@ أكبر مصيبه @......ارجوا القراءه..

[@المهاجر@]

السلام عليكم ورحمه الله وبركاته امابعد.

انقل لكم اول مشاركه لي في هذا المنتدى الطيب
ولقد اعجبتني واتمنى ان تنال على رضاكم ونرجوا الفايده
ان شاالله
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا خاطر ٍ ما ضاق غير إلا من وجيه الحثال= السارق اللي متعب ٍ عمره ومضْنيه الجشع
والمشكله زاد العرَب عنده وياكل بالشمال =أكل أكل أكل أكل لكن حسافه ما شبع
وش عاد نبغى فالثقافه دامها الدعوه ارتجال= والشعر روضه بين دِيم الفكر وانهار ونبع
نوابغ الفيزياء تثبت إنّ للطاقه مجال =وإنّ الكثافه تنخفض لمّا الحراره ترتفع
وإحْنا مكانك سر ..لا نؤمن بإطلاق الخيال= ومن التعاسه لا تحَاورنا تقاذفنا القمع
بين التشدّد وانفتاح العلمنه.. شدّ القتال =فطاحلة فكرٍ تعارك.. والفضا ياما وسع
والمشكله إن الحوار احيان يغشاه انحلال =والمشكله تكبر إذا بأسبابهم تكثر بـِدع
يا ناس خلـُّونا نعيش بْلا توتر وانفعال =أكبر مصيبه فتنة ٍ في الدِّين ..والشارع شرع
كتاب ربي جامع الأطياف وخـْيار الخصال =والربّ له حكمه وسبحانه من الحكمه جمع
آيات ٍ أعذب في معانيها من المَيَّ الزلال =وأحكام وأعراف وقصص والنور في جُلـّه سطع
نبغى التآخي والتألف والمرونه في الجدال =والشمس ما يشبه سناها شبّة اضواء الشمع
يا حيّ هرْج العاقل لـْيَا جاك يضرب لك مثال =كنـّه يسلسل صف لولو وكنّ احاديثه سجع
لا جاك يهرج ما يثرثر بالسواليف الهزال =معنى جزاله والأدب والحلم في حكيه طبع
لكن تجي للصَوب الآخر شيّ يدعو للخبال =أصوات تتضارب وسَبّ ولعْن وصْداع ووجع
سباع في كبـْر السوالف والشتايم والضلال =والله واعلم لو تجي للصدْق ما تلقى سبع
وما يفتل هروج الدمان الا مراجيج ٍ هِبال =والرَّجل لا جا فيه زوده يجعل الواحد ربع
وشلون ما يحشم مضامين ومواقيف الرجال =وشلون ما قد مَرّ في باله كلام وْلا سمع
إن الإمام الشافعي قد قال واسمع ويش قال =(ما طار طيرٍ وارتفع.. الا كما طار وقع)
يعني على هونك وإذا حظك تنكـّر لك ومال =اذكر نسانيس الرخا ساعة وشى فيك الطمع
وانْ كان يغريك الرضا والطِيب والكسْب الحلال= ما لك سوى التقوى وحث النفس وإجلال الورع
والكبْر جنـّب مرقبه وأرْقا على روس الطوال =اللي زرع درْبه زهَر ما يحصد إلا ما زرع[/poem]
منقووووول
ودمتم.....................[/align]

[القوبع العضياني]

اولا مرحبا فيك في منتدى الجميع

والله يعطيك العافيه على المشاركة المميزه

[ناصر بن سعدي]

الغالي


المهاجر


هلا وغلا ونورت قسم الشعر الشعبي

ومشاركه رائعه ونقل رائع


ونتمنى منك الإجتهاد في موافاتنا بشاعرها


وتقبل تحياتي..!!

[رزان الشهري]

المهاجر صح لسانك يسلمووووووو ع الموضوع

[حنين الماضي]

نقل مميز

نرجو منك يالطيب توافينا بقائلها

تقبل من التحيه أغلاها

[إبن ثعلي]

مشكور يالمهاجر فقد احسنت الاختيار
تحياتي

[محمد العتيبي]

المهاجر

والكبْر جنـّب مرقبه وأرْقا على روس الطوال... واللي زرع درْبه زهَر ما يحصد إلا ما زرع

مشاركه جيده ويعطيك العافيه على نقلها

وياليت نعرف قائلها

تحياتي

[بدر الروقي]

رزان الشهري


صح السانك والسان شاعرها


رائعه جداً


والكبْر جنّب مرقبه وأرْقا علـى روس الطـوال
اللي زرع درْبه زهَر مـا يحصـد إلا مـا زرع


ويامرحبابك في منتدى عتيبه الهيلا !



تحياتي ....!!

[مستر عتيبي]

صح لسانك يالمهاجر
و الله يعطيك العافيه

[النـايــــــف]

صح لسانك اخوي المهاجر

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،