سلام عليكم
اعتذر عن قلة تواجدي بهذى المنتدى الراقي ,,يشرفني ان اشارك
هاذي القصيده قلتها بمناسبة انعقاد دورة دول مجلس التعاون الخليجي 30 في الكويت موخراً
وحضور قادة دول الخليج ضيوفاً اعزاء على الوطن
يامرحبا بحكام احفاد حكام
يامرحبا باللي لفو في بلادي
بقدومكم زينا الدار باعلام
ولبست بلادي ثيابها الجدادي
لاشك هذا يوم يفرق عن ايام
لاشك هذا يوم ما هو بعادي
العين بقدوم العزيزين ماتنام
ياعزنا يادرعنا فالشدادي
في جمعكم طيرالسعد بخافقي حام
من وين مالديت الافكار جادي
جيتو ضيوف لسيدي نسل الاكرام
الشيخ أبوناصر ذرى كل غادي
ابعيد نظره ,,, وفالمهمات مقدام
بسياسته ما فيه مثله قيادي
هذا ذخر شعبه على مر الاعوام
من يوم جانا خيرنا بازديادي
الشعب طابع حبه بأختام وأوسام
في كل محفل بالولاء له ننادي
ومدام بوناصر مترأس وعزام
عزالله انها ناجحه ياعبادي
اليوم تتوجه صحافه وإعلام
لقصر بيان ألي بالامجاد سادي
هذا تجمع فيه خيراً للانام
فيه التعاون فيه مـد الايادي
ستت كواكب ساطعه بنور الاسلام
الله يحميها من اطماع عادي
خليجنا ياقادته حطم ارقام
من التطور والرقي الكل بادي
الشعب في حكم القيادات مانضام
أمن ورخى في كل وادي ووادي
خليجنا في ضلكم حقق احلام
من وصلة الكهرب ليـ توحيد مادي
واليوم ياحكامنا امرنا هام
الشعب لتوحيد الخليجي ينادي
نبي السفر من دون أوراق واختام
نمشي نروح وسيرنا اعتيادي
خليجنا واحد ولافيه اقسـام
هذا كلام الحق هذا الوكـادي
لأن الروابط بيننا مالها احكام
الدين واحد وكلنا بالمرادي
الله عطاكم شعب يحبكم ولا يلام
والله عطانا حكمكم الحيادي
وياشيوخنا حنا لكم درع وحزام
لاثارت الهيجا قدحنا الزنادي
لاجا نهاراً فيه راس العدو قام
العمر يرخص وسط صوت الهجـادي
نهدي العمر من دون بايع وسوام
لأجل الخليج نسوق مال وجهادي
نبقى لصوت الدار جندن وخدام
والعلم واضح مايبيله شهادي
اقولها وخطها بروس الاقلام
للي غلاهم في حنايا فؤادي
من يوم سرتو لين حطن لاقدام
يامرحبا بأسم الحضر والبوادي
اقولها وأنا كويتي ومانضام
يامرحبا باللي لفو في بلادي
| 
|
04-02-2010, 05:07 AM
الشعب لتوحيـد الخليجي ينـادي
العرض المتطور
