـم *** لو ملفي مـن الضيقـة يشقـق هدومـه
الشلاحي
دائم افعولكـم مـا تتفـق مـع حكاكـم *** مير خلك على البيداء ونومتـك نومـة
تحيااااااااااااااتي
| 
|
12-06-2006, 04:38 AM
المواضيع المتشابهه
العرض المتطور
